Bergkordnung /  des freyen Lo^ͤblichen Bergkwergks

Sanct Joachimsthal /  auffs newe gebessert / 

Montag nach Matthei Apostoli

den xxvi. Septembris.

Anno Domini

M. D. XLI.

Neu aufgenommen von

Eva Jaschik

Dresden 2024

auf der Grundlage der Bergordnung der

Grafen Hieronymus und Lorenz Schlick

von Bassano

 für Sankt Joachimsthal vom 

26. September 1541

in

Bergordnung des freyen Lo^ͤ blichen

Bergkwergks Sanct Joachimsthal auffs newe gebessert

Wolffgang Meyerpeck

Zwickau 1542

Einleitung

Im Jahr 1541 entschieden sich die Brüder Graf Hieronymus II. und Graf Lorenz

Schlick zum Erlass einer neuen Bergordnung für Sankt Joachimsthal. Nach dem

Tod ihres Bruders Graf Stefan Schlick im Jahr 1526 erbten sie die Herrschaft

Schlackenwerth mit der Bergbauregion um Sankt Joachimsthal. Als Erben  wurden auch Moriz, der Sohn des verstorbenen Graf Stefan Schlick, sowie die Söhne seines Bruders Graf Heinrich II., Caspar III. und Heinrich III., erwähnt.

Die neue Bergordnung wurde nach dem Vorbild der Kuttenberger Bergordnung in vier Abschnitte unterteilt und um einen zusätzlichen Abschnitt erweitert.  Dieser Abschnitt beschäftigte sich nur mit den Rechten und Pflichten des  Bergmeisters bei Gerichtsverhandlungen.

Angelehnt waren die insgesamt 186 Artikel dieser Bergordnung an die Annaberger Bergordnung von 1509 und deren Nachfolger aus den Jahren 1520 und 1536. Die Bergordnung für Sankt Joachimsthal hatte Gültigkeit für alle Metalle.

Obwohl die Bergordnung für Sankt Joachimsthal zu ihrer Zeit die umfangreichste und präziseste Bergordnung war, wurde auch hier in der Einleitung darauf verwiesen, dass nicht beschriebene Fälle nach altem Recht geregelt werden  sollten. In der Einleitung aufgeführt wurden auch alle am Bergbau und Hüttenwesen beteiligten Beamten.

Der erste Teil der Bergordnung beinhaltete 12 Artikel. Detailreich aufgeführt wurden hier die Rechte und Pflichten der in der Einleitung genannten Beamten. In zwei Tabellen wurden die dem Bergmeister zustehenden Gebühren für  bestimmte Tätigkeiten sowie die an die Geschworenen zu zahlenden Gebühren für ihre Amtshandlung aufgelistet. Beim Bergschreiber wurden neben dem ihm zu zahlenden Gebühren auch die von ihm zu führenden Bergbücher benannt.

Der zweite Teil umfasste insgesamt 103 Artikel. Beschrieben wurden hier die Vorgehensweisen beim Erschürfen und Verleihen neuer Erzgänge sowie die  dabei geltenden Fristen, die Prozedur der Verleihung mit der Vermessung der Fundgrube sowie dem Setzen der Lochsteine beim Antreffen von Erz. Neben den Regelungen bei der Wideraufnahme alter Zechen wurde auch der Betrieb von privaten Gruben durch Eigenlehner mittels Weilarbeit erwähnt.

Beschrieben wurde ebenfalls die Einstellung von Schichtmeistern und Steigern nach einem Erzfund sowie deren Rechte, Pflichten und ihre Entlohnung. Extra verwiesen wurde hier auf das Verbot des Bierausschankes durch Steiger und Schichtmeister. 

Aufgeführt wurden auch die Regeln der Gedingearbeit, der Anschnitt und die Entlohnung der Arbeiter.

Allein 22 Artikel befassten sich mit der Quartalsrechnung und damit einhergehend mit der Zahlung von Zubuße und Ausbeute.

Am Ende des zweiten Teils befand sich ein 12 Artikel umfassender Abschnitt zu den Rechten und Pflichten der Erbstolln.

Der dritte Teil der Bergordnung befasste sich in 16 Artikeln detailliert mit dem Verhüttungsprozess der Erze. Obwohl die Hüttenwerke private Unternehmen  waren, konnten die Hüttenbeamten über Anstellung und Entlassung von Mitarbeitern der Hütte entscheiden. Beschrieben wurden hier die Vorschriften beim Schmelzen sowie die Arbeit und Entlohnung der Hüttenarbeiter.

Der vierte Teil der Bergordnung umfasste 40 Artikel und behandelte die Verfahrensweisen bei Bergrechtsstreitigkeiten, die durch den Bergmeister und die  Geschworenen geschlichtet werden sollten. Bei Unklarheiten sollten die Räte von Freiberg oder von Sankt Joachimsthal angerufen werden. Neben der Beschreibung der Prozeduren bei Klagen, Verfügungen, Berufungen und Urteilsverkündungen wurden auch die anfallenden Gerichtskosten sowie die Gebühren des Amtsschreibers aufgeführt.

In weiteren 15 Artikeln wurde geschildert, wie der Bergmeister im Falle von

Klagen zu Bergteilen oder Ausbeutezahlung außerhalb des Gerichtes verfahren sollte.

Es folgten die Eide der Berg- und Hüttenbeamten, der Bergwerks- und Hüttenangestellten, des Ältesten und des Jüngsten der Knappschafft sowie die Eide der Einwohner und Gäste von Sankt Joachimsthal.

Nach dem Register folgten 11 Korrekturen, welche im Text in eckige Klammern gesetzt wurden. 

Verwendet für diese Edition wurde die Veröffentlichung dieser Bergordnung durch Wolffgang Meyerpeck 1542 in Zwickau.

Für die Abschrift des gesamten Textes zeichnet Eva Jaschik verantwortlich.  Korrigiert und komplettiert wurden die Texte durch Uwe Jaschik.

Bergordnung

WJr Hieronimus vnd Lorentz Schlicken Gebru^ͤ dere Grauen zu Bassan / Herren zu Weisskirchen / Elbogen vnd Rabenstein c. vor Vns / vnd die Wolgeborne Vnsere Junge liebe Vettern / Graff Steffans / vnd Graff Heinrichs So^ͤ ne / Vnsere vnd derselben Erben / Bekennen vnd thun kundt o^ͤ ffentlich / Wiewol der

Wolgeborne Graff Steffan Schlickh c. Vnser freundtlicher lieber Bruder / dem

Gott wol wo^ͤ lde / zu fu^ͤ rderung seiner Liebden / vnd vnsers Bergkwercks inn Sanct Joachimsthal / mit gutem zeitigem rath / eine Bergkordnung / wie es  allenthalben doselbst / gehalten werden so^ͤ lt / angenommen / vnd inn Druck brengen lassen / So hat sich doch mitler zeit / souiel ereugent vnd zugetragen /  dardurch allerley voranderung / vnd desshalb auch besserung / darinnen  zumachen / fu^ͤ rgefallen / Weil wir Vns dann / als bey denen das Regiment /  itziger zeit / stehet / aus gnaden Gottes / schuldig erkennen / auch geneygt seind / gemeynes Bergkwerck / Vns / Vnsern Vettern / auch allen frembden vnd  einheymischen Bergkleuten / zu gedeye auffnemung vnd wolfart / zu fu^ͤ rdern / Welches dann vnsers ermessens / nach der gnade Gottes / aus guten Ordnungen vnd gesetzen herfleuft. So haben Wir dieselbe alte Bergkordnung / sampt den  Artickeln / so anhero darzu gethan seind worden / fu^ͤ r hande nehmen / mit vleis vbersehen / vnd wo es die notturfft vnd gelegenheit erfordert / verandern / zu / vnd ab / thuen / besseren / vnd sonderlich inn bequehmere form fassen / Auch damit sie meniglich zuwissen ko^ͤ hme / in Druck brengen vnd vorfertigen lassen. Schaffen wo^ͤ llen vnd gebieten darauff / bey vormeydung Vnserer vngnade / auch bey darinnen vorleibten / vnd anderen rechtmessigen straffen / (die wir Vns auch / nach des vbertreters gelegenheyt zumindern vnnd mehren fu^ͤ rbehalten) das ein ieder / er sey frembde / oder einhaymisch / der sich Bergkwercks alhier / vnnd auff den zugeho^ͤ renden gebirgen / gebraucht / diese Vnsere vorbesserte Ordnung hinfort / inn allen / vnd ieden Artickeln / Puncten / vnd stu^ͤ cken / darinnen  vorleibt / vnuorbu^ͤ chlich halten sol / Was nun durch diese Ordnung geandert / vorbessert / zu / odder abe / gethan ist / das sol forthin / inn fu^ͤ rfallenden sachen / dermassen / wie es itzo verordnet / gehalten werden / Was aber nicht geandert / auch die Vhelle so hyrinnen nicht begriffen (wie dann alle Vhelle zubegreiffen vnmu^ͤ glich) die so^ͤ llen nach den vorigen Vnseren Ordnungen / alten lo^ͤ blichen vnd erbaren Bergkrechten / vbungen vnnd herkomen / geo^ͤ rtert werden / Wir behalten Vns auch / vor Vns Vnsere Junge liebe Vettern / Vnsere vnd derselben Erben / beuor diese Ordnung / wenn vns / oder ihnen solches gelegen sein wu^ͤ rde /  zubesseren / anderen / minderen / mehren / vnd auff zimliche nu^ͤ tzlichere wege zurichten / gar / oder zum theyl abzuthuen / vnd andere auffzurichten. Wir wo^ͤ llen auch dieses Bergkwerck / alle Bergkleute / vnd andere / so alhier inn  dieser freyen Bergkstadt oder auff den zugeho^ͤ renden gebirgen / wohnen / oder des Bergkwercks gebrauchen / bey Vnseren gegebenen Priuilegien vnd Freyheiten / auch bey gleich vnd recht / schu^ͤ tzen / dasselbe auch einem iedern one  vnbilliche wegerung mitzutheylen / inn allewege vorfu^ͤ gen / Darnach sich  meniglich habe zurichten. Geschehen alhier im Joachimsthal / Montag nach Matthei Apostoli / den xxvi. Septembris. Anno domini c. Fu^ͤ nffzenhundert vnd im Einvndvierzigsten.

Teylung dieser Ordnung.

DJese Bergkordnung ist vmb bequehmer zurichtung willen / inn Vier  haubttheyl / wie volget / getheylet.

Der Erste Teyl.

SAget von der Amptleute vnd Diener beuehl / vnd wess sich ein ieder inn sonderheyt / halten sol.

Der Andere Teyl.

SAget von dem Bergkwerck vnnd desselben zugeho^ͤ renden sachen / Auch von Sto^ͤ llen / derselben Gerechtigkeit / vnnd wie sie die erlangen.

Der Dritte Teyl.

MEldet von dem Hu^ͤ ttewerge / vnd was dem anhengig ist.

Der Vierdte Teyl.

JSt ein Process vnd form / wie hinfu^ͤ rder inn fu^ͤ rfallung irriger Bergksachen / inn der gu^ͤ te / vnnd zum Rechten vorfaren sol werden.

Daran ist ein besonder form gehengt / wie es inn sachen / Clagen / vnd hu^ͤ lffen / ausserhalb Rechtens / vor dem Bergkmeister / gehalten sol werden.

DAmit nun gemeynem Bergkwerge / inn Vnseren Herschafften vnd 

Obrigkeyten / getrewlich / nu^ͤ tzlich vnd wol / fu^ͤ rgestanden / diese Vnsere  Ordnung / inn allen ihren Artickeln / vleissig vnd vehste gehalten / vnrecht  gedempfft vnd gestrafft / gemeyner nutz gefu^ͤ rdert / auch allen einheymischen / vnd frembden / so Vnsere Bergkwerge besuchen / vnnd gebrauchen / gebu^ͤ rlicher schutz / friede / recht / vnd gerechtigkeit / fu^ͤ rderlich mitgetheylt / vnd geleystet werde / haben Wir Vnsere Bergkwerge mit hernach benanten vnnd anderen Amptleuten vnnd Dienern / versehen / die eynem iedern / der sie gebu^ͤ rlich  ansuchen wirdet / ihrem beuehl nach / souiel recht vnd billich ist / gewertig sein so^ͤ llen vnd werden / Nemlich /

Amptleute vnd Diener.

Einen Hauptman. Einen Bergkmeister. Zehen Geschworne Bergkuorstendige. Einen Zehender. Einen zugeordenten Gegenschreiber im Zehenden. Einen Austeyler. Einen / oder zwene / Hüttenreiter. Einen Gegenschreiber. Einen Bergkschreiber. Einen Silberbrenner. Einen / odder zwene Probirer. Zwene Marscheyder.

DJese itzt benannte Amptleute vnd Diener / desgleichen Schichtmeister / Steiger / vnd andere / so^ͤ llen Vns gebu^ͤ rliche Eydes pflicht thun / Vns / vnd  vnseren Jungen Vettern / gehorsam / gewehr vnd getrewe zusein c. wie dann  eines iedern Eydt vermag vnd inne heldet. Die so^ͤ llen auch / one erlaubnus / von  hinnen nicht abraisen / einen erbaren / vnstrefflichen / wandel fu^ͤ ren / nicht eygennu^ͤ tzig / sondern ihres gesatzten lohnes begnu^ͤ gig / vnd niemands daru^ͤ ber beschwerlich sein / Vnd sonderlich Bergkmeister / Geschworne / Steyger / vnd Arbeyter / fu^ͤ rnemlich an arbeitenden tagen / sich viel Hochzeit gehens / vnd Quassereyen messigen / Auch sunsten allerthalben / dieser Vnser Ordnung dem Rechten / erbarkeit vnd billigkeit gemess / geleben vnd verhalten / Alles bey  gesatzter / vnd anderer rechtmessiger / ernster / vnnd vnnachlessiger straffe.

Daru^ͤ ber haben Wir / Gericht vnd Recht / in Bergksachen / Auch inn Burgklichen vnd Peinlichen hendeln / bestellet / damit einem iedern / was Recht vnd billich ist / mit getheylt vnnd verholffen werden sol / Was nu einem iedern derselben vnseren Amptleute / Dienern / vnd anderen / zuthun gebu^ͤ ret / vnnd eingebunden ist / wirdet sich aus nachuolgenden Teylen / vnd Artickeln klerlich befinden.

Der Erste teyl diser Bergkordnung

Saget von der Amptleute vnd Diener befehl / vnd wessich  ein itzlicher insonderheit halten sol / hat xij. Artickel.

Der Erste Artickel.

Von des Hauptmans befehl.

VNser Hauptman sol an vnser stat / vleissig auffsehen / das friede / recht / vnd gerechtigkeit / auch diese vnsere Ordnung / von menniglich / innsonderheit von den vnderthanen vnnd dienern / vnuorbru^ͤ chlich gehalten / aller betriegk / beuorteylung / bossheit vnd vnrecht / abgewendet / Vnd wo das befunden / mit ernst gestrafft / gemeynes Bergkwergks / vnnd aller die sich desselben gebrauchen / nutz vnd frommen gefu^ͤ rdert / schaden vnd nachtheil / souiel mu^ͤ glich / verhu^ͤ tet werde.

Er sol auch mit allen / obbenanten vnd anderen / vnseren Amptleuten / dienern vnd verordenten / desgleichen mit allen der freyen Bergkstat Sanct Joachimsthal / vnd dero zugeho^ͤ renden Bergkwercken / gebirgen / Amptsuorwanten / vnd iderman zum Bergkwerck / vnd dieser freyen Bergkstadt geho^ͤ rend / von vnsert wegen zuschaffen / zugebieten / vnd zuuerbieten haben / dem sol auch / von iderman / gleich vnsern Personen / in allen zimlichen sachen volkomener gehorsam / bey vormeydung vnserer vngnade / vnd schweren straffe / geleystet werden.

Wann aber iemands vormeinte / das er von vnserm Hauptman widder 

billigkeit / beschweret wu^ͤ rde / der mag das / gebu^ͤ rlich an vns / gelangen lassen / Wo^ͤ llen wir darauff / nach eygentlicher befindung / billiches einsehen thuen.

Er soll auch / so fern er / durch anndere gescheffte / nicht vorhindert / die Bestetigungs vnnd Retardats Tage / auch alle wege bey der Quartalrechnung / perso^ͤ nlich sein / mit vleis auffsehen / das vnserer Ordnung gemess / gemeynen Bergkwerge vnnd den Gewercken zu gute / auch sonst erbar vnnd auffrichtig  gehandelt werde.

Vnd sol nach gethaner Quartalrechnung der Schichtmeister / ihre Register / zu sich nehmen / dieselben besichtigen / oder anderen vortrauten / dasselbe  zuthuen beuehlen / vnd do etwas vnschickerlichs darinnen befunden / rechtfertigen vnd straffen.

Allerley verdacht vnd argkwan abzuleynen / sol vnser Hauptman inn zeit / seines Ampts / auff vnsern Bergkwercken / inn seine vorwaldung geho^ͤ rig /  hinfort / keyne Bergktheil bawen / noch inn eynichem wege / nutzes daruon  gewarten / er hette dann dieselben zuuorn / ehe dann diese Ordnung ausgegangen / gehabt.

Wann irrige Bergksachen / so vor Bergkmeister vnnd Geschwornen / nicht vertragen ko^ͤ ndten werden / inns Ampt wachssen sol vnser Hauptman / zu ferner gu^ͤ tlichen handlung / auffs fu^ͤ rderlichst / fu^ͤ rbeschiedt thuen / vnd als dann / do ers vor gelegen / oder not achtet / oder von parten / eyner / oder beder / gesucht wu^ͤ rde / einheymische oder frembde / vnuordechtige Bergkleute / auff beder Kriegischen part / gleiche kost vnd darlage / Vnsern Bergkmeister vnd  Geschwornen zugeben / denen beuehlen / dass sie / die gebrechen / mit allem vleis / ho^ͤ ren / befahren / besichtigen / vnd darauff wes sich die part verhalten so^ͤ llen / schrifftliche weisung thun wo^ͤ lten.

Vnser Hauptman / sol zu allen zeiten / mit gebu^ͤ rlichem emsigen vleis / auff alle andere Amptleute vnd Diener / keynen ausgeschlossen / sehen / vnd  darob sein / das ein ieder / seinem Ampt vnd beuehl / gnugk thue / vnd sich  dieser Ordnung verhalde / Auch das kein Ampt vnd dinst / mit vnuorstendligen / vnfleissigen / vorleumbdten / vnd vntu^ͤ chtigen bestellet / darzu nicht angenomen / noch daran geduldet / Vnd was straffbar / nachtheyligk vnd vnerbar befunden / abgeschafft vnd gestrafft werde.

Gleicher gestalt / so^ͤ llen sich / auch andere Vnsere Amptleute vnd diener / halten / bey vormeydung Vnserer vngnade vnd ernster straffe.

Der Hauptman vnd Bergkmeister / so^ͤ llen gebu^ͤ rlichs einsehen thuen /  damit die ienigen / so mit Vnslet vnd Eysen handelen / nach steygen vnd fallen der keuff / einen gleichen kauff geben / vnnd an zimlichen gewyn begnu^ͤ gig sein / damit hinfort kein beschwerlichs steygen eingefu^ͤ rt / oder geu^ͤ bet werde / Sich auch sunsten allenthalben vorhalten / wie sichs vermo^ͤ ge der Eydes pflicht eygent vnd gebu^ͤ ret.

Der Ander Artickel.

Von des Bergkmeisters beuehl.

ITziger vnd ku^ͤ nfftige / Vnsere Bergkmeister / so^ͤ llen mit allem vleis /  darauff sehen / vnd verschaffen / das gemeynem Bergkwerge / vnd den  Gewercken / getreulich / nu^ͤ tzlich / vnnd wol fu^ͤ r gestanden / die gebeude  gefu^ͤ rdert / vnd was schaden drawhet / verkomen / eynem iedern / der ihn  ansuchet / inn sachen seinem Ampt zustendigk / was recht vnd billich ist / gestatten vnd verhelffen / diser Vnserer Ordnung / inn allen puncten / trewlich geleben / vnd nachsetzen / das der auch von meniglich nachgesatzt werde / verfu^ͤ gen / niemands wider billigkeit / beschweren lassen / an seiner geordenten vnd  zugelassenen besoldung / begnu^ͤ gig sein / dem auch ein ieder in sachen sein Ampt vnd beuehl betreffendt / gehorsam leysten / vnd gefo^ͤ lgig sein sol / bey vormeydung Vnserer vngnade vnd ernster straff. Do auch iemands vormeinte / das ihme Vnser Bergkmeister vnbilliches aufflegte / der sol seine beschwerunge an Vnsern Hauptman / gelangen lassen / der sol nach gelegenheit des handels  gebu^ͤ rlichs einsehen thuen.

Mit bawung der Bergtheyl / sol es Vnser Bergkmeister halten / wie oben von des Hauptmans bawen / verordent / ist.

Was sunsten dem Bergkmeister weiter zuthuen / vnd zuhandeln gebu^ͤ ret / das wirdet die Ordnung ferner besagen.

Von des Bergkmeisters besoldung vnd lohn.

Damit auch kein Gewerck von dem Bergkmeister vnpfleglich vbersatzt werde / soll man ihme geben /

Von einer Muthung I. weissen groschen. Vom erlengen          I. w. g. Von eim Muthzettel oder anderm inns Buch zulegen ij. w. g.            daruon gebu^ͤ rt dem Bergkschreiber       i. w. g. Von bestettigen eyner Fundtgruben      vij. klein g. Von einer Mass           v. klein g. Von eim Erbstolln xiij. klein g.            Daruon gebu^ͤ rt dem Bergkschreiber           einzuschreiben allewege von iedem  I. kleiner g. es sey Fundtgrub / Mass / oder Stolln.         Von einer frist / oder nachlassung.          ij. w. g.            Daruon gebu^ͤ ret dem Bergkschreiber I. w. g.

Vom Vberschlahen vnd Lochstein zusetzen       I. flo. es sey Fundgrub / oder Mass /         vnd den Geschwornen           I. halb. flo.     

Vom vermessen / wann ein Zeche masswirdig wirdet / von einer Fundtgruben            Daruon gebuͤ ret den Geschwornen Von einer Mass            Daruon gebuͤ ren den Geschwornen

xij. flo. iij. flo. viij. flo. ij. flo.

Was aber Bergkmeister vnd Geschworne zuuorn / von den Lochsteinen  zusetzen / vnd vom vberschlahen empfangen haben / das gehet ihnen widerumb am vermess geldt ab.

Wenn ein Lochstein vom tage inn die gruben  gebracht wird / sol iedes theil dem Bergkmeister geben            Wenn aber die stuffen fuͤ rder / von eim Stolln / oder von einer strecken gebracht wird / do gebuͤ ret ihme von iederm theil            So der Bergkmeister inn Kriegischen sachen /  neben den Geschwornen fehret / sol ihme das ansuchent theil entrichtet Geschicht aber die fahrung auff beyder theyl ansuchen /  sol ihme iedes theyl geben            Von einer Schmidtstat / Buchwergk / wasser in eim Stolln / [zunuͤ chten]1 / gebuͤ ret ihme Vnd vom bestettigen            Von eim Buchwergk / oder einer Schmidtstat  abzuschreyben / giebet ihme iedes theil            Von einer Huͤ tten / gantz / halb / oder zum theyl  abzuschreyben gebuͤ ret ihme /            Von einem Vortrag / Schiede / oder Einrede / inns   Bergkbuch zuuorleyben iedes partt             Von eim Kohmer Vom Helffgelde / von eim guͤ lden

xjj. w. g.     vi. w. g.     vi. w. g.   vi. w. g.   I. w. g. xij. w. g.   iij. w. g.   I. flo.   vi. w. g. xij. w. pfen. I. w. g.

Ausserhalb dieser ob angezeigter stu^ͤ cke / sol ihme nach altem herkohmenden gebrauch gegeben werden.

Der Dritte Artickel.

Von der Geschwornen beuehl.

DJe Geschworne / wie die / ieder zeit / von Vns geordent / so^ͤ llen dem Hauptman / vnd Bergmeister / gebu^ͤ rlichen gehorsam leysten / Vnnd was sie mit ihnen samptlich / oder inn sonderheit / schaffen / dem so^ͤ llen sie trewlich nachgehen / vnnd geuolgig sein / sich nach ho^ͤ chstem vermo^ͤ gen bevleissigen / damit sie selbst / diese Vnsere Ordnung halten / auch mit andern dasselbe zuthuen  verschaffen / was sie darwider gehandelt vormercken / on alle abschew / abschaffen / oder dem Bergkmeister solches ansagen / an ihrer gemachten besoldung vnd lohne begnu^ͤ gen lassen / niemandt daru^ͤ ber beschweren / Vnd sich sonsten inn  allen anderen sachen Befehlen vnnd Artickeln / so inn dieser Ordnung begriffen /  vormo^ͤ ge derselben / vnd ausserhalben deren / nach wohlergebrachten  Bergkwercks gebreuchen / vleissig vorschwigen / vnnd vnuorweisslich halten.

Von der Geschwornen besoldung vnd lohn.

DAmit die Gewergken / durch die Geschwornne / mit ihrem lohne / nicht vbernohmmen / vnnd zuklagenn nicht vorursachet / sol es ihres lohns halben  gehalten / Vnnd ihnen wie hernach vorleibt gegeben / werden.

Von einer geding stuffen zuschlahen Von wassergeldt zumachen beyden Geschwornen Von Bergkfuͤ rdernus zumachen / beyden / Von Schachtstewer zumachen / beyden / Vom Wasser / zuseygern Von einem Besichtigen Von einem Anbieten Von Stewer Auffzusagen Von Wassergeldt / Schachtstewer vnd anderem / auffzusagen. Von einer Fundtgrub / Masse / oder Stolln / drey             anfarende schichten freyzumachen Von einer Fundgrub oder Mass / zuuormessen vnd Lochstein            zusetzen Von einem Lochstein / vom Tage / inn die gruben / zubrengen Von Bergktheylen vnd andrem zuschatzen von eim floren            daruon hat der Bergkmeister Von stuffen auff Stolloͤ rter / so man wil liegen lassen /             zuschlahen Von eim Steyger einzuweisen. Von einer Vierung zuzulegen. Von einer Erbstuffen / fort zubrengen itzlichs theyl. Vom vierdtem pfennig an / oder auffzusagen / den             Geschwornen Von erklagten Zechen einzuweisen Von einer Erbteuffe auff einen Erbstolln zuuorstuffen. Auff der Marscheyder ziehen / vnd abwegen / gemergke / vnd             stuffen zuschlahen /

ij. w. g. iiij. w. g. iiij. w. g. iiij. w. g. iiij. w. g. ij. w. g. ij. w. g. ij. w. g. ij. w. g.   vi. w. g.   xij. w. g. xij. w. g. i. w. g. den dritten theil.   iiij. w. g. ij. w. g. xij. w. g. iiij. w. g.   iiij. w. g. iiij. w. g. xij. w. g.   iiij. w. g.

Was hierinnen nicht gemeldt wirdet / sol ihnen / nach herkohmenden  gebrauch / gegeben werden.

Der Vierdte Artickel.

Von des Zehenders beuehl.

DEr Zehender sol vermo^ͤ ge seiner Eydespflicht / vleissig zusehen / damit dieser vnser Ordnung / trewlich gelebt / auch dieselbst / sonderlich inn puncten /  ihn vnd sein Ampt / betreffendt / halten. Insonderheit sol er mit allem vleis darob sein / das alle Sillber / so auff diesen Bergkwergen gemacht / getrewlich  einkohmen / vnd ihme on alle vorminderung / abgangk / oder beuortheylung / zugestelt werden / der Obrigkeit / vnd den Gewercken / iedem den gebu^ͤ renden antheil daruon / nach guter erbarer Rechnung / vorrichten / darinnen fu^ͤ r sich / der Obrigkeit oder Gewercken zu nachteil / keinen vorteyl suchen / noch gebrauchen / sondern sich inn alle wege / getrew / vnd vnuorweisslich halten.

Wann ihme ein Schichtmeister oder Fursteher der Zechen / Blicksilber antwortet / sol er denen / beneben des Hu^ͤ ttenschreybers vorzeichnus / wieuiel der Bligk inn der Hu^ͤ tten gewegen / annemen / inn beysein des Schichtmeisters / den Bligk auch wegen / vnd probiren lassen / daru^ͤ ber bestendig vorzeychnus / auff welchen Tagk / wieuiel / von wem / vnnd von welcher Zech / er Silber entpfangen hab / machen / vnd des allen / dem Schichtmeister / ein gleichlautende  vorzeichnus zustellen / vnnd darnach den Bligk dem verordenten Silberbrenner / inn gegenwart dess Schichtmeisters / zum brennen / antworten lassen / Vnnd nach dem brandt / wieuiel Silbers blieben / inn beysein des Schichtmeisters / kalt / vnd nicht warm / wegen / vnnd abermals daru^ͤ ber / vorzeichnus machen / vnd dem Schichtmeister eynen zedtel daruon geben / sich inn seiner rechnung  darnach habe zurichten.

Doch sol das Probiren des Bligks im Zehenden / daruon oben gemeldet / anderst nicht / dann allein so es die notturfft erfordert / gethan werden.

Was auch an vberantworten Silber / vber die ausgabe / zu notturfft der  Zechen / im Zehenden liegendt bleibt / das sol er in trewlicher verwarung halten / vnd was zur ausbeute zugeben beschlossen dem / verordenten Austeyler zu ieder Ausbeut zeit / one seumnus vnd verzugk zustellen.

Der Zehender sol keynem Schichtmeister / noch auff keyne Zeche / so Silber bey ihme hat / wo^ͤ chelich / mehr hinaus geben / dann auff der Zechen  notturfft geho^ͤ rigk / Daru^ͤ ber auch von iderm Schichtmeister / wo^ͤ chelich eynen zettel nehmen / darinnen Bergk / vnd Hu^ͤ ttenkost / sonderlich wieviel Bley / stu^ͤ cke von stu^ͤ ck vorleybet / die vbersehen / vnd do er sich du^ͤ ncken liesse / das zuuiel gefordert / mit dem Schichtmeister daraus reden / vnd also mit vleis  verhu^ͤ ten / das nichts vnpfleglichs hinaus gegeben / vnnd die Schichtmeister  gegen ihren gewergken / keyne schulden auff sich laden / Vnd so er das befu^ͤ nde / sol ers vnserm Hauptman anzuzeygen vorpflicht sein.

Dergleichen sol er keyne Gewergkschafft / oder Schichtmeister / die keine Silber im Zehenden haben / ob gleich Ertz am stein oder Silber im werck were / one gnugksamen vorstandt / verlegen / damit sol der Zehender seine sache inn guter acht haben / das er keine schulden auff die Zechen mache / dann ihme sol von wegen solcher schulden / zu keiner Zeche / verholffen werden / sondern er sol / die schulden selbst tragen vnd zalen.

Er sol auch mit allen Schichtmeistern die Silber inn Zehenden geantwort haben / vor einer ieden Quartalrechnung / aller Einnahm vnd ausgabe / vnd wieuiel den Gewercken im vorrath bleibt / klare Rechnung halten / vnd den Schichtmeistern des / eine zettel geben.

Der Zehender / sol sich auch bey den Schichtmeistern / so Silber  geantwortet / mit vleis erkunden / ob sie von wegen ihrer Gewercken / eynigem Stolln / vnd welchem / das Neundte zu geben schuldig / vnd do er sich des  erkundet / als dann / solches Neundte / dem Stolln zuschreiben / vnd dasselbe / dem Vorsteher des Stollens vnd keynes wegs / den Schichtmeistern der Zechen / zustellen.

Inn Hadersachen / vnd do eyne / oder bede partt / Silber im Zehenden  haben / vnd also / ihre kost vnd zerung / aus dem Zehenden nehmen / sol der  Zehender / keynem Schichtmeister / noch Gewergken / viel nach wenig geldt / zur vorlage des Haders geben / er brenge ihme dann / desshalb ein vorzeychnus oder beuehl / von Vnserm Hauptman.

Wann auch hinfort ein Bligksilber hundertvndsechtzig marck schwer / oder darunder / einko^ͤ met / sol derselbige / vnzerschlagen gewegen / vnd auff  einem Thest gebrandt werden.

Der Fünffte Artickel.

Von dem zugeordenten Gegenschreiber im  Zehenden / vnd seinem beuehl.

Nach dem wir auch neben dem Zehender / einen Gegenschreiber / verordent haben / Als sol derselbe / gute achtung geben / wie alle Silber in Zehenden / daraus / inn die Mu^ͤ ntz / auch wie das gelt darnach aus der Mu^ͤ ntze / widerumb inn Zehenden / gereicht werde / Zu dem auch / was zu wo^ͤ chelichem ablonen / auff Hu^ͤ tten vnd Bergkost einnehmens vnd ausgebens gehet / das alles soll er in ein Register vnd verzeychnus brengen / Also / wann es zur Quartalrechnung ko^ͤ hmet / dergleichen / wenn wirs zwischen den Quartalen begeren / Vns / vnd Vnsern Vetteren / des vnsern / vnd was der gewercken gut betrifft / volstendigen bericht zuthuen.

Er soll auch mit vleis / darauff acht geben / das im beschliess der Quartalrechnung / auch darzwischen / die Einahme der Silber / vnd empfahung des  geldes / aus der Mu^ͤ ntze / desgleichen / das wo^ͤ chelich ablohnen / sich miteinander vorgleiche / Vnd wo inn dem mangel vnd gebrechen befunden / denselben warnen vnnd ansagen / damit niemands eynicher nachteil / zustehen mo^ͤ chte.

Auch soll er / alle Sonnabent / bald nachm Anschneyden / die Anschneydzettelen / von allen Tischen auffheben / o^ͤ rdentlicher weiss / einem iedern Schichtmeister / die seinen zusammen anhengen vnd verwaren / damit niemand /  dann er / darzu kohmen mo^ͤ ge / Vnd in sonderheit darauff achtung geben / das kein Schichtmeister auff fu^ͤ ndigen Zechen / mehr inn Zehenden schreibe / dann er anschneyde.

Er soll auch das Anleutgeldt / von den Schichtmeistern / vnd Vorstehern / empfahen / vnd dem Rathe / wie gebu^ͤ rlich zustellen.

Dessgleichen sol er / den Vberbrandt / alle Quartal / nach vermo^ͤ ge seiner Instruction / wie das verordent ist / vnd itzo gebraucht wirdet / vorrechnen / vnd eim iedern seinen gebu^ͤ renden antheyl vorrichten.

Der Sechste Artickel.

Von des Austheylers beuehl. 

VNser Austheyler / sol alles geldt / das ieder zeit / inn gehaltener Rechnung / den Gewergken / auszutheylen beschlossen wirdet / von vnserm Zehender empfahen / vnd einem iedern Gewercken / seinen gebu^ͤ renden antheyl / nach  besage des Gegenschreybers Register / mit den Mu^ͤ ntz / wie die / alhier  gemu^ͤ ntzet / vnnd aus vnserm Zehenden gegeben wird / on allen verzugk vnd  argelist trewlich vnd vngewegert / entrichten.

Er sol auch von einer iedern Ausbeutzeche / einen Reinischen gu^ͤ lden zu lohn / aus dem Zehenden empfahen / Vnd daru^ͤ ber / von der Zeche vnd  Gewercken / so Ausbeut bey ihme abschreyben / vnd empfahen / weder durch sich / noch andere / eynich liebnus / oder geschencke fordern.

Der Austheyler sol keynem Gewercken / seyne gebu^ͤ rende Ausbeut  abschreyben lassen / noch verrichten / der sey dann selbst perso^ͤ nlich entgegen / oder schicke eine gebu^ͤ rliche Volmacht / Vnd wo der Austeyler hierinnen anderst handeln / vnd eynichen Gewercken der nicht perso^ͤ nlich entgegen / auch keyne gebu^ͤ rliche Volmacht ihme zugeschickt / seine ausbeut einem andern geben wu^ͤ rde / so sol er dem Gewergken / die Ausbeut auff sein erfordern / vngeacht das er die zuuor vnfu^ͤ rsichtigk / hinaus gegeben hette / one behelff vorrichten / vnd mag sich / der zuuor entrichten Ausbeut / an dem empfaher / erholen.

Er sol auch vnserm Hauptman / ierlich gute bestendige Rechnung thuen / vnd wo sich befu^ͤ nde / das etzliche Ausbeuten dasselbe Jare nicht abgeschrieben noch entricht weren worden / so sol er gedachtem vnserm Hauptman / dieselben vorbliebene Austheylunge / neben einer schrifftlichen verzeichnus / der  Gewercken Namen / vnd der Kuckes / auch der Zeche / vnd des Quartals c. so bald vberantworten / die sol als dann nach Vnserm bedencken / den Vorstehern des Reichen Almosen / oder von ihrent wegen / dem Rath alhie / gegen eim  Reuers / behendigt werden / Der gestalt / wann sich iemands vber kurtz oder langk / mit glaubwirdigem gnugsamen schein / angeben wu^ͤ rde / das ihme so viel  geldes / von beru^ͤ rter hinderlegter Ausbeut / zustendig were / vnd bestendige vrsachen vnd ehafften seines so lang aussenbleybens / beweisslich anzeygen wu^ͤ rde / So sol ihme solche Ausbeut alsdann vnwegerlich von den Vorstehern dess Reichenalmosen / oder vom Rath / oder wer solches innen hat / entrichtet werden.

Wenn ein Gewergk / der Ausbeut / bey dem Austheyler / zuheben hat / die er ihme sobald nicht vorrichten ko^ͤ ndte / einen / oder mehr Schichtmeister / der Zupus halben an ihn vorweiset / So sol der Austheyler des / eine zettel vom  Gewercken nehmen / auch dem Schichtmeister / hinwider ein vorzeichnus zustellen / vnnd dem Schichtmeister so^ͤ lche angeweiste zupus / von des abwesenden gewercken Ausbeute fu^ͤ rderlichst entrichten.

Der Siebendt Artickel.

Von des Silberbrenners beuehl.

DEr Silberbrenner / sol alle Silber / so ihme zubrennen / von dem Zehender vnnd Schichtmeister vberantwort werden / anderst nit dann inn beywesen des Schichtmeisters zerschlagen die stu^ͤ cke / neben dem Schichtmeister / reyn aufflesen vnd wol zusamen halten / die Silber / mit getrewem vleis / auffs fein /  nemlich on ein quinten xvi lot brennen / Welche er aber zu hoch brennt / derselb vberbrand / so als dann / der Ko^ͤ . Mai. am Silberkauff / desgleichen / Vns / vnd Vnsern Vettern / am Zehenden / auch den Gewercken / so viel eim iedern zu  seinem antheil / gebu^ͤ ret / zugut gehen / wie dann solches hiebeuor verordent ist / vnd im gebrauch gehalten wirdet / Vnd sol ye darob sein / das der Obrigkeit vnd den Gewercken zufromen / vnd nicht zunachteil gehandelt werde / Nach dem Brande / die Test / neben dem Schichtmeister / wol besichtigen / Vnd was den Gewercken zu gut kohmen kan / daraus klawben / Was aber daru^ͤ ber bleyben wu^ͤ rde / nicht an seinen nutz wenden / noch behalten / sondern dem Rathe diser freyen Bergkstadt / zum gemeynen nutz zugebrauchen / ein iedes Quartal / trewlich vberantworten / Vnd sol das Brandsilber / alsdann / vom Schichtmeister in Zehenden geantwort vnd darmit gehandelt werden / wie oben im Artickel / des Zehenders beuehl betreffendt verordent ist.

Wo auch eynicher Schichtmeister / bey dem zerschlahen den Silber /

Brennen / vnd Teste ausklauben / nicht gegenwertig sein wu^ͤ rde / das sol der  Silberbrenner Vnserm Hauptman anzeygen / den Schichtmeister inn straffe  zunehmen.

Der Silberbrenner / sol sich auch / mit frohmen / getrewen vnd vorstendigen dienern vorsehen / vnd nicht vnuorstendige iunge / vbers Brennen lassen / Dann wen durch seine / oder der seinen vorwarlosung oder vnfleis / etwas denn Gewercken zuschaden gehandelt wu^ͤ rde / darumb sol er gebu^ͤ rlichen abtragk thuen / oder ernster straff gewarten.

Er sol auch alle Silber / ausserhalb grosser not / bey Tage / vnd nicht bey nacht brennen / doch sol er das / auch inn der not / ausser Vnsers Hauptmans nachlassung / nicht thuen.

Der Achte Artickel.

Von der Hüttenreiter Ampt vnd beuehl.

NAchdem vns vnd gemeynen gewercken am schmeltzen der Ertze / vnd anderer Hu^ͤ ttenarbeit / nicht wenig gelegen / vnd deshalb gutes auffsehens gros vonno^ͤ ten. Derwegen sollen die verordente Hu^ͤ ttenreiter / ein iede Hu^ͤ tten / alle  arbeytende tage besuchen / inn einer itzlichen Hu^ͤ tten / mit ho^ͤ chstem vleis sehen vnd forschen / ob Vnsere Ordnung / sonderlich souiel die Hu^ͤ tten belanget /  gehalten / ob getrewlich vnd vleissigk gehandelt vnnd gearbeytet / auch nach  einem itzlichen Ertz / das man schmeltzet / sehen / vnnd erkunden / wie man  dasselb / zuschmeltzen fu^ͤ rgenohmen / vnd sonderlich verfu^ͤ gen / das man alle Ertz wol buche / scheyde vnd reyn mache / damit man dester besser finden mu^ͤ ge / wie man ein iedes Ertz / nach seiner art / am nu^ͤ tzlichsten schmeltzen sol / Vnd wo er befu^ͤ nde / das mit nachtheil geschmeltzet wu^ͤ rde / dasselbe / auff besserung richten.

Wo die Hu^ͤ ttenreiter vormergkten / das eine Hu^ͤ tten mit vnuorstendigen / oder vnvleissigen dienern vorsehen / so so^ͤ llen sie / solches Vnserm Hauptman anzeygen / der sol alsdann pflichtig sein / den vnuorstendigen zuentvrlauben / vnd einen geschicktern / an des stat zusetzen.

Wann auch die Hu^ͤ ttenreiter befu^ͤ nden das inn einer Hu^ͤ tten / mit vorteyl oder betriegk / gehandelt wu^ͤ rde / so so^ͤ llen sie es / bey ihren Eydespflichten / Vnserm Hauptman anzeygen / der sol das mit ernst straffen vnd abschaffen.

Es so^ͤ llen auch / alle personen zur Hu^ͤ tten geho^ͤ rig / vnd die sich deren  gebrauchen / Vns / mit Eydespflichten zugethan / vnd Vnsern Hu^ͤ ttenreittern  gehorsam sein / vnd sich nach ihrer anweisung halten.

Innsonderheit / so^ͤ llen sie darauff acht geben / das gemeynen Gewercken / inn Hu^ͤ tten zu nutz gearbeytet / keine vnno^ͤ ttige vbermessige Hu^ͤ ttenkost / zu Vnserer vnd der Gewercken beschwerung / gemacht werde / Vnd was man auff eyne schicht / oder inn eyner wochen fu^ͤ glicher weis / vnd mit rath /  auffschmeltzen kan / vmb der Hu^ͤ ttenherren / Hu^ͤ ttenschreiber / Meister / Arbeyter / oder anderer nutzes willen / nicht mit zwifacher vnkost auffbereyten lassen.

Niemandt sol sich vnderstehen zuschmeltzen / inn sondernheit die  Wescher / vnnd die so newe eygene Lehen / felsen / oder Halden haben / ohn Vnserer Hu^ͤ ttenreitter vorwissen / er hab es dann der Bergkmeister zuuorn angezeigt / vnd nachforschen lassen / wie es vmb die sache gelegen sey.

Welcher aber inn geheym / vnd ohne Vnserer Hu^ͤ ttenreiter vorwissen / Schlich / Ertz / oder anders / von newen / oder eygenen Zechen / von Halden / oder felsen / zuschmeltzen sich vnderstehen wu^ͤ rde / der sol desselben Ertz vnd Schliechs / vorlustig / vnd darzu vordienter leibsstraff gewertig sein.

Es so^ͤ llen auch die Hu^ͤ ttenreiter / beneben dem Hu^ͤ ttenschreiber / der  Wescher / vnd der / die newe / oder eygene Lehen bawen / Ertz vnd Schlich / mit vleis vor dem Schmeltzen probiren / vnd gut auff mergkung thuen / das erbar vnd vnuordechtig gehandelt / Vnd wo sie es anderst befu^ͤ nden / anzeygen.

Die Hu^ͤ ttenreiter / so^ͤ llen auch mit vleis darauff sehen / das die Schichtmeister selbst / oder im fall / do sie anderer / vnd no^ͤ ttigerer ihrer Gewercken  gescheffte halben / vorhindert / durch andere / an ihrer stat / beim anlassen / schmeltzen vnd auslassen sein / Vnd wo sie einen hyrinnen seumig spu^ͤ reten / den sollen sie vor schaden verwarnen / oder vnserm Bergkmeister zu warnen /  vormelden / Vnd welcher zweymal gewarnet / vnd darauff nicht vleissiger ist / der sol seines dinsts entsatzt werden.

Alle Hadersachen / die sich allein mit worten / inn Hu^ͤ tten begeben / die so^ͤ llen Vnsere Hu^ͤ ttenreiter / vertragen vnd straffen / Scho^ͤ ldte aber eyner den  andern zu ehren / als einen vntrewen oder dieb / Desgleichen ob es mit  Messerzu^ͤ gen / schlahen / werffen / oder mit anderen vnfugen geu^ͤ bet / das sol er Vnserm Hauptman / bey seinen pflichten / ansagen / dasselbe gebu^ͤ rlich zustraffen.

Der Neundte Artickel.

Von des Gegenschreibers Ampt vnd beuehl.

DEr Gegenschreiber sol inn seinem annehmen / einen Vorstant zubestellen vorpflicht sein / Ob er / oder seine diener iemands Bergktheil / so inns Gegenbuch geantwortet / vorlieren / oder ohne bestendigen beuehl / abschreiben wu^ͤ rde / das den vornachteilten Gewercken / dieselben Kuckes / von ihme widerumb gewehrt werden.

Wenn dem Gegenschreiber ein Gewergkschafft auff vnsers Bergkmeisters beuehl / inns Gegenbuch zuuorleyben vberantwort wirdet / sol er die / lauts der vberantworten zedtel / mit gebu^ͤ rlichem vleis / einschreiben / doch zuuorn in alle wege / gute achtung drauff geben / das nicht mehr / dann Hundert vnd Achtvndzwentzigk Kuckes (darunder / Stadt / Kirchen / vnd Erbtheil begriffen) eingeschrieben werden / vnd seine Bu^ͤ cher mit dem zu / vnd abschreiben der Theyl / also halten / das er im vahll der notturfft / guten bescheidt daruorn zugeben  wisse.

Der Gegenschreiber / sol niemands teyl abschreiben / er sey dann selber perso^ͤ nlich gegenwertig / oder thue ihme deshalb / glaubwirdigen beuehl / Wu^ͤ rd  er aber iemands seine theyl / viel oder wenig / one seinen gebu^ͤ rlichen beuehl  abschreyben / vnd also ein Gewergk durch seine vnfursichtigkeit / zu nachteyl gefu^ͤ rt / So sol der Gegenschreyber demselben Gewercken / die abgeschriebene Bergktheil / widerumb inns Gegenbuch gewehren / vnd ob der Gewerck deshalb eynichen beweisslichen schaden erliden hette / dene sol ihme / der Gegenschreiber / auch nach billigkeit erstatten.

Es sol ihme aber auch / offen stehen / sich seiner scheden / bey dem / der frembde theyl hat abschreyben lassen / zuerholen / der sol auch daru^ͤ ber / wo er alhie angetroffen wu^ͤ rde / vnserer ernsten straffe gewertig sein.

Der Gegenschreiber sol sein beuohlen Ampt dermassen bestellen / das ein itzlicher zu ieder zeit (ausgeschlossen an Feyertagen / vor endung der Kirchenampt) mit zu / vnd abschreyben / ohne nachtheyligen vorzugk / gefu^ͤ rdert mu^ͤ ge werden.

So offt hinfort / das Gegenschreiber Ampt / vorledigt wird / das geschehe durch to^ͤ dtlichen abgangk / oder sunst / durch enturlaubung / oder williges  abkeren / So so^ͤ llen alle Gegenbu^ͤ cher / zu demselben Ampt geho^ͤ rig / gar keines ausgeschlossen / Vns / oder Vnserm Hauptman / on alle wegerung vnd verzugk / so bald zugestelt werden / derselben zu notturfft gemeynes Bergkwercks / zugebrauchen.

Weyl aber ein Gegenschreiber / dieselben Bu^ͤ cher / vmb sein geldt erzeugen muss / Wo^ͤ llen wir allein im fall / do ein Gegenschreiber / nicht zwey gantze Jare / am Ampt gewesen / ihme / oder seinen Erben / darfu^ͤ r / aus gnaden / Fu^ͤ nffvndzwentzigk gu^ͤ lden / geben lassen.

Von des Gegenschreibers besoldung vnd lohn.

Wer eine Gewergkschafft in alten oder newen Zechen inns Gegenbuch / wie sich gebu^ͤ rt / antwortet / der sol dem Gegenschreyber viij. w. pfen. dauon  zugeben vorpflicht sein.

Aber vom ab / oder zuschreyben / eines oder mehr Kuckus / in einer  Zeche / sol man ihme nicht mehr dann iiij. w. pfen. geben.

Die Theyl aber / so nach laut dieser vnser Ordnung inns Retardat kohmen / sol er gemeynen verzupusten Gewercken / vmb sunst zuschreyben.

Auch die Retardattheyl / die ein mal / gemeynen Gewercken zugeschrieben werden / sol er / on Vnsers Bergkmeisters beuehl / ihnen nicht abschreyben.

Wenn aber die verzupusten Gewergken / die Retardattheyl / vnter sich austheylen / vnd einem iedern sein antheyl zugeschrieben sol werden / alsdann  sol ein Gewergk / seine Theil der sey einer / oder mehr Kuckus / zu zuschreiben / dem Gegenschreyber nur ij. w. pfenning geben.

So aber die Theyl aussm Retardat / auff Volmachten / frembden vorgewercket wu^ͤ rden / so sol ihme von eyner ieden person iiij. w. pfenning gegeben werden.

Von den Gewerckschafften / so den Schichtmeistern / zum Rechnungen vnd Retardaten / aussm Gegenbuch gegeben werden / gebu^ͤ ret ihme von ieder viij. w. pfen.

Auch sol ihme / von einer iedern person / so aussm Retardat genohmen wird iiij. w. pfen. gebu^ͤ ren.

Wenn zwo Zechen zusammen geschlagen / vnd alsdann / dieselb  Gewergkschafft / dem Gegenschreiber / inns Gegenbuch zuuorleiben / vberantwort wird / do sol ihme / von eim iedern Gewercken / der hab viel / oder wenig theil / nicht mehr dann ij. w. pfen. gegeben werden.

So auch iemand zu seiner notturfft / das Gegenbuch zulesen / oder etwas darinnen zusuchen / begert / sol ihme auch iiij. w. pfen. daruon gebu^ͤ ren / also auch vom auszeychnen.

Ob dem Gegenschreiber / inn sachen / so hierin nicht bemeldet seind /  ichtes mehr zugeben gebu^ͤ rete / sol es nach vblichem gebrauch / gehalten werden.

Was ihme auch weiter / zuhandeln zustehet / weiset diese Ordnung  hernach an ihrer stelle / klerlich aus.

Der Zehendt Artickel.

Von des Bergkschreibers beuehl.

DEr verordente Bergkschreiber / sol mit vleis darauff sehen / das Vnser Bergkordnung / inn sachen dabey er ist / von meniglichen gelebet / auch die / souiel sein Ampt betrifft / selbst halten / Vnd wo er darwider / gehandelt /  befu^ͤ nde / dasselbe vorkohmen / vnd was er nicht vorkohmen ko^ͤ ndte / Vnserm hauptman oder Bergkmeister anzeygen.

Er sol sich auch in sonderheit des Bergkmeisters billichen beuehls verhalten / alle vorleyhe tage / mit seinen beuolhenen nottu^ͤ rfftigen Bergkbu^ͤ chern / im bestettigen erscheinen / alle gemutte / alte / vnd newe / zechen / massen / vnd sto^ͤ llen / durch wen / wie / vnd auff was gebirgen / gengen / klu^ͤ fften / vnd geschicken / darzu mit was vnterschid / die gemuttet / vorliehen / vnd bestettiget  werden aus den mutzedteln / so alle mal fu^ͤ rgelegt so^ͤ llen werden / inn sein Lehenbuch / eygentlich vnd deutlich einschreiben / dem Muther / oder Lehentre- ger / vnnd were dess begert / mit vorwissen dess Bergkmeisters / daruon Copien vnd abschrifft geben.

Damit auch aller vordacht vnd vnbilliche gezencke verhu^ͤ tet / sol der Berckschreiber die Vortrege oder Schide / so durch Berckmeister vnd Geschworne / abgeredt / vnd inns Bergkbuch zuuorleyben gebeten werden / erstlich auffs Papir brengen / den Parteyen inn beywesen Bergkmeisters vnd geschwornen  vorlesen / Vnd wo es als dann / der abrede gemess / von parten gewilliget / vnd vom Bergkmeister beuohlen wird / dem Bergkbuch / nach seiner gelegenheit / doch one sondern verzugk / von worte zu wort einleiben / vnd was dermassen eingeschrieben wird / das sol fu^ͤ r bu^ͤ ndig vnnd krefftig geacht vnd gehalten  werden.

Auff das auch inn Bergksachen / vnd hendeln / alle vnordnung verhu^ͤ tet / die eingeschriebene sachen vnd hendel / mit wenig mu^ͤ he vnnd nachsuchunge / schleuniger zu finden seind / so sol der Bergkschreyber zu denselben sachen / vnderschiedliche Bu^ͤ cher haben / wie hernach vorleibt / Nemlich ein eygen Buch.

                                                                        Muthungen vnd belehnungen.

                                                                         Fristen /

Zu                                                                    Nachlassungen / oder Stewer. 

Vortregen vnd Schieden.

Klagen.

Einreden.

DEr Bergkschreiber / sol auch / das Quatemmergeldt / von allen Zechen / auff die Retardata vnd Rechnungen / getrewlich / vnd ohne nachlassung / einfordern vnd empfahen / daruon seinem beuehl nach / ausgeben / vnd also / vber alle solche Einnahme vnd Ausgabe / von Quartalen zu Quartalen / Vnserm Haubtman / oder wem wirs beuehlen werden / gute bestendige Rechnunge thuen / vnnd den vberlauff Vnserm Zehender / neben einer verzeychnus der Summa / zustellen / auch vom Zehender / ein bekentnus empfangener Summa / nehmen.

Das vbrige / so inn diesem beuehl / nicht begriffen ist / wird hernach inn der Ordnung angezogen.

Von des Bergkschreibers lohn / oder gebüre.

            Einer Einrede            i. w. gr.           Eines Vertrags / iedes theyl            i. w. gr.           Einer Belehenung   iiij. w. pfen. Vom      Einer Nachlassung. i. w. gr.

einschreiben Einer Frist     i. w. gr. Einer Schmidten    ij. w. gr. Einem Wasser       ij. w. gr.

	Einem Puchwerg Einer Huͤ tten	ij. w. gr. ij. w. gr.
Vom ab vnd zuschreiben von	Einer Huͤ tten / halben / oder Schicht gibt       iedes theyl. Einem Haus iedes theil Einer Schmidten iedes theil Einem Puchwerck iedes theil Einem Wasser / iedes theil Eim Titel eins Registers / so man sichet /       wie es alle von Quartal ist vorrechent Eim Klagbrieff Einer Klag aussm Buch Einer Huͤ lffe zuschreyben	iij. w. gr. i. w. gr. i. w. gr. i. w. gr. i. w. gr.  i. w. gr. ij. w. gr. i. w. gr. i. w. gr.
	Von eim Zedtel ins Bergkbuch zulegen Von eim Zupusbrieff	i. w. gr. i. klein gr.
Vom suchen	Einer Belehenung Einer Frist Einer Nachlassung Eines Vortrags Eines Registers Einer Schmidten Vnd was dergleichen zu suchen ist von       iedem Der Eilffte Artickel.   Von der Geschwornen Probirer beuehl.	iiij. w. pfen. iiij. w. pfen. iiij. w. pfen. iiij. w. pfen. iiij. w. pfen. iiij. w. pfen.   iiij. w. pfen.

DJe Geschworne Probirer (eyner oder zwene / wie es ieder zeit die /  gelegenheit erfordern wird) so^ͤ llen einem iedern / auff sein begeren / trewlich vnd vleissigk probiren vnd desselben rechten bericht thuen / Vnd sol niemands / vber sie / vmb geldt / oder vmb sonst / new Ertz probiren / ausgeschlossen inn Hu^ͤ tten / do mu^ͤ gen die Hu^ͤ ttenschreiber / Ertz / das man zu schmeltzen hinein brenget / den Gewercken zu nutz / wol probiren oder probiren lassen / Wo auch den probirern new Ertz oder Bergkart / zuuorsuchen zuko^ͤ hmet / das so^ͤ llen sie / auffs  vleissigst probiren / vnd wo es sich mit silber beweist / so^ͤ llen sie es Erstlich / dem / der es ihnen / zuprobiren / bracht hat / vnd darnach dem Hauptman vnd Bergkmeister / ansagen / vnnd von eyner gemeynen proba / nicht vber iiij. w. pfen. nemen / aber von einer golt / oder kupffer prob / sol man ihnen von ieder / vi. w. gr. geben.

Der Zwelffte Artickel.

Von der Marscheyder beuehl.

ES sol sich hinfu^ͤ rder / auff Vnseren Bergkwergen / niemand Marscheydens vnderstehen / er sey dann zuuor / von Vnsern Hauptman vnnd Bergkmeister / zugelassen / vnd darzu gebu^ͤ rlich voreydet / dieselben Vnsere Amptleute / so^ͤ llen auch keynen zulassen / er sey dann tu^ͤ chtigk / vnd des Marscheidens vorstendig vnd geschickt / befunden.

Dieselben zugelassene Marscheyder / sollen sich auch / einen iedern / zu seiner notturfft gutwillig gebrauchen lassen / vnd ihre Ampt / mit getrewen vleis / auffrichtigk / vnd niemands zu schaden betrigk oder vortheyl vben.

Sie so^ͤ llen auch / keinen gemeynen Zugk / Wehrzugk oder Verlornenzugk / one vorwissen vnd willen Vnsers Hauptmans vnd Bergkmeisters / thuen / Vnd so^ͤ llen die Gewercken / vmb dieselbe ihre gethane Zu^ͤ ge / mit vnpfleglichem  lohne / nicht vbersetzen / Wo aber iemands des lohnes halben / von ihnen  beschwert / wu^ͤ rde / das sol an Vnsere Hauptman vnd Bergkmeister / gelangen / die sollen deshalb / zimliche messigung thuen.

Ob dann iemands vormeinte / das ihme / durch der Marscheyder Zu^ͤ ge / ku^ͤ rtzung geschehen were / dem sol / durch vorgunst vnser Hauptmans vnd  Bergkmeisters / einen frembden / vorstendigen Marscheyder / auff sein kost /  alhier zubrengen / vnd einen Wehrzugk zuthuen / zugelassen sein.

Wann auch ausfundig gemacht / das die Marscheyder / inn ihrem Ampt / vnd gethanem Zuge / geirret / vnd die Gewergken dardurch inn vorgebliche vnkosten / zuschadem vnd nachtheil gefu^ͤ hrt / weren worden / So so^ͤ llen sie / von wegen geu^ͤ btes vnuorstendigen oder vnfleissigen ziehens / denselben vnkosten / auff messigung Vnser Hauptmans vnnd Bergkmeisters / erstatten / oder nach  gelegenheyt der sachen / abgelegt / oder sunst mit ernst gestrafft werden.

Wenn auch ein Marscheyder gezogen / vnd sein gemergk geschlagen / vnd den Steyger / demselben nach / anzusitzen / vnd die handarbeit anzustellen /  anweisen wirdet / so^ͤ llen so bald zwene Geschworne darzu erfordert werden / vnd ihre gemercke auch schlahen / damit sich der Marscheider darnach seines vnfleissigen ziehens nicht zu entschuldigen habe.

Der Ander teil / diser Bergkordnung

Saget von dem Bergkwerge / vnd zugeho^ͤrigen sachen / 

Auch von Sto^ͤllen / derselben gerechtigkeit  vnd wie sie die erlangen / hat C.III. Artickel.

Der Erste Artickel.

Von Schürffen.

EJnem itzlichen Bergkman / sol hiermit nachgelassen vnd vorgu^ͤ nstiget sein / auff disen vnd anderen / Vnseren zustendigen gru^ͤ nden / auff alle Metal / nach Gengen / Klu^ͤ fften / vnd geschicken / ohne der Grundtherren / vnd besitzer der gu^ͤ tter / einhalt / zuschu^ͤ rffen / Vnd welcher also einen newen gangk  entblo^ͤ ssen vnd ausrichten wird / der sol der erste finder sein / auch des ersten finders recht / nemlich eine Fundgruben haben / die Massen aber / so^ͤ llen den ersten Muthern / vorliehen werden.

Der Ander Artickel.

Von Muthung.

DEr itzige vnd zuku^ͤ nfftige Bergkmeister / so^ͤ llen macht vnd gewalt haben / auff den gebirgen / so ihnen beuohlen seind / nach bergkleufftiger weis / vnd der Bergkrecht / auff alle Metal / Bergwerck zuuerleyhen / vnd Muthung des  auffnehmens / sol er zu keyner zeit / auch niemandes weygern / dene er bey dem / so gemuth wird / getrawet zubehalten / Doch sol er von itzlichem einen zedtel nehmen / was er gemuthet / vnd welchen tagk vnd stund / vnd an welchem gepirge die Muthung geschehen sey / Desgleichen sol der Bergkmeister zu beweisung der Muthung / dem auffnemer / wo ers begert / auch einen zedtel geben / vnd von einer Fundtgruben / Masse oder stoln / nicht mehr zu Muthgelt dann i. w. gr. nehmen / Vnd so der Bergkmeister inn der muthung befindet / das der auffnehmer / bey seiner Muthung / aus rechten vrsachen / nicht bleyben mag / sol er  ihme des / warnung thuen / So aber der auffnehmer / daruon nicht abstehen wo^ͤ lde / sol der Bergkmeister nichts weniger sein gebu^ͤ re / auffs auffnehmers recht / vnd vnrecht / nehmen vnd geben.

Der Bergkmeister / sol in annehmen der Muthzedtel / trewlich vnd vngefehrlich handeln / Vnd dem ersten der Lehen begert / zuleyhen / schuldig seyn.

Der Dritte Artickel.

Vom emplo^ͤssen der Genge.

NAch geschehener Muthung / sol ein itzlicher auffnehmer / in nechstuolgenden vierzehen tagen / seinen gangk entblo^ͤ ssen / dene auch der Bergkmeister / besichtigen sol / auff das er nicht anders / dann auff Klu^ͤ fften vnd Gengen /  vorleyhe.

Vnd wo nach achtung des Bergkmeisters / der auffnemer bey seiner  muthung bleiben / vnd rechte gebu^ͤ rliche masse / nach Bergkrecht / vnd dieser vnser Ordenung / einkomen mag / sol er ihme innerhalb angezeigter vierzehen  tage / sein Lehen / auffn verordenten leyhetagk / den Bergkmeister nachuolgender weiss / leyhen vnd bestettigen lassen.

Der Vierdte Artickel.

Vom erlengen vnd zedteln ins Lehenbuch zulegen.

VNd welche muthung / one sonderliche zulassung des Bergkmeisters / in vierzehen tagen / wie oben berurt / nicht bestettiget wird / die sol widerumb inn Vnser freyes gefallen sein.

Der Bergkmeister sol auch / ohne sonderliche / gnugsame / vrsachen der bestettigung / mit dem erlengen / keine frist oder nachlassung thuen / Vnd ob es die notturfft vnd billigkeit erforderte / sol es doch vber zweymal nicht geschehen / vnd von einer zedtel zuerlengen i. w. gr. haben / Tru^ͤ ge sichs aber zu / das eine muthung zweymal erlenget / vnd doch der Bergkmeister aus gutem grunde /  hader vnd gezencke zuuorhu^ͤ ten zum bestettigen nicht ko^ͤ nde komen / mag er dem Lehentreger / damit er an seinem alter nicht verku^ͤ rtzet / seinen zedtel inns

Lehenbuch legen / doch sich vleissigk erkunden / inn was zeit / vnd wie der Lehentreger zu seinem Lehen / komen mag / ihme dieselbe zeit / auff den zedtel verzeychnen lassen / Vnd so der Muther ehe vorfliessung der vorzeichenten  bestettigung seiner inligenden zedtel / nicht anregen wu^ͤ rde / so sol dasselbige Lehen nach ausgangk der zeit / widerumb in vnser freyes / gefallen sein.

Wu^ͤ rde aber auch der Bergkmeister vormercken / das einer oder mehr /  ihre mutzedteln / ihnen zu vorteil / vnd anderen zuschaden / ins Buch wo^ͤ lten  legen lassen / denen sol es keines wegs gestattet / vnd ob es gleich geschehe / sol es doch vnkrefftig sein / vnd dem Bergkmeister sol von einer zedtel / ins buch zulegen i. w. gr. Desgleichen dem Bergkschreiber / auch i. w. gr. gegeben  werden.

Der Fünfft Artickel.

Kein Freyschu^ͤrffen zuerlengen.

VND dieweil biss anher / mit erlengen des freyen Schu^ͤ rffens / anderen / so Genge vnd klu^ͤ ffte entblo^ͤ st haben / zu nachteyl viel zengke vnnd hader /  mutwilligk seind eingefu^ͤ rt worden / also / das man sich / mit dem freyen Schu^ͤ rffen / inn zuuor entblo^ͤ ster Genge / Vierunge vnd Massen / eingelegt / vnd des alters / zum betrugk / hat gebrauchet / So sol Vnser Bergkmeister hinfort / kein frey schu^ͤ rffen erlengen / Vnd ob es gleich / aus vnfu^ͤ rsichtigkeyt erlengt wu^ͤ rde / sol es doch kein krafft haben / Damit die ersten finder der Genge /  geru^ͤ glich bawen mu^ͤ gen / Wo aber inn dem irrunge fu^ͤ rfiele / so sollen sich / die part / durch Bergkmeister vnd Geschworne / bergkleufftiger weise / entscheyden vnd vertragen lassen.

Der Sechste Artickel.

Vom Freymachen vnd auffnemen alter Zechen.

WVrde iemands alte Zechen / fu^ͤ r Vnser freyes Muthen / der sol inn der

Muthung / zum wenigsten mit zweyen Geschwornen beweysen / das dieselbige Zech / ohne des Bergkmeisters zulassung / drey anfarende fru^ͤ schichten / nicht bawhafftig gehalten sey / vnd sol als dann / mit Mutzedteln vnd bestettigung  gehalten werden / wie auff newen Gengen / Doch sol der Bergkmeister / vor der bestettigung / der alten Gewergken vrsachen auff ihr ansuchen ho^ͤ ren / warumb die Zeche nicht inns frey gefallen sein so^ͤ lte / Vnd wo ihre vrsachen nach Bergkrecht gnugsam / sol er sie darbey bleyben lassen.

Vnd als / wider Vnser Ordnung / viel Zechen / allein mit ledigen schichten vnd posen / gebawet vnd erhalten werden / Dardurch anderen / das feldt vorsperret / die Sto^ͤ llen / Schechte / vnd o^ͤ rter / verhawen werden / vnd eingehen / das  also niemand / diselben / durch die Geschworne / kan frey machen / Wo^ͤ llen wir / wo hinfu^ͤ rder eine / oder mehr Zechen / Vnser Ordnung gemess / nicht gebawet wu^ͤ rde / vnd die Geschworne / den Vorsteher oder Arbeiter zu einem mal / im frey machen verwarnen / Vnd er sich als dann / der Ordnung nicht heldet / so sol dasselbige Lehen / zu dem andern mal / on alle widerrede vnd behelffe / durch die Geschworne / frey erkant werden / Alles frey machen sol mit vorwissen vnsers Bergkmeisters geschehen.

Der Siebende Artickel.

Von den Zechen / so mit weilarbeit gebawet werden.

WO eyner / zwene / oder biss inn Vier Gewercken / eygene gebeude / oder

Zechen hetten / der / oder die / so^ͤ llen dieselben / mit der weilarbeit / alle Tage / Vier stunden / die geschehe vor oder nach Mittage / bawhafftigk erhalden / Wo aber zwo Schichten / fu^ͤ rgewerckt / oder die Zeche fu^ͤ ndig wu^ͤ rde / als dann sol die Bergkleufftiger weise / vnd laut Vnser Ordnung gebawet werden.

Der Achte Artickel.

Vom Bestettigen vnd vorleyhetage.

ALle wochen / sol der Bergkmeister / sampt den Geschwornen / vnd dem Bergkschreiber auff die Mitwoch / oder / wo auff solchen Tagk Feyer were / den andern Tagk darnach von Zwelffen an / bissolang es noch gelegenheyt der  sachen / die notturfft erfordert / beyeinander sein / Daselbst so^ͤ llen alle Muthung alter vnd newer Zechen / wie die auff die zeit / vorliehen vnd bestettiget werden / nach anzeygung der Mutzedeln / die man vor allen dingen / aufflegen sol / eygentlich / wenn die Muthung geschehen / auff was gengen oder klu^ͤ fften / vnd auff welchen tagk vnd gebirge / auch wem / wie / vnnd mit welchem vnder- scheydt / vorliehen ist / mit vleis eingeschrieben werden / Des auch / dem  auffnehmer / wie es verzeychent wird / ein abschrifft / wo ers begert / geben.

Vnd sol der Bergkschreyber / zu newen / desgleichen / zu den alten  Zechen zu ieden ein sonderlich Buch haben.

Der Bergkmeister sol auch / im Bestettigen der alten Zechen / inn ein  sonderlich Buch eigentlichen verzeichnen lassen / durch welche Geschworne / vnd inn welcher zeit / die alten Zechen frey gemacht seind worden.

Auff oben bemelten vorleyhetag / dergleichen / auffn Sonabendt / nachm Anschnidt / so^ͤ llen alle gegebene fristen / stewer / vnd nachlassunge / vorzeychent vnd vorlesen / Schiede vnd Vortrege / beschlossen / vnd o^ͤ rdentlicher weis / inmassen hieuorn inns Bergkschreibers beuehl / zubefinden / eingeschrieben werden.

Der Neundte Artickel.

Von den Bergkbüchern.

DEr Bergkschreiber sol vber alle fristung / vnd stewer vber alle Schiede / vnd vortrege / wen / vnd wie die gegeben werden / zu itzlichen sachen ein  sonderlich Buch haben / wie oben auch verordent / zu denen sol ein Kasten / oder eine Lade / verordent werden / darzu der Bergkmeister einen / vnd der Bergkschreiber / auch einen schlu^ͤ ssel sol haben / darein sie alle mal die Bu^ͤ cher / so man deren zum einschreyben nicht bedarff / vorschliessen so^ͤ llen.

Vnd so iemand zu seiner notturfft / in oben bemelten Bu^ͤ chern / Registern vnd Recessen / etwas zusuchen oder auszuzeichnen begerte / den sol es vmb sein gebu^ͤ re widerfaren / Vnd der Bergkmeister vnd Bergkschreiber / so^ͤ llen niemands weygern / vnderricht zu thun oder auch das Bergkbuch / inn Artickeln / darinnen es einer bedo^ͤ rffen wu^ͤ rde / zuuorlesen lassen / was / vnd wie vorliehen ist c. Damit sich iederman seiner notturfft / darnach habe zurichten.

Was vaber dem Bergkschreiber / vom einem itzlichen stu^ͤ cke / ein / oder auszuschreiben / Desgleichen vom suchen vnd andern / gebu^ͤ ret / das findet man hieuorn / am ende seines beuehls / dauon seiner besoldung gemeldet wird /  klerlich vorzeychnet.

Der Zehendt Artickel.

Wie sich der Auffnehmer alter Zechen / halten soll.

EJn itzlicher Auffnehmer alter Zechen / so in Vnserm freyen vnbawhafftig gelegen / sol von stund an / so er derselbigen eine / durch die Geschworne frey  gemacht Auffgenohmen vnd bestettiget hat / o^ͤ ffentlich an gewo^ͤ nlicher stelle /  einen zupusbrieff / anschlahen / welche Zeche er auffgenohmen / denselbigen zupusbrieff / vier wochen stehen / vnd welche alte verzupuste gewercken / ihre teyl bawen wo^ͤ llen / die sol er darzu kommen lassen / Er sol auch nicht gedrungen sein / inn denselben Vier Wochen / die Zeche zubelegen.

Der Eilffte Artickel.

Von Zechen / so zwischen der Rechnung liegen bleiben /  vnd bald wider auffgenomen werden.

OB Zechen zwischen vnd innerhalb nechst vorschiener / vnd volgender Rechnung / liegen blieben / vnd widerumb frey gemacht vnd auffgenohmen wuͤrden / Auff den fall sol niemands der seine teyl / laut Vnserer Ordnung / auff itzlich Quartal mit zupus vorlegt / (ob auch zwischen derselbigen / vnd volgenden Rechnung / die Zeche liegendt bliebe / freygemacht / wider auffgenohmen vnd zupus angelegt wu^ͤ rde) dieselbigen seine teyl verseumen noch verlieren / sondern so derselbige seine teyl / die er auff nechst zuuor angelegte zupus /  vorlegt / auff nechstvolgendt Retardat darnach / was mitler zeit angelegt were / oder auff dasmal angelegt wu^ͤ rde / laut Vnser Ordnung / mit zupus vorlegen wird / der / oder dieselbigen sollen bey solchen ihren theylen bleyben / Das aber auch dem auffnehmer keine verku^ͤ rtzung geschehe / sol keiner gedrungen sein / solche Zeche / die zwischen der zeit / vnd der Rechnung liegend blieben / vnd  widerumb auffgenommen werden / biss zu nechster Rechnung nach dem  auffnehmen / zubelegen.

Es soll aber auch niemand / die zubawen vnd zubelegen / darmit verboten sein.

Es soll auch ein itzlicher auffnemer alter Zechen / die angelegte Zupus auffs freymachen / souiel derselben gefellet / zuuorbawen vnd zuuorrechen schuldig sein.

Der Bergkmeister sol auch in solchen vehlen / ob gleich der Zupusbrieff / auffs freymachen vier wochen gestanden / vor obberurter zeit / nemlich dem nechstuolgenden Retardat / damit niemand vnwissend vmb seine teil komen mo^ͤ chte / kein newe Gewergkschafft / inns Gegenbuch vorleyben lassen.

Der Zwelffte Artickel.

Von Gewergkschafften inns Gegenbuch zuantworten / vnd wieuiel  teyl / inn ieder Zechen gemacht werden sollen.

WEnn Zechen vnd Lehen / oben beru^ͤ rter weiss / bestettigt / vnd inns Bergkbuch vorleibt worden seind / Dann sollen die Gewergkschafften vorzeychent / dem Bergkmeister zugestelt werden / der sol dieselbigen Zechen / wenn /  vnd wie sie inns Gegenbuch kohmen / mit vormeldung des Lehentregers namen / in ein sonderlich darzu geordent buch einschreyben lassen / volgende mit seinem wissen / inns Gegenbuch zuuorleyben / beuohlen werden.

Auch solln inn alle wege inn einer Zechen / nicht mehr denn C. vnd xxviij.

ku. (darunder vier Kuckes Erbteil / vnd zwene Kuckes der Kirchen vnd Gemeyne / mit zurechnen) gemacht vnd eingeschrieben werden.

Der xiij. Artickel.

Von Zupus anlegen / auff alten vnd newen Zechen.

EJn itzlicher Auffnehmer alten vnd newer Zechen / sol ihme / den Bergkmeister / nach seiner achtung / bis zu nechstvolgender Rechnung / nottu^ͤ rfftige zupus anlegen lassen / die nu^ͤ tzlich verbawen / wo^ͤ chelich anschneyden / vnd auff nehiste Rechnung / nach der anlegung / laut nachuolgender Ordnung / berechnen / Vnd sol dem auffnehmer alter Zechen / nicht gestatt werden / dasselb erste quartal / vber vi. w. gr. anzulegen / damit die alten Gewercken / dester weniger abscheuhigk gemacht / ihre teyl liegen zulassen.

Der xiiij. Artickel.

Von Zupusbrieffen.

DEr Bergkschreiber sol alle Zupusbrieffe / alter vnd newer Zechen / sampt des Bergkmeisters schreiber / zugleich schreiben / auch gleichen geniss / doch bede vber i. w. gr. von eim Zupusbrieff / nicht nehmen / Vnd dieselben Zupusbrieff / so^ͤ llen durch einen Gerichts frohnen angeschlagen / vnnd denen von itzlicher Zeche / do zupus angelegt / ij. w. pfen. zur gebu^ͤ r gegeben werden.

Es sol auch niemands / zupus / oder andre brieffe / so an gebu^ͤ rlichen o^ͤ rtern angeschlagen werden / ohne beuehl abreyssen / Wer hierwider handelte / der sol durch Vnsern Hauptman vnd Bergkmeister / ernstlich gestrafft werden.

Der xv. Artickel.

Von bestellung der Zechen mit Steyger vnd Schichtmeister.

EJn ieder auffnehmer / oder Lehentreger / mag / nach gefallen / des  mehrern theils seiner mit gewercken / doch mit furwissen vnd willen vnsers Hauptmans vnd Bergkmeisters / seine Zeche / einem tu^ͤ glichen Schichtmeister vnnd Steyger beuehlen / Hierbey aber so^ͤ llen gemelte vnsere Amptleute / allezeit vleissig auffsehen / das kein vnfleissiger / vnuorstendiger / oder vngetrewer Schichtmeister oder Steyger angenomen werde / denen sollen auch der Hauptman vnd Bergkmeister / nach achtung ihrer mu^ͤ he / lohn setzen / Sie so^ͤ llen auch von itzlichem Schichtmeister vnnd Steyger / die vormals nicht voreydt seind /  gebu^ͤ rliche pflicht / laut volgender weise / inn Vnserer Ordnung vorleibt /  nehmen.

Der Schichtmeister sol eynen Vorstandt setzen / also / das die Gewercken vnd iederman / das ienige / so er zuthun vnd zu pflegen schuldig ist / auch was er schaden thette / oder schadens vrsach were / an ihme bekohmen mo^ͤ gen / Derselbig Vorstandt / wo er in betrugk befunden wu^ͤ rde / sol ihme nach verdinst /  peinliche straffe nicht benehmen.

Der xvi. Artickel.

Von entsetzung Steyger vnd Schichtmeister.

NJemand sol sich vnderstehn / ohne Vnsers Hauptmans vnnd Bergkmeisters wissen / Steyger vnnd Schichtmeister zusetzen / oder zuentsetzen / auff das betrugk daraus fliessend vorkohmen / auch die diener mit pflichten mu^ͤ gen  verbunden werden / Wo es anderst befunden / sol der Steyger oder Schichtmeister der sich darzu gebrauchen lest / vnd der ihn auffnimmet oder gebrauchet / mit ernst gestrafft werden.

Der Hauptman vnd Bergkmeister / so^ͤ llen semptlich macht vnd gewalt  haben / einen itzlichen Steyger vnd Schichtmeister / mit vnd ohne der Gewerken willen / seins diensts zuentsetzen / vnd die so^ͤ llen von Gewercken / ohne des Hauptmans vnd Bergkmeisters willen / nicht entsatzt werden / Hirmit wollen wir auch die Volmachten / so vmb Steyger vnd Schichtmeister dinst / ausbracht  werden / abgeschafft haben.

Der xvij. Artickel.

Wieuiel Zechen ein Schichtmeister vnd Steyger / innen haben mag.

ES sol auch keynem Schichtmeister vber sechs Zechen / darauff er  anschneidt / vnd zwo stewer oder Recess zechen / daruon er lohn hat / innen  zuhaben gestatt werden / Doch das darunder / nicht vber zwu fu^ͤ ndigk seind / so sie aber bey ihme fu^ͤ ndigk werden / mag er die wol inn versorgung / biss zu  entsetzung behalten.

Wu^ͤ rde auch eyner / zwene / drey oder viere / auffs meynste / eyne oder mehr zechen bawen / vnd selber zugleich / oder einer aus ihnen / die vorwesen wo^ͤ llen / das so^ͤ llen auff vorberurte gebu^ͤ rliche pflicht / Vnser Hauptman vnd Bergkmeister gestatten.

Es sol auch ohne Vnsers Bergkmeisters zulassung / keynem Steyger / mehr dann eine zeche / zuuorwesen vergu^ͤ nnet werden.

Der xviij. Artickel.

Vom Gegenschreyber vnd abschreyben.

DEr Gegenschreiber / welcher mit fu^ͤ rstande sol angenomen / vnd mit  gebu^ͤ rlichen pflichten darzu verbunden werden / Sol von einer Zechen / alt oder new / einzuschreyben / nicht vber viij. w. pfen. vnd sonst von einem vberschreiben / eines oder mehr Kuckes / inn einer Zechen / iiij. w. pfen. nehmen / Vnd die Retardata / laut Vnser Ordnung / vmb sonst aus / auch den verzupusten  Gewercken / zuschreyben / welche Retardata er auch / ohne des Bergkmeisters beuehl / ihnen widerumb nicht abschreiben sol.

Wann die verzupusten Gewercken / Retardatteyl / vnter sich austeylen / sol dem Gegenschreiber von einem itzlichen Gewercken dem sein antheyl  zugeschrieben wird / es sey eyner oder mehr Kuckes ij. w. pfen. gegeben werden.

Was sonsten des Gegenschreybers gebu^ͤ re ist / wird daruon in seinem beuehl befunden.

Der xix. Artickel.

Der Gegenschreiber sol ohne beuehl c. nicht abschreiben.

DEr Gegenschreiber / sol nimands teyl abschreiben / er sey dann gegenwertigk / oder thue glaubwu^ͤ rdigen beuehl / Wu^ͤ rde aber iemand deshalb / durch des Gegenschreibers vnfu^ͤ rsichtigkeyt betrogen / oder inn schaden gefu^ͤ ret / des schadens / sol er sich am Gegenschreiber erholen.

Der xx. Artickel.

Von Zechen oder teylen / so anderen im schein zugeschrieben.

WVrde auch iemands einem andern eine Zeche / oder teyl im schein  zuschreiben lassen / vnd des nutzes selbs daruon gewarten wo^ͤ llen / so sollen  dieselben Zeche / oder teyl / dero bleyben / denen sie zugeschrieben seind / Vnd wo betrugk oder vortheil inn solchem vberschreiben befunden / der sol mit ernst gestrafft / Ob auch dieselben / dene sie zugeschrieben der Zeche / oder teyl / nicht haben wo^ͤ lden oder die ienigen / denen sie zugeschrieben / nicht inn wesen weren / als dann sollen solche Zeche oder teyl / als vorleugkent vnd verbu^ͤ ret gut / geacht / vnd Vns heimgefallen sein.

Der xxi. Artickel.

Das die Auffnehmer alter Zechen / die tieffsten bawen /  vnd die Hallen nicht kleynen sollen.

SO ein alte Zeche / widerumb auffgenohmen / vnnd zu bawen angefangen wirdet / sol der Auffnehmer / das tieffste oder tieffsten strecken / vnd sonst keyne andere o^ͤ rter / ohne des Bergmeisters zulassung / belegen / Vnd sollen alle wege zuuor in alten Zechen / eher derselbigen eyne beleget / die o^ͤ rter vnd tieffsten / durch die Geschworne / bestochen vnd besichtiget werden.

Vnd auff denselbigen Zechen / sol der Bergkmeister keine hallen on Vnsern willen zukleynen / oder zuwaschen gestatten / Auch auff anderen Zechen / ob die gleich / vom rahsen allezeit erbawet / vnd kein mal ins freye kohmen  weren / vnd doch die tieffsten nicht bawen / solches nicht vergo^ͤ nnen / Es  geschehe dann aus wichtigen vrsachen / die Bergkmeister vnd Geschworne / nach notturfftiger erkundigung / fu^ͤ r gnugsam ansehen / Hirmit wo^ͤ llen Wir auch die hallen anderen zuuorkauffen / gentzlich vnd gar auffgehaben vnd verboten haben.

Der xxij. Artickel.

Von vberfahrung Genge vnd Klüffte. 

WVrden Gewercken / inn ihren Massen / Sto^ͤ llen / Strecken / oder sonst mit anderen gebeuden / Genge oder Klu^ͤ ffte vberfaren / die sol der Steyger / den Gewercken zu gut belegen / Vnd darauff ausbrechen / Wo aber die vorlassen / vnd von anderen gemuthet / die sol der Bergkmeister nicht vorleyhen / er hab dann solches den Gewercken / oder iren Vorstehern / die sie vberfahren / durch zwene / oder zum wenigsten / durch einen / Geschwornen / ansagen vnd anbieten lassen / So aber dieselbigen inn vierzehen tagen / nach dem ansagen vnd anbieten solche klu^ͤ ffte oder genge nicht belegen / sol sie der Bergkmeister anderen leuten vorleyhen.

Es sollen auch auff bemelten vberfahrnen gengen vnd klu^ͤ fften / die  Vorsteher der Zechen / ihren Gewercken / mit deren geldt sie erbawt worden / eine Fundtgruben vnd nechste mass / ihres gefallens zustrecken / auff zunehmen schuldigk sein / Vnd ob sie solches verlassen wu^ͤ rden / so^ͤ llen sie gegen den  Gewercken darumb inn verantwortung stehen.

Der xxiij. Artickel.

Von newtroffenem Ertz.

ZV welcher zeit / inn einer Zechen / Ertz troffen wird / das sol man / dem Hauptman vnd Bergkmeister / vnvorzu^ͤ glich ansagen / das der Bergkmeister so bald selbs besichtigen / oder durch die Geschworne sol besichtigen lassen / vnd  vor der besichtigung / sol man nichts vom Ertz nachschlahen / Man sol auch kein Ertz / ohne des Bergkmeisters oder Geschwornen beywesen / oder der ienigen denen er beuehl gibt / nachschlahen / Vnd das gute Ertz sol man inn verschlossenen Ku^ͤ beln / an tagk ziehen.

Der xxiiij. Artickel.

Das man die Zechen / nicht verstürtzen sol.

SO man in eyner zechen / die tieffsten / sto^ͤ llen / strecken / oder ander o^ͤ rter aufflassen / vorzimmern / oder verstu^ͤ rtzen wil / sol es zuuorn dem Bergkmeister / angezeigt werden / das zubesichtigen / wie dann der Bergkmeister  allezeit vleissig thuen / oder zuthuen vorfu^ͤ gen sol.

Vnd welche / ohne das / ichts aufflassen / vorzimmeren oder verstu^ͤ rtzen / oder auch sunst den Bergk inn sto^ͤ llen / strecke / tieffste oder andere o^ͤ rter (ob die gleich mit willen des Bergkmeisters auffgelassen weren) vorstecken oder stu^ͤ rtzen / vnnd dene nicht an tagk fu^ͤ rdern / die so^ͤ llen mit ernst gestrafft werden.

Der xxv. Artickel.

Bergkmeister vnd Geschworne sollen gute achtung  auff die gebeude geben.

DEr Bergkmeister / sol vleissigk auffsehen / vnd die Geschworne auffsehen lassen / das in allen zechen / nicht vnnu^ͤ tzlich gebawet werde / Vnd wo er schedlichen baw befu^ͤ nde / dene sol er abschaffen / vnd nu^ͤ tzliche gebeude / mit den geschwornen angeben / darinnen sol ihme volge / vnd gehorsam / geleystet werden.

Der xxvi. Artickel.

Vom vberschlahen vnd vormessen der Massen.

SO eine Zeche ihren Schacht beleget / ku^ͤ bel vnd seyl einwirfft / vnd die Gewercken am Bergkmeister begeren / ihre Massen zu vberschlahen / vnd  zuuormessen / das sol er nicht weygern / Vnd wo sich im vberschlahen / nicht volle Massen ergeben / vnd sich auff ein wehre nicht erstrecket / Sol der  Bergkmeister / so^ͤ lche vberschahr beyden nechstliegenden Zechen / zugleich  austeylen / Wo aber ein wehr / oder dru^ͤ ber ist / das sol der Bergkmeister /  sonderlich vorleyhen.

Eher dann der Bergkmeister vormisset / sol er / wu / wem / vnd wen / er vormessen wil / solches vierzehen tage zuuorn / durch eynen brieff o^ͤ ffentlich  anschlahen / vnd vor der Kirchen ausruffen lassen / einem ieden / dene es belanget / darnach zurichten.

Der xxvij. Artickel.

Vom schweren zum vermessen / vnd vorgehen  der schnur vnd Lochsteynen.

WEnn der Bergkmeister / mit den Geschwornen / auffs gebirge kohmen / zuuormessen / sol nach auffgelegter belehenung / der Lehentreger / oder wo der nicht verhanden / der Vorsteher der zechen einer einen leiblichen Eydt / mit  auffgehobenen fingern / schweren / Das der gangk / darauff er vormessen wil  lassen / sein rechter belehenter gangk sey / Vnd das er seine Fundgrub oder  Masse / auff demselben / vnd auff keinem andern gang / laut seiner belehenung / vormessen nehmen wil.

Nach gethanem Eydt sol der Bergkmeister / nach aldem Bergkwercks brauch / mit der Schnur anhalden / vnd dem Lehentreger oder Vorsteher (welcher alle wege der schnur vorgehen sol) nachgehen / Vnd also nach vblichem Bergkwercks brauch gebu^ͤ rliche mass / als einer Fundgruben xlij. lachter / vnd einer Massen xxviij. lachter feldes vormessen vnd geben / vnd volgendes durch die Geschworne / verlochsteinen lassen.

Nach geschehenem vormessen / sol der Lehentreger / oder die Vorsteher der zechen / das vormessen aller gelegenheit / ob ihnen am felde ab / oder zu / gegangen / beim Bergkmeister eygentlich einzeichnen lassen.

Was aber dem Bergkmeister vnd Geschwornen / vom vermessen vnd Lochstein setzen gebu^ͤ ret / das ist hieuorn in ihrem befehlen do von ihrer besoldung / gemeldt wird / klerlich vorzeichnet.

Der xxviij. Artickel.

Von hindernus des vormessens / vnd greiffen in die schnuhr.

VNd ob iemand / das vormessen zuhindern / vnd one gebu^ͤ rliche /  bescheydene / vnd rechtmessige einrede / sein gerechtigkeit darzuthuen / fu^ͤ rsetziglich vnd aus mutwillen / inn die schnuhr zugreiffen / sich vnderstehen wu^ͤ rde / den sol der Bergkmeister entweder gefengklich einziehen / oder nach gelegenheit des handels sich fu^ͤ r Vns zugestellen / vorstricken / Vnd do der partt / so den  eingriff inn die schnuhr gethan / entlich vnrecht befunden / sol er Vns on alle gnade / vmb geu^ͤ bten freuel / Zwentzigk Margk Silbers / vorfallen sein.

Der xxix. Artickel.

Von Fristen den Zechen zu geben.

DEr Bergkmeister / sol nicht leichtlich / ohne merckgliche / nottu^ͤ rfftige / vnd nu^ͤ tzliche vrsachen / fristung geben / Vnd ob gnugsame vrsachen / fristung  zugeben vorhanden / sol es doch / vber zwey / oder drey mal / auffs meinste / nicht geschehen.

Es sol auch der Bergkmeister / dem Eldisten so auff anderen / Vierung vnd gerechtigkeit zuhaben vermeynet / vnnd solches vermutlich ist / keynes wegs fristung geben / sondern ihne / zubawen weisen vnd aufflegen / auff das die iu^ͤ ngeren dardurch vorwahrnet / sich mit ihren gebewden hu^ͤ ten mu^ͤ gen.

Der xxx. Artickel.

Von Stewer wie es damit gehalten sol werden.

IM Stewermachen / so man zu Sto^ͤ llen / Strecken / vnd anderen gebewden geben sol / So^ͤ llen Bergkmeister vnd Geschworne / gut achtung haben vnd bewegen / Ob die Stewer dem Bergkwerck / vnd den Gewercken / fu^ͤ rderlich vnd  zutreglich sey / auff das niemand hiemit / wider die billigkeit / beschweret werde.

Es so^ͤ llen alle Stewer / durch Bergkmeister vnd Geschworne gemacht / durch dieselben auch wider auffgesagt werden / Wo aber Gewercken / sich / der Stewer zugeben vnd nehmen / ihres gefallens vertragen wu^ͤ rden / das so^ͤ llen sie doch mit vorwissen des Bergkmeisters vnd Geschwornen / zuthun haben / vnd vorschreiben lassen.

Alle Stewer / wie die genant mag werden / sol durch die Vorsteher der  Zechen / vorm beschlus der Rechnung / gefallen / treulich einbracht vnd vorrechent werden / Welcher aber die Stewer nicht einbrengen / sondern borgen wu^ͤ rde / der sol die / von seinem eygen gelde zuerlegen / schuldig sein / Dergleichen sol es auch / mit Neunden / Vierden pfenning / Wassergelt / Schachtstewer / Bergkfo^ͤ rdernus / vnd wie es alles namen mag haben / stracks gehalten werden.

Wu^ͤ rden auch die ienigen / so Stewer nehmen / lessigk bawen / alsdann / so^ͤ llen Bergkmeister vnd Geschworne / sie statlicher zubawen treyben / oder die Stewer / nach gelegenheit des vleisses vnd arbeit / zumitteln haben.

Alle Stewer / so forthin zu Sto^ͤ llen gegeben wird / sol die helffte (wenn der Stolln inn selbige Massen ko^ͤ mpt) am Vierden pfenning / oder wo es die nicht  erreycht / am Neundten / abgehen / vnd die helffte abgezogen werden.

Wu^ͤ rden aber auch / Gewercken / zu mehrer fu^ͤ rdernus ihrer gebeude / mit Sto^ͤ lnern / einer statlichen Stewer / in andere wege / wie oben vermeldet /  vortrags weiss eynig / denen sol es (doch das es mit vorwissen vnd willen  Bergkmeisters vnd Geschwornen geschehe) nachgelassen / vnd inns Bergkbuch vorleibet / werden.

Der xxxi. Artickel.

Von den Geschwornen vnd ihrem beuehl.

DJe Geschwornen / so^ͤ llen alle vierzehen tage / ein itzliche Zeche befahren / eygentlich besehen vnd erkundigen / wie darinn gebawet wird / vnd nach ihrem ho^ͤ chsten vermu^ͤ gen / vleissigen / mit ihrer anweisung / vnd wie sie das zuthun wissen / das vnser Ordnung vehstiglich gehalten / Vns / den Gewercken / vnd Gemeynem Bergkwerge / zu nutz gebawet vnd gehandelt werde / Vnd was sie schedliches oder gebrechens befinden / das so^ͤ llen sie / wo es mu^ͤ glich / selbs  abwenden / oder so^ͤ lches auff die vorleytage / oder mitler zeit / wo es not ist / dem Hauptman vnd Bergkmeister ansagen / die alsdann ferner schaden vorkomen / das arge / wo es befunden / straffen / vnd das gute / vngeseumbt / fu^ͤ rdern so^ͤ llen.

Die Geschworne / so^ͤ llen auch / dem Bergkmeister gehorsam sein / sich zu allen Bergksachen / williglich brauchen lassen / vnnd seines beuehls halten.

Auch so^ͤ llen sie alle arbeitende tage / zu morgens fru^ͤ beim Bergkmeister erscheinen vnd aldo / ob man ihrer bedo^ͤ rffte / erwarten / Darnach ein ieder  seinen beuehl / treulich vnd mit vleis ausrichten / vnd an ihrer gemachten besoldung vnd lohn / begnu^ͤ gen lassen / niemand daru^ͤ ber beschweren.

Der xxxij. Artickel.

Wie sich die Geschworne in verho^ͤre der sachen /  vnd mit bericht halten so^ͤllen.

DJe Geschworne / so^ͤ llen sich / inn streytigen sachen / so vorm Bergkmeister vnd ihnen / gehandelt werden / Erbar auffrichtig vnd vnuordechtig halten / vnd welche in fu^ͤ rstossenden streytigen sachen / bey eynichem teyl / mitgewercken seind / die so^ͤ llen das / dem Bergkmeister anzeygen / der sol sie / auff sein / vnnd der anderen Geschwornen bedencken / von der handlung / abweichen lassen.

Jn verho^ͤ re streittiger partten vnd sachen / sol kein Geschworner / one beuehl / oder erlaubnus Vnsers Bergkmeisters / den partten eynichen bescheidt zugeben / sich anmassen / sondern ein ieder / im Ratschlage / sein bedencken / mit guter bescheydenheit / fu^ͤ rtragen / eyner dem andern nicht einreden / sondern die stimme frey lassen. Do aber der Bergkmeister in dem / das er den partten  bescheid gibt / sich inn etwas verharret / des mag ihn / ein itzlicher Geschworner / wie gebu^ͤ rlich erinnern.

Wenn frembde Bergkleute / Gewercken / oder andere / die Geschworne / vmb gelegenheyt der Zechen / Sto^ͤ llen / vnd gebeude / fragen / denen so^ͤ llen sie / guten bescheidt geben / oder wo eyner dasselbe gebirge / daran solche Zeche  gelegen / nicht befu^ͤ hre / an seine mitgesellen / die das befahren / bericht zuerlangen / weisen.

Der xxxiij. Artickel.

Die Geschworne / so^ͤllen sich / im Freymachen / vnuorweisslich halten / auch ohne erlaubnus von hinnen nicht abreysen.

JM Freymachen der Zechen / Massen / oder Sto^ͤ llen / so^ͤ llen sich die  Geschworne / auffrichtig /vnpartheysch / vnd vnuorweislich halten / auff das niemand beuorteylt werde.

Damit sie auch ihres beuehls dester statlicher abwartten mu^ͤ gen / so^ͤ llen sie / ohne Vnsers Hauptmans oder Bergkmeisters zulassung / vber eine tagreyss / von hinnen nicht abreysen / ihnen sol auch / ohne merckliche vrsachen nicht  erlaubt werden.

Der xxxiiij. Artickel.

Wie sich die Geschworne / mit dem vordingen / halten so^ͤllen. 

MAn sol nun hinfu^ͤ rder / ohne des Bergkmeisters willen / oder sonderliche zulassung / auff Ertz / vnd inn Fu^ͤ ndigen Zechen / mit geding / nicht arbeiten  lassen / So es aber zugelassen / inn fu^ͤ ndigen vnd vnfu^ͤ ndigen Zechen / so sollen die Geschwornen / zuuordingen / gefordert werden / die sollen alsdann / die o^ͤ rter / darauff man dingen wil / zuuorn besichtigen / den stein behawen / auch ob  vormals darauff vordingt ist / ob der Arbeiter / etwas / oder nichts ero^ͤ briget habe / auffs vleissigst erkunden / vnd also das gedinge auffs nechste / nach irem  bedencken machen / damit der hewer zukomen / vnd die Gewercken nicht  vbersetzt werden / auff dasselbe gedinge / sollen sie stuffen schlahen / vnd so es auffgefahren ist / widerumb abnehmen / daruon sollen sie / allein ihres gesatzten stuffengeldes / vnd sunst keynes andern genieses / gewartten.

Es so^ͤ llen auch / weder Steyger noch Schichtmeister / an den gedingen / eynichen geniss haben / wie der mag erdacht werden / bey vormeydung schwerer straff / Es were dann / das ein Steyger eine Schicht / auffm geding / mitfu^ͤ hre.

Der xxxv. Artickel.

Wie sich die Hewer / mit den Gedingen / halten so^ͤllen.

WElche Hewer gedinge annehmen / die sollen dieselben vleissig vnd  genugsam auffahren / vnd daruon nicht mehr / dann ihres gesatzten lohnes /  gewarten. Er were dann / das mo^ͤ glicher vleis fu^ͤ rgewandt / vnnd aus redlichen vrsachen / die Arbeiter / nicht hetten zukohmen mo^ͤ gen / Alsdann so^ͤ llen die  Geschworne / nach ihrem gutduncken / auffs gleichest darein sehen das / den  Arbeitern ihre mu^ͤ he vergleicht werde.

Der xxxvi. Artickel.

Von den gedingen / vnd anderer arbeit / gebürlicher weis abzukeren.

VNd welcher Hewer oder Arbeiter / von seinem gedinge oder sunst / von anderer angenohmen arbeit / entweichen / vnd nicht wie sich gebu^ͤ ret / abkehren wu^ͤ rde / der sol one des willen / von des gedinge oder arbeit / er entwichen / oder aussenblieben ist / auff der Zeche / noch an anderer arbeit gefu^ͤ rdert / vnd darzu von Vnsern Amptleuten / mit ernst gestrafft werden.

Wenn ein Hewer von einem gedinge abgelegt / vnd das geding darnach durch eynen andern auffgefahren vnd abgenomen wu^ͤ rde / alsdann sol demselben / nach gespu^ͤ rtem vleis seiner arbeit / sein gebu^ͤ rlicher teyl / vom gedinggelt / so fern etwas daran ero^ͤ brigt ist / volgen / Do aber eyner vom geding entwiche / vnd selbs abkerete / so sol dasselbige antheil so am geding ero^ͤ briget / den Gewercken zu gut kohmen vnd heymfallen.

Der xxxvij. Artickel.

Was ein Steyger thun / vnd wie er sich gegen den arbeitern / halten sol.

EJn itzlicher Steyger / sol zu ieder Schicht / auff der zechen gegenwertigk sein / vnnd auffsehen / das die Hewer vnd Arbeiter / zu rechter Schicht / anfaren / auch rechte Schichten halten / Vnd sol die Arbeiter vleissigk anhalten / vnnd vnderweisen / den Gewercken mit vleis / trewlich vnd nu^ͤ tzlich / zuarbeiten / So er auch wu^ͤ rde befinden / das eyner / oder mehr Hewer / oder andere arbeitter / nicht rechte Schichten hielten / den sol er solches / inn keynem wege zu gut  halten / sondern / wo eyner gleich aus redlicher vrsachen / seine Schicht zuhalten / seumig gewest / dannoch sol demselben sein lohn / noch anzal / dargegen abgezogen vnd auffgehaben werden. Wo aber eyner aus bo^ͤ sen vrsachen / nachlessigk befunden wu^ͤ rde / oder feyern wo^ͤ lde / dene sol der Steyger ablegen / oder dem Bergkmeister so^ͤ lchs ansagen / der sol ihme als dann nicht allein sein lohn lassen abbrechen / sondern ihn auch mit ernst darzu / von vnsert wegen straffen.

Vnd ein itzlicher Steyger / sol den Hewern vnd Arbeitern / selbest alle Schichte / Vnslet vnd Eisen geben / Vnd was sie des ero^ͤ brigen / von der zeche / inn ihren nutz zuwenden nicht gestatten.

Der xxxviij. Artickel.

Wie die Schichten gehalten sollen werden.

MAn sol alle zeit fru^ͤ / zu vier hora / die erste Schicht / die andere / zu zwelffen / vnd die dritte / zu achten des nachts anfahren / Vnd also itzlich Schicht  / sieben stund volkomlich an der Arbeit bleyben / vnd eher man ausklopfft / nicht von o^ͤ rtern fahren / Vnd zu itzlicher Schicht / sol man ein stund zuuor anleuten / damit sich die Arbeiter / darnach zurichten / vnd dester weniger ihrer vorseumligkeit / zuentschuldigen haben.

Damit auch das Anleuten / dester vleissiger geschehe / vnnd statlicher  erhalden werde / sol von einer itzlichen zechen / es sey stoln Fundgrub / oder Masse / sie werden bewlich / mit fristen oder mit stewer erhalden / alle halbe Jare i. w. gr. gegeben werden.

Der xxxix. Artickel.

Von der Nachtschicht.

AVff welcher Zechen / nicht drey schichten gearbeit vnd gefahren werden / do so^ͤ llen Vnser Amptleute / die nachtschicht / nicht gestatten / Vnd wo eine schicht allein / gearbeit wu^ͤ rde / sol man alle wege / die fru^ͤ schicht halden / es  geschehe dann aus vrsachen / mit zulassung des Bergkmeisters / anders.

Der xl. Artickel.

Das kein Arbeiter / auff keiner Zeche / zwey lohn haben sol.

ES so^ͤ llen auch kein Hewer / Hespeler / oder andere Bergkarbeiter / one des Bergkmeisters bewilligung / Auff eyner Zechen / inn eyner wochen / mehr dann eyn lohn nehmen / oder auff sich schreyben lassen / Wo es anderst befunden vnd erfahren wird / do sol man Steyger vnd Arbeiter hertiglich straffen.

Aber doch sol niemand bey seiner weyle / ihme selbs / oder vmb lohn / zuerbeiten oder zuschu^ͤ rffen verpoten sein.

Ein itzlicher Hewer / sol von eyner gantzen Schicht / die er dann alle tag inn eyner wochen gantz vorfahrn sol / xij. w. gr. zu lohn haben / Aber die Steyger / so^ͤ llen / bey entsetzung ihrer dinste / den Arbeitern ihres gefallens / vnd one des Bergkmeisters vnd der Geschwornen willen / vnnd wissen / kein lohn machen noch geben.

Der xli. Artickel.

Wie die Schichtmeister / der Gewergken guth / bewahren  vnd ertzeugen so^ͤllen.

DJe Schichtmeister / so^ͤ llen alles / was sie von der Gewercken wegen / einnehmen vnd empfahen / trewlich vnd wol bewaren / der Gewergken sachen / mit gebeuden / vnd was man darzu bedarff / auffs nu^ͤ tzlichst bestellen / alles das zu notturfft der Gewercken / vnd ihrer Zechen / muss gebraucht werden / es sey  Eysen / Vnselt / seyl / tro^ͤ ge / ku^ͤ bel / zu^ͤ ber / holtz / bret / negel / vnnd alles  anders / vmb der Gewergken gelt / auffs nechste / als es zubekomen mo^ͤ glich ist / bestellen vnd kauffen / vnd selber an so^ͤ lchen stu^ͤ cken / gar keynes nutzes / oder geniess gewarten / Auch aus gunst / oder freundschafft / mit der Gewergken nachteyl / niemands / deshalb eynichen nutz oder vorteyl / zuwenden.

Wir wo^ͤ llen auch hiermit / allen Schichtmeistern vnd Steygern / das fu^ͤ rkauffen / mit Vnselt / Eysen / seyl / vnd allem andern / bey entsetzung ihrer dinst / vnnd vormeydung Vnserer vngnad / verboten haben.

Der xlij. Artickel.

Die Steiger / so^ͤllen vnselt vnd eysen / nachm gewicht / empfahen / vnd nichts vorleyhen.

ES sol auch ein itzlicher Schichtmeister seinem Steyger / selber Vnselt vnd Eysen / nachm gewicht reychen / auch solches / nachm gewicht inn die Rechnung brengen / Derhalben wir auch etwan verordent / vnd noch zuhalten / ernstlich befehlen / das kein Schichtmeister / das Eysen / von wegen seiner  Gewergken / bezale vnd annehme / es sey dann zuuorn / durch den geordenten Wagmeister / in der Wage gewegen / auff das niemand deshalben betrogen oder verforteylt werde.

Steyger vnd Schichtmeister / so^ͤ llen keynes wegs / von eyner Zechen / auff die andern / weder gelt / Vnselt / Eysen / oder eynichen andern vorrath / one  zulassung des Bergkmeisters leyhen / welcher sich aber des vnderstehen wu^ͤ rde / den sol der Bergkmeister straffen / vnd das vorliehene / von seinem eygenen  gelde / zubezalen weisen.

Der xliij. Artickel.

Die diener / so^ͤllen nit gefreundt sein / vnd der Schichtmeister auffn Steiger sehen.

ES so^ͤ llen auch / die Schichtmeister vnd Steiger / auff eyner zechen / nicht bru^ͤ der oder vettern sein / sich auch in keine sonderliche eynigkeit geben / die den Gewercken zu nachteil gereychen mag / Sondern / ein itzlicher Schichtmeister / sol zum wenigsten / alle wochen / inn seine beuolhene Zechen fahren / vleissig auffsehen / dass sich der Steiger / mit seiner arbeit vnd gebeuden / dieser vnser Ordnung / mit aus vnd anfahren / vnnd allem andern / trewlich halte / den  Hewern vnd anderen Arbeitern / fu^ͤ rder auffsehe / das sie recht vnd wol arbeiten / auch rechte schichten halten / Vnd welche das nicht thuen / das denen dagegen / ihr lohn auffgehoben / vnd darzu gestrafft werden.

Der xliiij. Artickel.

Steyger vnd Schichtmeister / so^ͤllen die Arbeiter / nit zur koste haben / auch auffn Zechen / kein Bier schenken /  vnd keine gemitte jungen halten c.

KEin Schichtmeister oder Steyger / sol keynen Arbeiter noch Hewer  dringen / oder sonst / inn andere wege / vrsachen noch mu^ͤ ssigen / die koste bey ihme zuhaben / oder sein noch anderer Bier auszutrincken / vnd so^ͤ llen deshalben keinen arbeiter weder an noch ablegen / auch keinem derhalben an der arbeit / oder gedingen eynichen vorteyl zuwenden / bey entsetzung ihrer dinst / vnd Vnserer ernsten straffe.

Desgleichen so^ͤ llen auch Steiger vnd Schichtmeister / treulich auffsehen / das weder Steyger noch Arbeiter / keynen guten Montagk / noch sunsten in der wochen / Bierschichten machen / Wo es aber erfahren wu^ͤ rde / so^ͤ llen sie oben bemelter straff / ohne nachlassung / gewerttig sein.

Hirmit wo^ͤ llen wir auch / allen Steygern vnd Schichtmeistern / ernstlich verboten haben / das keiner / keinen gemitten iungen / hewer oder knechte /  halten sol / bey oben erzelter straff / Sondern Wir wo^ͤ llen / das hirinnen / treulich vnd vngefehrlich / gehandelt werde.

Es soll sich auch kein Steyger / Schichtmeister / oder andere / vnderstehen / auffn Zechen / Bier zuschencken / oder Kostgeher zuhalden / Wo es aber  geschehe / sol es Vnser Bergkmeister / wie gebu^ͤ rlich straffen / Darzu so^ͤ llen  keine Hausgenossen / auff die zechen genohmen werden / ohne des Bergkmeisters vnd der Geschwornen vorwissen vnd willen.

Der xlv. Artickel.

Steiger / Schichtmeister / vnd arbeter c. so^ͤllen an  irem gesatzten lohnn begnügigk sein.

SChichtmeister / Steyger / vnd Arbeiter / so^ͤ llen sich / ein itzlicher seines gesetzten lohnes / begnu^ͤ gen lassen / keines weges mehr genieses / durch fu^ͤ rkauffen / vnselt / eysen / seyl c. oder durch waserley handtirung oder practica / es geschehen ko^ͤ ndte / gewarten / auch von Auspeutzechen / oder Gewercken kein geschenck fodern / Ob aber eyniche Gewergkschafft ihrem Schichtmeister oder Steyger / vmb gehabtes vleisses willen / eine vorehrung thun wo^ͤ lte (darzu doch niemands verbunden sein sol) so mag die / dem Schichtmeister vnd Steyger / iedem drey gu^ͤ lden / vnnd daru^ͤ ber nichts mehr / geben.

Von der Schichtmeister lohn.

AVff einen Arbeiter / er stehe einen gantzen tagk / zwelff stundt / oder zu Schichten (doch von keinem weilarbeiter) sol der Schichtmeister zu lohn haben.

Auff einen Arbeiter iij. w. gr. Auff zwene Arbeiter       iiij. w. gr. Auff drey Arbeiter          vi. w. gr. Auff viere vnd fu^ͤ nffe         viij. w. gr. Auff sechs vnd sieben x. w. gr.

                   Auff acht vnd neun Arbeiter                                                                            xij. w. gr.

Hette aber einer / vber Neun Arbeiter / alsdann / sol ihme das lohn / nach achtung seiner mu^ͤ he / auf xiiij. oder xvi w. gr. vom Bergkmeister vnd  Geschwornen / gesetzt werden.

Auff fu^ͤ ndigen Zechen / do viel Arbeiter seindt / inn der gruben / vnd inn weschen / oder die das Quartal vber / oder ye vber die helffte des Quartals / schmeltzen / dergleichen / auff fu^ͤ ndigen vnd vnfu^ͤ ndigen Sto^ͤ llen / die mit Stewer / Vierdtenpfenning / vnd Neunden / viel zuberechen / auch viel Arbeiter haben / Mag den Schichtmeistern auff erkentnus vnsers Bergkmeisters / ein gu^ͤ lden / zu lohn gemacht werden.

Welche auff fu^ͤ ndigen zechen / das Quartal / zwu oder drey wochen schmeltzen / auch wenig Arbeiter haben / vnd gleichwol / aus dem Zehenden lohnen / die so^ͤ llen sich / an dem lohne / wie es ihnen / Vnser Bergkmeister  ordnet / begnu^ͤ gen lassen.

Auff Stewerzechen / do man zupus anlegt / vnnd mehr dann einen Hewer stewer gibt / sol ein Schichtmeister / ein gantz Quartal / anderthalben gu^ͤ lden / lohn haben.

Legt man aber kein zupus an / sondern / die stewer / wird von der Zechen

Vorrath / gegeben / do sol ein gu^ͤ lden / das Quatemmerlohn sein. Aber von einer Zeche / die mit frist erhalden wird / sol ein Schichtmeister einen halben gu^ͤ lden / zu Quatemmerlohn haben.

Wu^ͤ rde aber ein Schichtmeister befunden / der vmb seines lohns wilen / die Zechen mit vnnottu^ͤ rfftigen Arbeitern vberleget / oder der mehr Arbeiter in Anschnit oder Rechnung bro^ͤ chte / dann er inn den Zechen hat / dem sol die  Zeche / von stundan genohmen / vnnd darzu nach erkentnus des Hauptmans / Bergkmeisters / vnd Geschworne / ernstlich gestrafft werden.

Dessgleichen welcher Schichtmeister / ohne vorwissen vnnd willen

Vnsers Bergkmeisters / ihme selbst / ein gro^ͤ sser lohn / dann oben gemeldt / auff  eine oder mehr Zechen / schreyben wu^ͤ rde / dem so^ͤ llen dieselben Zechen genohmen / vnnd darzu ernstlich gestrafft / werden.

Sie so^ͤ llen auch / ohne des Bergkmeisters wissen vnd willen / keine  schulden / auff die Zechen machen / Welcher das thette / dem sol vmb solche schulden / nicht verholffen werden.

Der xlvi. Artickel.

Schichtmeister vnd Steiger / so^ͤllen ihre befehl  vnd dinst / selbs versorgen.

DJe Schichtmeister / vnd der Zechen Vorsteher / die nicht selbs schreyben ko^ͤ nnen / so^ͤ llen kein schreibgelt / oder Schichtmeister lohn / auff die gewergken rechen lassen / sondern / solchs von ihrem lohn verlegen.

Vnd so ein Schichtmeister / aus anderen seiner Gewercken / nu^ͤ tzlichen vrsachen / nicht allezeit / wie oben vormeldet / auff seinen Zechen / mit einfahren vnd zusehen / auch beim schmeltzen / selbs / vorhanden sein ko^ͤ ndte / so mag er einen anderen vorstendigen / doch nicht auff der Gewercken geldt / darzu schicken / seine stat zuuorwesen / Dergleichen / so^ͤ llen sich / auch die Steiger vorhalten / alle / ihren befehl / in eygener person ausrichten / wo sie aber / aus vrsachen / wie oben von Schichtmeistern vormeldet / vnd nicht ihrer eygenen  geschefft halben / vorhindert / mo^ͤ gen sie dasselbige / mit einem andern voreydtem Steyger / doch mit willen des Bergkmeisters / bestellen / damit den Gewercken nichts vorseumet / treulich vnd wol gearbeit werde.

Der xlvij. Artickel.

Schichtmeister vnd Steyger / so^ͤllen den Gewercken / warhafftigen rechten vnderricht der gebeude geben c.

VNd nachdem / Vns vielmals ist fu^ͤ rkomen / als so^ͤ lten etzliche Steyger vnd Schichtmeister / auch andere / den Gewercken / vnd sonderlich frembden / nicht guten gru^ͤ ndtlichen bericht / der gebeude vnd anders / die Zeche belangendt / thuen / die Zeche vnd gebeude ernieder schlahen / Welches dann dem Bergkwerg / vnd Vnserm Zehenden / nicht zugeringen abbruch / gereychet / auch allerley argkwon daraus zuscho^ͤ pffen / Ordenen vnd gebieten Wir / derwegen / allen  Vorstehern vnd Dienern der Zechen / dass sie ihren Gewercken inn dem / so sie gefragt werden / der gebeude / vnd gelegenheit der Zechen / gru^ͤ ndtlichen guten bericht / mit glimpff thuen so^ͤ llen / Wo es aber vbergangen / vnd das widerspiel / befunden / vnd solches fu^ͤ r Vnsern Hauptman vnd Bergkmeister / komen wu^ͤ rde / so^ͤ llen sie dieselbigen / beneben der entsetzung ihrer dinste / auch mit ernst / straffen.

Der xlviij. Artickel.

Von verwarung des Ertzs / vnd das nicht grosse Heuser / auff die Zechen gebawet werden.

BErgkmeister vnd Geschworne / so^ͤ llen / beneben den Schichtmeistern / vorfu^ͤ gen / vnd darob sein / das alle fu^ͤ ndige Zechen / wo es mu^ͤ glich / verschlossen / ein guter vehster schrott vnd verschlossener trogk / darein gesetzt / vnd das gute Ertz / darinne verwaret / auch in verschlossener thu^ͤ r gepucht / vnd geschieden / vnd volgend inn fesslen oder ku^ͤ beln / verschlossen fu^ͤ r die Hu^ͤ tten /  geschickt werde / Es sol auch sonst auff kein Zeche / eynich gross haus / anders dann zu blosser notturfft / gebawet werden.

Der xlix. Artickel.

Vom anschnidt vnd lohnen.

DJe Schichtmeister vnd Steyger / so^ͤ llen auff den lontagk / beim  anschneyden allezeit gegenwertig sein / Bergk / vnd Hu^ͤ ttenkost / vnd was sonst / die woche auff die Zeche gangen / stu^ͤ ckweis auch die namen vnd zunamen / aller Arbeitter / vnd was ein ieder gearbeit / vnd warfu^ͤ r der lohn gegeben / eygentlich anzeichen / so^ͤ lches / den Geschwornen vorlesen / vnd sie es vberlegen / lassen / derselben Summa vorzeichnus / niederlegen / welche durch den darzu verordenten / mit vleis auffgehaben / verschlossen / vnd zur Rechnung widerumb so^ͤ llen fu^ͤ rgelegt werden / Vnd so die Geschworne / im Anschnidt vngeschickligkeit vormergkten / das so^ͤ llen sie dem Bergkmeister zustraffen anzeygen.

Es so^ͤ llen auch die Schichtmeister / inn beysein ihrer Steyger / allen Arbeitern (die dann alle selbs gegenwertig so^ͤ llen erscheinen / ihren lohn zu empfahen / sie wu^ͤ rden dann durch nottu^ͤ rfftige vnnd nu^ͤ tzliche vrsachen / daran vorhindert) dergleichen handwercksleuten / was auff ihren Zechen gearbeit wird / mit guter landsweriger Mu^ͤ ntz / vnd mit keynem andern gelt / noch mit eynicher andern wahr lohnen / Vnd eim itzlichen / sein lohn / selbs / zuhanden reychen.

Wu^ͤ rde aber eyner / oder mehr erfahren / die do ihren eygenen vorteyl vnd geniss / suchen / vnd sonderlich / die aus Vnserm Zehenden lohnen / mit anderm gelde lohnen wu^ͤ rden / die sol Vnser Hauptman ihrer dinst entsetzen / vnd darzu straffen.

Welche auch den Anschnidt verseumen / die sol Vnser Bergkmeister  darumb straffen.

Der l. Artickel.

Vom nicht auffschlahen des lohns.

KEin Schichtmeister / sol den Arbeitern / an ihrem lohne / wenig noch viel / auffschlahen / welcher aber auffschlu^ͤ ge / der sol zu bezalen geweist werden / es hette dann der Arbeiter bewilliget / das lohn bey der Zechen zusehen / vnd der Schichtmeister / ko^ͤ ndte das beweisen / auff diesen fall / so^ͤ llen / Arbeiter / vnd Schichtmeister / an die Zeche geweist werden.

Der li. Artickel.

Vom Quattemmergelde.

EJn itzlicher Vorsteher der Zechen / oder Schichtmeister / sol zu erhaldung der Geschwornen / vnnd anderer gemeines Bergkwercks noturfft / von  itzlicher Zeche vnd Massen / sie werde gebawet / oder mit frist erhalden / alle Quartal / vij kleine gr. geben / dasselbe gelt / sol Vnser Hauptman / dem Bergkschreiber einzunehmen / auszugeben / vnd zuberechnen beuehlen / Doch das ein sonderliche vehste Laden in ein gemach / nach angebung des Hauptmans / dazu verordent / zu welcher drey Schlu^ͤ ssel geho^ͤ ren so^ͤ llen / den einen der Hauptman / den andern der Zehender / den dritten der Bergkschreiber / haben so^ͤ llen / darein das gelt vnd das Register daru^ͤ ber / allezeit so^ͤ llen verschlossen werden.

So Erbsto^ͤ llen Massen hetten / sol das Quatemmergelt allein von Massen gegeben werden / Hette aber ein Stolln keine Massen / alsdann / sol er alle  Quartal vij kleine gr. geben.

Doch sol ein ieder das erste Quartal / nachm auffnehmen der Zechen / des Quatemmergeldes frey sein.

Der lij. Artickel.

Von der Rechnung / vnd wie die geschehen sol.

ES so^ͤ llen alle Schichtmeister / Steyger / vnd Vorsteher der Zechen /  allemahl auff Sonabendt / in der Weyhfasten / ihre Rechnung beschliessen / vnd dieselbige / auff nehsten Montag / nach der Weyhfasten (allein auff Pfingsten wirdet es acht tage lenger verzogen) Vnserm Hauptman / Bergkmeister vnd anderen / so wir darzu verordent / fu^ͤ rtragen / besichtigen / vorlesen / vnd vberlegen lassen / Welche Rechnung Vnsere itzt benante Amptleute / vnd darzu verordente / auff ein itzlich Quatemmer / von allen Schichtmeistern vnd Vorstehern der  Zechen / anho^ͤ ren so^ͤ llen / wie itzlich Viertel Jar / den Gewercken fu^ͤ rgestanden / vnnd mit ihrem guth gehandelt sey / Wo darinnen / durch vnwissenheyt /  eynichem Gewercken / vorseumnus oder nachteil geschehen were / das so^ͤ llen Vnsere Amptleute hinfu^ͤ rder vorkomen / Wo auch durch vnfleis / ichts den  Gewercken vorseumbt were / des so^ͤ llen sie den Gewergken von denselben / die es zuuorantworten schuldig / erstattung vorschaffen / Wu^ͤ rde aber daru^ͤ ber  betrugk / oder ander o^ͤ ffentlich vnrecht befunden / Das sol vnnachlessig mit ernst gestrafft werden.

Der liij. Artickel.

Die Schichtmeister / so^ͤllen sich / zuuorn / mit  dem Zehender berechen.

ES sol auch ein itzlicher Schichtmeister oder Vorsteher / der Silber inn

Zehenden geantwortet / oder zu vorlegung der Zechen / auff Vorstandt / gelt vom Zehender empfangen hat / zuuorn mit dem Zehender abrechnen / auff das er solchs in sein Rechnung brenge / Vnd wo es vorhanden / vnd vbrig / ausgeteylt werde. 

Der liiij. Artickel.

Die Rechnung / sol ohne tadel sein / vnd die  Register lauter vnd deutlich.

DJe Schichtmeister vnd Vorsteher der Zechen / so^ͤ llen darob sein / das sie ihre Rechnung / gerecht / vnd ohne tadel / vorfertigen vnd fu^ͤ rbringen / So aber dieselben tadelhafftig befunden werden / vnnd ob eyner oder mer / wie etlichmal geschehen / sagen wo^ͤ lten / es were vngefehrlich vnd aus vorsehung c. geschehen / ob es gleich also were / so sol denoch / ein itzlicher / dieselbe seine vnfu^ͤ rsichtigkeit / nach aufflegung Vnserer Amptleute / vorpu^ͤ ssen / die so^ͤ llen solche pussen einbringen / vnd Vns fu^ͤ rder sampt anderm / so ihnen zuberechnen beuohlen ist / vberreychen / Wu^ͤ rde aber vntrewe / oder betrugk / darinnen befunden / so sol es / an leib vnd gut gestrafft werden.

Wir wo^ͤ llen auch / das die Schichtmeister ihre Register / reyne vnd sauber / vnradirt / alle ding deutlich / klar vnd lauter vorzeichent mit grosem vleis vnd auffsehen zur Rechnung brengen / anders sol keins angenohmen werden.

Der lv. Artickel.

Aller Vorrath auffn Zechen vnd in der hütten / sol auff die Register /  eygentlich vortzeichent / vnnd besichtiget / werden.

ES so^ͤ llen die Schichtmeister allen Vorrath der Zechen / von gezeug / vnd allem andern / den Gewergken zustendig / Dessgleichen den Vorrath in der Hu^ͤ tten / itzlichs stu^ͤ ckweis / den alten vnd newen / auff / oder inn die Register / eygentlich vorzeichnen / Welchen Vorrath / die Geschworne / nach geschehener  Rechnung / ob der aller verhanden / besichtigen so^ͤ llen / auff das / den Gewergken / nichts verruckt werde.

Der lvi. Artickel.

Die gewerckschafften / so^ͤllen aussm Gegenbuch /  zur Rechnung mitgebracht werden.

AVch so^ͤ llen alle Schichtmeister vnd Vorsteher der Zechen / vnd Lehentreger / zu ieder zeit der Rechnung die Gewergkschafften aussm Gegenbuch /  beneben den Registern haben / darinnen alle Gewergken / mit ihre nahmen vnnd zunahmen / auch wie viel ein itzlicher teyl vorlegt / vnd wie viel der im Retardat bleyben / auch die ienigen / so auff Volmachten vorgewercket / eygentlich vnd deutlich / so^ͤ llen geschrieben sein / auff das sich alle / vnd iede Gewergken / wie sie / mit ihren teylen / vorrechent / erkunden mu^ͤ gen.

Der lvij. Artickel.

Wie die Rechnung geschickt sol sein / vnd vonn handschrifften.

VNd nach dem / so^ͤ llen alle Schichtmeister vnd Vorsteher der Zechen / inn ihrer Rechnung vnnd Registern / anfenglich / mit deudschen worten vnd zahl / eygentlich alles Silber / Geldt / Zupussn / Neundtes / Vierdtenpfenning / Stewer / Wassergelt / Bergkfu^ͤ rdernus / vnd alles andere / so den Gewercken zustendig / vnd sie empfangen / fu^ͤ r Einnahm setzen.

Darnach / was sie fu^ͤ r die Zeche / Bergkost / Hu^ͤ ttenkost / vnd sonst zur Gewergken nutz / ausgeben / auch eygentlich anzeygen / was / wieuiel / vnd wem / er daruon ausgegeben / wie tewer / ein itzlichs stu^ͤ ck / vnd von wem / es gekaufft / wie sie dieselbe gekauffte wahr / wider von sich gereycht / was in zeit des Viertel Jars / mit / oder ohne gedinge / vnd wie lang / vber dem gedinge  gearbeit sey / was auffs geding / oder Arbeiter gangen / Vnd dieselben Arbeiter / knecht vnd iungen / namhafftig machen / vnd zuletzt / was noch / vber Summa von Summa gezogen / im Vorrath oder an schulde bleibt / stu^ͤ ckweis vnd eygentlich setzen.

Vnd welcher von wegen seiner Zechen / Stollnstewer / Schachtstewer / Wassergelt / Bergkfo^ͤ rdernus / Vierdtenpfenning / oder dergleichen geldt / von sich gibt / der sol von itzlichem / denn er desselbigen geldts gereycht / schrifftlich bekentnus / das er solches entricht hab / nehmen / dieselbige schrifft / also mit der Rechnung / auff / vnd fu^ͤ rlegen.

Vnd ob einer / inn seiner Rechnung / geldt im Vorrath behelt / das sol er / sampt der Rechnung / von stundan aufflegen.

Der lviij. Artickel.

Von Zechen / so zwischen Quartaln / aufflassen / zuuorrecessen.

OB gleich ein Zeche zwischen eim Quartalauffliesse /vnd liegendt bliebe / sol nichts weniger / auff nechst volgende zeit der Rechnung / gleich andern  Zechen / wie vor berurt / durch die Vorsteher / Rechnung daruon geschehen.

Der lix. Artickel.

Vom Recessbuch.

NAch gethaner Rechnung / so^ͤ llen alle Sumarien / derselbigen Rechnung / aus allen Registern / durch alle punct / wieuiel Silbers diss Quartal gemacht / was fu^ͤ r Vorrath / oder schuld vorhanden / Ausgabe / Zupus / Schichtmeisterlohn /  vorrechente theyl / beschlossene Ausbeut c. o^ͤ rdentlich inn ein Recessbuch aus beuehl vnsers Hauptmans / vorfast vnd bracht werden / welches gezwiefachet / Vns / oder Vnserm Hauptman / eins / sol zugestelt / vnnd das andere / inn ein Lade oder Kasten / mit dreyen schlossen vorwahrt / sampt allen Registern / so^ͤ llen beschlossen werden / Darzu / vnser Hauptman einen der Bergkmeister den  andern / vnd der Bergkschreiber / den dritten / schlu^ͤ ssel haben so^ͤ llen.

Der lx. Artickel.

Vom vbersehen der Register / nach der Rechnung.

VNd so die Rechnung vnd Register / nach der Rechnung angenumen  werden / alsdann sol Vnser Hauptman oder Verwalter / mit eynem oder zweyen / darzu vorstendigen / solche Register / mit guter muss vbersehen / vnd so etwas vormals versehen were / vnnd nachvolgendts funden wu^ͤ rde / sol nichts weniger nach vorigem Vnserm beuehl / gerechtfertiget / vorpust / vnnd gestrafft werden.

Der lxi. Artickel.

Von der Auspeut zubeschliessen / vnd was sich  zur Auspeut nicht erstrecket.

WVrde sich inn der Rechnung befinden / das vom Silber / oder Neundten

c. so viel vberlauffts vorhanden / das auff eynen Kuckes / zwene gu^ͤ lden / auszutheylen / die so^ͤ llen / auff geordente Rechnung ausgetheylt werden. Was sich aber zur austheylung nicht erstreckt / das sol den Gewergken zu gut / im Zehenden / zu Vorrath enthalden werden / oder mit zulassung des Hauptmans vnd Bergkmeisters / den Gewergken zu ihrem nutz / was vber notturfft der Zechen sein wird / volgen lassen / Den ienigen aber / so zur Ausbeut / geldt borgen / die  so^ͤ llen keines wegs Ausbeut beschliessen / es erstrecke sich dann / Vermo^ͤ ge der Ordnung.

Der lxij. Artickel.

Wie man sich / nach der Rechnung / mit Zupus anlegen / halten sol.

SO ein Schichtmeister / oder Vorsteher der Zechen / sein Rechnung / wie vor angezeigt / gethan / vnnd vberreycht hat / vnd souiel Vorraths nicht bleybet / damit er seine Zeche / biss zu nechst volgender Rechnung / bawhafftig erhalden mag / der sol ihme / von stundan Vnsern Hauptman vnd Bergkmeister / als  verho^ͤ rer der Rechnung / nach ihrer achtung / vnd notturfft der Zechen / zu nu^ͤ tzlichem baw / ein Zupus anlegen lassen / Vnd vom Bergkmeister einen  Zupusbrieff nehmen / den sol er / vonn stundan anschlahen / vnd nach gethaner Rechnung / vier gantze Wochen / stehen lassen / denselben Brieff / soll niemands inn berurten Vier Wochen / bey schwerer straff / abreissen.

Der lxiij. Artickel.

Wie die Schichtmeister / die Zupus / so^ͤllen einbringen / auch bey  wem / sie / dieselb zu fordern / schüldig / seind / oder nicht.

SO Zupus auff eine Zeche / wie vor berurt / angelegt / vnd angeschlagen wird / so^ͤ llen alle / vnd ein itzlicher Gewergk derselben Zeche / inn angezeigten nechst volgenden vier wochen / nach gethaner Rechnung / ihre Zupus geben / Vnd die Schichtmeister so^ͤ llen keinen Gewergken oder Vorleger / mit der zupus auff sich nemen / deme auch / vber vorbemelte gesetzte zeit / keine fu^ͤ rder frist geben / Sie so^ͤ llen auch die zupus / von den Gewercken zufordern nicht schuldig sein / dann allein auff volgende vehlle / Als do einer oder mehr Gewergken / inn der Freyen Bergkstadt Sanct Joachimsthal / Vorleger hetten / die inn zeit der  zupus schrifftlich anschlagen wu^ͤ rden / wo man sie sol finden / vnd die zupus  bekohmen / bey den selben so^ͤ llen die Schichtmeister / die zupus mahnen / vnd wo dises falles den Gewergken / durch die Schichtmeister / dass sie die zupus nicht forderten / etwas vorseumet wu^ͤ rde / das sol den Schichtmeystern vnd nit den Gewergken / zuschaden gereychen.

Wu^ͤ rden auch die Einwohner / gleich den frembden anschlahen / Achten wirs auff diesen fall fu^ͤ r billich / das die Schichtmeyster / die zupus auch bey ihnen zufordern / schuldig seind / in massen wie nehist gemeldet.

Wo aber ein Gewergk / der Ausbeute zuheben hette / vnd die so bald nicht bekomen ko^ͤ ndte / einen Schichtmeister mit der zupus an den Austeyler weisen wu^ͤ rde / so sol es damit gehalten werden / wie hyeuorn inns Austeylers beuehl / ausgedruckt ist.

Der lxiiij. Artickel.

Das die Gewercken / ihre Zupus / inn vier Wochen geben so^ͤllen.

VNd so nach dato des Zupusbrieffs / die vier wochen / wie vor berurt / vorlauffen / Welche Gewercken / in derselben bestimpten zeit / ihre Zupus nicht geben werden / die so^ͤ llen ihrer teyl verlustig sein.

Der lxv. Artickel.

Von vberantworttung des Retardats.

NAch ausgang der vier wochen / sol ein itzlicher schichtmeister / so  vermo^ͤ ge Vnser Ordnung / Zupus angelegt hat / ein vorzeichnus machen / welche Gewergken / ihre teyl obberurter weis / nicht vorlegt / die inn der fu^ͤ nfften  wochen auff den Montagk / oder (wo auff denselben Montag / ein Feyertagk  were) auff den nehsten Dinstag / darnach / oder welchen tag sonst vom Hauptman / oder Bergkmeister darzu ernandt / vnd ausgeruffen wird / so^ͤ lche vnuorlegte teyl / als Retardata / Vnserm Hauptman oder Bergkmeister fu^ͤ rtragen / dieselben vnuorzupusten Gewergken / vorzeichent namhafftig vorlesen vnd vbergeben. Dieselbigen Retardata / so^ͤ llen also / dem Gegenschreiber fu^ͤ rder einzuschreiben / durch bemelte Vnsere Amptleute vbergeben vnd beuohlen werden.

Wir wo^ͤ llen auch / aus besonderen gnaden / den vnuorlegten Gewergken / hiemit nachlassen / das sie von dato des gehaltenen Retardats / sieben tage haben so^ͤ llen / wo sie in den selben sieben tagen / ihre Zupus geben / so^ͤ llen sie ohne  eyniche des Gegenschreybers gebu^ͤ re / zugelassen werden.

Der lxvi. Artickel.

Wie es / mit den Retardat teylen / sol gehalten werden.

NAch vorfliessung des Retardats / vnd zugegebener tage / so^ͤ llen dieselben teyl die also ins Retardat seind komen / den ienigen / deren sie gewest seind / mit / oder ohne der vorlegten gewercken willen / vmb sonst / oder ohne Zupus / nicht wider werden / Sondern / Vnsere vorgenante Amptleute / so^ͤ llen von stundan / dem Schichtmeister beuehlen / solche Retardat teyl den gemeynen Gewergken zugut / auffs thewerst zuuorkauffen / oder wo die nicht mu^ͤ gen verkaufft werden / vmb die Zupus / oder wo es auch nicht gesein mo^ͤ chte / vmb sonst zuuorgewercken / zu solchem kauff / oder gabe / die vorzupusten Gewercken / den  vorgangk haben so^ͤ llen.

Wo auch die vorzupusten Gewergken des mehrern theils / wu^ͤ rden begeren / dieselben Retardatteyl / vnuorkaufft vnd vnuorgeben / gemeynen Gewercken zuu^ͤ berschreiben / vnd stehen zulassen / oder die vntersich / nach anzal auszuteylen / So sol es also geschehen / Doch / das dieselbigen teyl / gemeynen  Gewercken / oder itzlichem / sein gebu^ͤ r sonderlich / wie es beschlossen wirdt /  oder wie die sonst als vor berurt / anderen vorkaufft oder gegeben / alle zeit mit wissen vnd willen der Amptleute / ins Gegenbuch so^ͤ llen geschrieben werden.

Der lxvij. Artickel.

Der Gegenschreiber / sol aus eygenem gewaldt /  keinen Kuckes aussm Retardat geben.

DEr Gegenschreiber sol forthyn / von ihme selbs / vnd aus eygenem  gewalt / keynen Kuckes aussm Retardat geben / sondern alle Retardatteyl / so^ͤ llen allewege auff die Mitwoch nachm bestettigen / vnd auffn Sonabend nachm  anschneyden / in gegenwart Bergkmeisters vnd Geschwornen / doch nicht ohne vrsachen / aussm Retardat gegeben werden / Wo aber Bergkmeister vnd  Geschworne / hyrinnen / der vorlegten Gewercken nachteyl / oder eyniche  beuortheylung spu^ͤ ren wu^ͤ rden / so^ͤ llen sie solche theyl / ohne gnugsame  Volmacht / der vorlegten Gewercken aussm Retardat zunehmen / keynes wegs gestatten.

Vnd alle die ienigen / so aussm Retardat zugelassen werden / die so^ͤ llen beneben der Zupus / auch des Gegenschreibers gebu^ͤ re / als iiij. w. pfen. aufflegen vnd entrichten / Welcher sich aber dess wegern wu^ͤ rde / von deme sol der Schichtmeister / die Zupus nicht nehmen / sondern / die teyl im Retardat stehen lassen / auff das die vorlegten Gewercken / hiermit / zur vnbilligkeit nicht  beschwerht werden.

Der lxviij. Artickel.

Von empfangener / vnd nicht vorrechenter zupuss.

WVrde eyner oder mehr Schichtmeister / oder Vorsteher der Zechen / von Gewergken / Zupus empfahen / vnd gleichwol / dieselben teyl / im Retardat  stehen lassen / auch die empfangene Zupus / auff volgende Rechnung / nicht  vorrechnen / der sol beneben entsetzung seines diensts schwerer vordinter straffe gewerttig sein.

Der lxix. Artickel.

Wie mit dem Volmachten / so vber Retardat teil / auffbracht / gehandelt sol werden.

DEr Bergkmeister sol keynem Schichtmeister / oder vorsteher der zechen / gestatten / eyniche Volmachten auffzurichten / teyl aussm Retardat zuuorgeben / zuuorgewercken / oder zuuorkauffen / es sey dann / das die Geschworne / zuuorn inn derselben Zechen / die tieffsten / auch die o^ͤ rter vnd gebeude / da man itzt bawet / vnd nechst zuuorn gebawet hat / auffs vleissigst besichtiget / vnd bestochen haben / Vnd wo sie als dann / betrugk oder gefehrlich fu^ͤ rnehmen befinden /  so^ͤ llen sie es dem Bergkmeister / vnd der Bergkmeister fu^ͤ rder dem Hauptman / vnnachlessigk anzeygen / der sol es an vnser stadt / mit ernst straffen.

Der lxx. Artickel.

Die Schichtmeister / so^ͤllen nicht zu viel / aussm Zehenden nehmen / vnd den Gewergken nicht schüldig bleiben.

VNd so ein Schichtmeister / von wegen seiner Gewercken / Silber im  Zehenden hat / sol er bey schwerer straff / wo^ͤ chelich nicht mehr daruon nehmen / dann so viel er zu blosser notturfft / Bergk vnd Hu^ͤ ttenkost / vnd anderen nu^ͤ tzlichen sachen / der Gewercken / bedarff / das mit dem Zehender gegen  einander inn vorzeichnus brengen.

Auff das auch / Vns / vnd den Gewercken / hyerinnen dester trewlicher zugesehen werde / Wo^ͤ llen Wir vnserm Gegenschreiber im Zehenden / oder eim andern ernstlichen beuehlen / alle Sonabent nachm anschneyden / der Schichtmeister anschneydzedtel zuvbersehen / vnd gegen des Zehenders Buch zuhalten / vnd so er einen / oder mehr / so vber Bergk vnd Hu^ͤ ttenkost / zuuiel aus vnserm Zehenden genohmen hette / befinden wu^ͤ rde / den sol er von stundan / Vnserm Hauptman vnd Bergkmeister / zustraffen ansagen / Vnd ob ers vorschweigen wu^ͤ rde / sol er darumb / gegen Vns / inn vorantwortung stehen.

Demnach auch bissanher / die Vorsteher der Zechen / nicht allein Vns / sonder auch den Gewercken / durch das zuuiel nehmen aussm Zehenden / auch sonsten / auff vnfu^ͤ ndigen Zechen / den Gewercken offtmals / viel schuldig  blieben seind / vnd sich vertro^ͤ stet / durch Volmachten oder sonsten / durch gunst der Gewercken / so^ͤ lcher schulden erlassung zuerlangen / vnd wir aber vormergkten / das es Vnserm Bergkwerge zu schmelerung gereycht / vnd viel Gewercken derhalben abscheuig gemacht werden / So wo^ͤ llen Wir / das forthyn keynem Schichtmeister / so^ͤ lche fu^ͤ rsetzliche betriegliche schulden / erlassen so^ͤ llen  werden / Vnd ob gleich die Gewercken einem / auff sein ansuchen / inn  Volmachten die schulden zuerlassen einschreiben vnd willigen wu^ͤ rden / so sol es dennoch / bey Vnsers Hauptmans vnd Bergkmeisters / erkentnus stehen / ob sie das zulassen wo^ͤ llen / oder nicht / die so^ͤ llen sich nach gelegenheit des fals /  dermassen erzeygen / darmit den Schichtmeistern / derweg schulden zumachen / vnterkomen werde.

Der lxxi. Artickel.

Wie es mit schuldmachen auff die Zechen / gehalten sol werden / vnd das vorlegene Zechen keine schulden zalen so^ͤllen.

OB sichs begebe / das einem Schichtmeister / zwischen der Rechnung / zu vorlegung seiner Gewercken Zeche / gelt mangeln wu^ͤ rde / aus vrsachen / das die angelegte Zupus / nicht einkohmen / oder nicht reychen mo^ͤ chte / So mag der Schichtmeister die Zeche zuerhalden / mit willen vnd Rath des Bergkmeisters /  so viel schulde / auff die Zeche machen / als zuerhaldung derselben / biss auff nechste Rechnung darnach / noth sein wird / Vnd so der Schichtmeister / seines dargelegten geldes oder gemachten schulden / auff die nechst volgende Quatemmer / nicht entricht wu^ͤ rde / so sol ihme der Bergkmeister / zu der zechen helffen / Zu derselben Zeche / sol der Schichtmeister aber / biss auff die andere  Quatemmer darnach / frist haben / die Zeche zubelegen / So aber die Zeche  darnach vnbauhafftig / vnd das nach vnserer Ordnung / darinne nicht gebawet were / befunden wu^ͤ rde / alsdann soll dieselb Zeche / frey ohne schuldt / vorliehen werden / Welcher Schichtmeister aber one willen / oder zulassung des Bergmeisters / schuldt auff die Zechen machen wu^ͤ rde / dem sol zur Zeche vnd gelde / nicht geholffen / vnd so die Zeche liegendt bleibt / vnd wider auffgenohmen wird / kein schuld daruon bezalt werden.

Der lxxij. Artickel.

Wie / vnd in was zeit / die gewehr der teil / geschehen sol.

SO einer dem andern teyl wird vorkauffen / oder geben / sol der vorkauffer im Gegenbuch / die gewehr in vier wochen thun / vnd der kauffer / sol auch vorpflicht sein / die gewehr inn bestimpter zeit zufordern / So aber die forderung nicht geschiehet / vnd mangel der gewehr am vorkauffer nicht gewest / sol er alsdann / fu^ͤ rder / zugewehren nicht schuldig sein / sich befu^ͤ nde dann / das der kauffer die gewehre zufordern / mercklicher vnd redlicher vrsachen halben /  vorhindert were.

Der lxxiij. Artickel.

Wenn sich der Vorkauffer / oder Kauffer / nicht  finden wil lassen.

WVrde auch ein teyl / kauffer oder vorkauffer / nicht vorhanden sein / oder sich nicht wo^ͤ lden finden lassen / so sol der kauffer / wie er die gewehre  zubekomen begert / oder der vorkauffer / wie er die gewehre / gern thun wo^ͤ lte / dem Hauptman oder Bergkmeister ansagen / damit sol er gnugk gethan haben / So aber befunden wu^ͤ rde / das eynich theil betriglich inn solchem fall gehandelt / der sol mit ernst gestrafft werden.

Der lxxiiij. Artickel.

Wenn teyl zwischen der Rechnung / vnd dem Retardat /  vorkaufft / wie die gewehret so^ͤllen werden.

DJeweil sich hiebeuor / der Zupus halben auff teyl / so von der Rechnung an / biss zu volgendem Retardat / vorkaufft seind worden / viel zangks widerwillens vnd veruortheylung hat zugetragen / So Ordenen wir / welcher forthin / inn der wochen darinnen man Rechnet / Kuckes kauffen wirdet / der sol die / auffs  volgend Retardat selbst zu vorlegen schuldig sein / Welcher aber auff nechsten Montag / nach geschehener Rechnung anzufahen / biss auffs volgend Retardat kauffen wird / der sol frey gewehrt werden / Vnd der Gegenschreiber sol keynem mitler zeit / abschreyben / er beweyse dann mit desSchichtmeisters handtschrifft / das er die Zupus gegeben hab / Schriebe er aber daru^ͤ ber abe / so sol er fu^ͤ r die Zupus stehen.

Der lxxv. Artickel.

Vom vorrecessen der Zechen / vnd seiner straffe.

ES so^ͤ llen alle vnd itzliche Zechen / hynfuro alle Quartal / durch die Schichtmeister vnd Vorsteher derselben / wie vor alders gebreuchlich / vorrechent vnd vorrecest werden / Wo aber eine oder mehr zechen / zwey Quartal nach einander nicht vorrecest wu^ͤ rden / so sol vns der Schichtmeister / oder  Vorsteher / oder welcher Gewergk sich der zechen / oder teil anmassen wo^ͤ lde / von dem ersten Quartal zehen gu^ͤ lden / vnnd von dem andern zwentzigk gu^ͤ lden / ohne alle behelffe vnd vorzugk zur straffe / erlegen / vnd darmit derselben  zechen / alter vnd gerechtigkeit erhalten / Wenn aber eine zeche inn dreyen Quartalen / nicht vorrechent noch vorrecest wu^ͤ rde / so sol die ohn alle mittel / inn vnser freyes gefallen sein / vnd ihr alter vnd gerechtigkeit verloren haben / Die auch dem ersten Muther so derselben begert / vermo^ͤ ge Vnserer Ordnung sol  vorliehen werden / Vnd was also / von so^ͤ lchen vnd anderen busen einkohmen / die so^ͤ llen nach Vnserm / vnd Vnsers Hauptmans bedencken / zu notturfft des Bergkwercks angelegt werden.

Der lxxvi. Artickel.

Ob genge in die teuff zusamen / vnd einander in die vierung / fielen.

OB sichs begebe / das andere entblo^ͤ ste genge / von eynem haubtgang / oder vorliehenen Massen / am tage / ferne gnugk / vnd ausserhalb der Vierung / von einander weren / vnd doch inn der teuff zusammen / vnd einander inn die Vierung fielen / daraus gezanck entstu^ͤ nde / Do sol Bergkmeister sampt den 

Geschwornen / vnnd so es von no^ͤ ten / mit anderen vnuordechtigen /  Bergkuorstendigen / die gebrechen zubesichtigen / darzu fahren / [vnd nach  ihrem vorstande die Ju^ͤ ngeren vnd Eldisten]² nach bergkleufftigem brauch / zu weichen / weisen / des sich auch itzlichs teyl also halten sol / damit vnnu^ͤ tz  gezengk / vnd hinderung des bergkwercks / vormyden werde.

Wu^ͤ rde aber eynich teyl / an des Bergkmeisters / Geschwornen vnd Bergkleut / weysung / beschwerung tragen / sich daruon ans Recht beruffen / das sol ihnen / durch Vnsern Hauptman / auff gnugsame vorbu^ͤ rgung des peenfals / als zwentzigk Margk Silbers / gestattet vnd zugelassen werden / Vnd wo derselbig teyl / der sachen im Rechten vorlustig erkandt / sol er vns / bemelten peenfal / ohn alle gnade erlegen.

Wir Ordenen auch hiemit / vmb vormeydung zangk vnd hader / das keiner / mit einem angenohmenen gang / auff anderen gengen / Vierung erlangen sol / sondern ein ieder so Vierung / auff andern zuhaben vormeint / sol mit seinem  belehenten gange / wie gebu^ͤ rlich kohmen / vnd alsdann sein gerechtigkeit vnd Vierung erlangen.

Der lxxvij. Artickel.

Von Kohmer / vnd vorbot / zu Ertz / vnd andrem.

WVrde in solchen zwispeldigen sachen / das befu^ͤ gte teyl / kohmer oder vorbot zum Ertz / beim Bergkmeister suchen / alsdann sol er sich / mit den  Geschwornen / vnd obs die notturfft erfordert / durch die Geschworne Marscheyder / auffs vleissigst erkunden / Ob der Kohmer zugestatten sey oder nit / Wann nun derselbe Kohmer zugelassen wirdet / sol ihn der Bergkmeister / inns Bergkbuch vorleyben lassen / fu^ͤ rder / dem Zehender / nicht mehr / dann Bergk vnd Hu^ͤ ttenkost / von dem geko^ͤ hmerten Erzt vnd Silber heraus zugeben / beuehl thuen / vnd das vbrige / vnuorruckt / biss zu austrage der sachen / inn Vnserm Zehenden / vorwahrt zubehalden.

Vnd ob ein teyl dem andern inn seiner Massen vor dem Kohmer vnd  vorbot / Ertz enthawet / ob gleich die sache / volgent rechtlich entschieden wird / so sol doch dasselbe Ertz / so vor dem vorbot gehawen / vnd vber die hengbanck bracht ist / dem bleyben / der es gehawen hat.

Inn allen Bergksachen vnd vom Bergkwerck fliessend / was sich des  ausserhalb geordentes Rechtens begibt / darinne Kohmer vorbot / oder gebot zu thuen / not sein will / sol alles / bey vnserm Bergkmeister gesucht / erlanget / vnd gethan werden / wie von alter gewonheit herkohmen ist.

Der lxxviij. Artickel.

Wo man entschiedt irriger Bergksachen / suchen sol.

ALs wie auch / Vnseren lieben getrewen / Richter vnd Rath / der Freyen Bergkstadt Sanct Joachimsthal / vnser Bergkgericht beuolhen / Ordenen vnd  setzen wir / das alle gebrechen in Bergksachen / was sich dero hinfu^ͤ rder begeben / zum ersten an Vnsern Bergkmeister so^ͤ llen gelangen / Wo er aber die selber nicht entscheyden kann / sol er sampt vnserm Hauptman vleissigen / die partten gu^ͤ tlich zuuoreynigen / vnd do die gu^ͤ te nicht zu treffen / sie mit beiderseits willen / zu rechtlichem austrag vorfassen / Wo aber den partten mehr geliebet / die  sache vor geordentem dinglichem gericht / auszutragen / alsdann sol die sache an obgemeldt vnser Bergkgericht / Richter vnd Schepffen / der Freyen Bergkstadt Sanct Joachimsthal / geweist werden / die den parteien Citacion / vnd alles / was sich / nach Bergkrecht / aygenet / so^ͤ llen widerfaren vnd geschehen lassen / wie dann inn volgendem Process / klerlich ausgedruckt ist.

Der lxxix. Artickel.

Tagleistung / so^ͤllen ohne erlaubnus / nicht gestatt werden.

NAchdem auch / mit vnnu^ͤ tzer Tagleistung / zwischen Parteyen / viel schadens ergangen / Ordenen vnd setzen wir / das hinfu^ͤ rder / kein Gewergkschafft / Bergksachen halben / eyniche Tagleistung / on Vnsers Hauptmans oder Bergkmeisters willen / vben so^ͤ llen / Sondern / so sich gezencke begeben / die so^ͤ llen an Vnsere obgemelte Amptleute gelangen / vnd da sie die / gu^ͤ tlich nicht ko^ͤ nnen entscheyden / dieselben so^ͤ llen obuorleibter vnd nachuolgender weise rechtlich geo^ͤ rtert werden.

Der lxxx. Artickel.

Was / vnd wie / der Bergkmeister / zupüssen hat / vnd wie er die pussen / berechnen sol.

VNser Bergkmeister / sol alle sachen / zum Bergkwerck geho^ͤ rendt / von Vnsert wegen / zustraffen vnd zu pu^ͤ ssen macht haben / was vormals nach  herkomen vnd ausweisung der Bergkrecht / andere Bergkmeistere / zustraffen macht gehabt / Doch sol der Bergkmeister / solche pussen vnd straffen / mit rath vnd willen Vnsers Hauptmans / entricht nehmen / Vnd was daruon gefellet / Vns ierlich berechnen vnd entrichten / die alsdann / zu notturfft des Bergkwercks / so^ͤ llen angelegt werden.

Der lxxxi. Artickel.

Die gerichte alhier / mo^ͤgen die frehfeler / ins Bergkmeisters gerichte / antasten.

OB sich auch / sachen vnd zwitracht begeben / die dem Bergkmeister /  zustraffen / wie oben vormeldet / zustehen / Vnd ob die thate / gleich an den  enden geschehe / do allein dem Bergkmeister / von Vnsert wegen / die Gerichte vnd antastung zustehen / dennoch sollen die Gerichtshalder / der freyen Bergkstadt Sanct Joachimsthal / vmb mehr friedes vnd gehorsams willen / macht haben / an den selben enden / frehueler vnd vbeltheter / anzutasten / die in ihre verwahrung zubringen / So aber dieselben sachen so^ͤ llen gerechtfertiget oder abgetragen werden / sol der Bergkmeister / wie vor berurt / die rechtfertigung oder den  abtragk / von vnsert wegen / thuen vnd annehmen.

Der lxxxij. Artickel.

Das auffn Zechen / vnd andern o^ͤrtern / dem Bergkwerg  zustendig freyheit sey.

VNd dieweil / nach altem herkohmen vnd vermo^ͤ ge der Bergkrecht / auffn

Zechen / inn Gruben / auffn Hallen / inn Bergkschmidten / vnd andern o^ͤ rtern /  dem Bergkwerck zustendig / freyheit ist / So wo^ͤ llen Wir / zusterckung derselben freyheit / meniglich trewlich vorwarnet haben / das sich keyner / bemelte freyheit / fu^ͤ rsetzlich / oder aus vorgessenheit / weder mit worten / nach mit der that /  zubrechen vnderstehe / Welcher aber das vbergangen befunden / den wo^ͤ llen Wir / an leib vnd gut / vnd nach gro^ͤ se vnd gelegenheit der vbertrettung / mit der scherffe straffen lassen.

Hiemit wo^ͤ llen Wir auch / Steygern / Schichtmeistern / vnnd Bergkarbeitern / ernstlich geboten haben / bey vormeydung Vnser vngnade / dass sie von stundan / dieselben vbertretter / es geschehe die vbertrettung / mit worten / schelden / schenden / schmehen / Gottes lestern / oder wircklich / zugefengknus  brengen wo^ͤ llen / auff das Wir / oder Vnsere Amptleute / von Vnsert wegen /  gebu^ͤ rliche straffe / an ihnen mu^ͤ gen bekohmen / Wu^ͤ rde auch einer / oder mehr / so^ͤ lches vorschweygen / oder angeruffen / nicht zugreiffen / Der / oder dieselben / so^ͤ llen gleicher straff / der vbertrettung / gewertig sein.

Der lxxxiij. Artickel.

Todtschleger so^ͤllen des Thals ewigk vorweist sein.

SO einer in der Freyen Bergkstadt Sanct Joachimsthal / oder auff den  zugeho^ͤ renden gepirgen / ohne notwehre / einen Todtschlagk thut / dem sol Sanct Joachimsthal / vnd das Bergkwerg / ob auch die sache gleich vertragen wird / ewig verboten sein.

Der lxxxiiij. Artickel.

Ob Arbeiter / an der Gewergken arbeit / schaden nehmen.

VNd so ein Arbeiter / in der Gruben / oder an anderer / der Gewergken  arbeit / an glidmassen / arm / oder beyn brechen / oder der gleichen vehllen / schaden niemmet / So sol demselben / von der Zechen / ob die fu^ͤ ndigk were / acht wochen das lohn / vnd das Arztgelt volgen / Aber auff anderen Zechen / die do nicht fu^ͤ ndig / sondern mit zupus gebawet werden / die so^ͤ llen dem Arbeiter vier wochen sein lohn / vnd das Artzgelt entrichten.

Der lxxxv. Artickel.

Von den vorlegnen Kawen / vnd Zechenheusern /  auch von Schawstuffen nicht zunehmen.

DEmnach / die Kawen vnd Hewser auff den Zechen / so ein halb Jar lang / inn Vnserm freyen gelegen / nach altem gebrauch / dem Bergkmeister heymgefallen vnd zustendigk sein so^ͤ llen / So wo^ͤ llen Wir / das sich der Bergkmeister  bemelter Kawen vnd Heuser / vnd was der gebeude mehr seind / zu notturfft des Bergkwerks gebaut / vor obberurter zeit / die zuuorkauffen / zuuorgeben / oder zuuorwenden / enthalten sol / Auch wo er die nach vorlauffnem halben Jahre /  vorandern / verkauffen / oder vorgeben wo^ͤ lde / sol er die / in keinen andern  gebrauch / den widerumb zunutz vnd notturfft des Bergkwercks / kohmen lassen.

Es sol auch der Bergkmeister / keins wegs gestatten / die Zechenheuser / zuuorpfenden oder zuuorsetzen.

Wir wo^ͤ llen auch hiermit / dem itzigen vnd nachkohmenden Bergkmeistern / eyniche Schawstuffen oder Ertz / von Zechen zunehmen / ernstlich verboten haben.

Der lxxxvi. Artickel.

Keiner / sol ohne erlaubnus / dem andern / in seine Zeche fahren.

ES sol auch hinfort / keiner / der kein Gewergk ist / dem andern / in seine Zeche fahren / weder bey tage noch nacht / er habe den des Bergkmeisters  erlaubnus / oder geschehe inn beysein eines Geschwornen / oder ye auffs wenigst / mit willen eines Vorstehers / derselben Zeche.

Der lxxxvij. Artickel.

Wie man sich in aufflauften / fewers vnd anderer sachen / halten sol.

WO sich ein aufflauff / feuers / vnd anderer sachen halb / do Gott fu^ͤ r sey / begebe / do sol sich niemands vnziemlichs gmu^ͤ rmels / scheltens / oder  geschreyes / dadurch eynicher vnwille / wider yemand / oder empo^ͤ rung / erwackt mo^ͤ cht werden / vornehmen oder ho^ͤ ren lassen / sondern ein ieder / allein / den schaden / so vor augen / zuuorkohmen / behu^ͤ lfflich sein / vnd des orts vnd thuens / do er zu geordent ist / abwartten / So aber iemands hierwider etwas fu^ͤ rnehmen / vnd darinnen befunden wu^ͤ rde / der selb sol am leib / oder sunst nach schwere der vorbrechung / herttiglich gestrafft werden.

Der lxxxviij. Artickel.

In aufflaufften vnd vorsamlungen sol man keinen widerwillen ehfern.

SO iemands / mit dem andernn / zuthun / oder widerwillen vnnd 

beschwernus hette / der sol inn zeit der Aufflaufft / oder inn anderen notsachen / vnd wann sonsten vorsamlung seind / desselben / weder wenig / noch viel ehfern / auffrucken oder gedencken / sondern sonst zu bequehmer zeit / bey dem Hauptman oder Burgermeister / Rath oder Richter / derhalben anregen / do sol ihme / die billigkeit mit getheilt werden / Wo es aber bey ihnen daran erwu^ͤ nde / sol mans an vns lassen gelangen / Wo^ͤ llen wir eim iedern / die billigkeit vorfu^ͤ gen / Vnd so iemands inn Aufflaufften vnd vorsamlungen hierwider thuen / vnd das volck inn ihren nottu^ͤ rfftigen beginnen / hindern / vnd abwendigk machen / oder  sonsten vnrath stifften / oder erwecken wu^ͤ rde / der sol dardurch / seiner  zuspru^ͤ che / vorlustig sein / vnd fu^ͤ rder damit nicht geho^ͤ ret / auch darzu / mit ernst gestrafft / werden.

Der lxxxix. Artickel.

Wie sich die Eldisten / vnd Jüngsten der Knapschafft / auch andere / halten so^ͤllen.

AVff das aber obberurte vnzimliche Mu^ͤ rmelung / Meuterey / Empo^ͤ rung / vnd andere bo^ͤ se thaten / souiel mu^ͤ glich vorbleyben / oder ye dester ehir erfaren werden mo^ͤ chten / So so^ͤ llen die Eldisten der Knapschafft / die auff Vnser nachlassung / zu solchem Ampt erwelet / zu ieder zeit / neben anderm ihrem beuehl / gute achtung geben / ob sich irgent oberzelte / oder andere bo^ͤ se thaten / oder vnbillich fu^ͤ rnehmen / mo^ͤ chten ereugnen / Vns / vnd Vnsern Amptleuten /  dasselb / vnseumlich anzuzeigen / vnd nach ihrem ho^ͤ chsten vermu^ͤ gen zuuorkohmen / Desgleichen so^ͤ llen sich / die zugeordenten Ju^ͤ ngsten der Knapschafft / vnd sonsten alle andere gesessene vnd vngesessene auch vorhalten / bey  vormeydung / ernster vnd schwerer straffe.

Der xc. Artickel.

Alle vnbesessene / so^ͤllen Vns / Eydespflicht thuen.

DJeweil auch die vngesessenen / etwan viel vnfugs / mutwillens / vnd frehuels geu^ͤ bet / Daraus allerley nachtheil vnd beschwerung seind erwachssen / So so^ͤ llen / zu weiter verhu^ͤ ttung desselben / hinfort alle vnbesessene / sie seien beweibet oder vnbeweibet / bergk oder andere arbeiter / vnd handtwergks gesellen / keinen ausgeschlossen / so lang sie ihren enthalt alhie haben / Vns / Vnseren Jungen Vetteren / vnd Amptleuten / getrew vnd gehorsam zusein / Eydespflicht thuen / Wann sie sich aber / von hinnen begeben / so^ͤ llen sie derselben erledigt sein / Welcher aber wider anher ko^ͤ hme / der sol auch / auffs new voreydigt  werden.

Der xci. Artickel.

Von den Krentzlern vnd ihrem befehl.

ZV fu^ͤ rderung gemeyner Bergkleute / die Bergktheyl alhier kauffen / oder verkauffen wo^ͤ llen / So^ͤ llen zwene Krentzler / alhier verordent / durch Vnsern Hauptman auffgenohmen / bestettiget vnd voreydet werden / die so^ͤ llen sich /  gegen kauffern vnd vorkauffern / erbar aufrichtig vnd inn alle wege / vnuordechtig halten / was die gemeyne keuffe / ieder zeit seind / einem iedern / der es bey ihnen suchet / anzeygen / Wo ihnen auch / Kuckes / vmb eine benante Summa geldes / zuuorkauffen oder kauffen / beuolhen / dem so^ͤ llen sie / getrewlich nachsetzen / keinen vorteyl / list / noch betrugk / gebrauchen / sich gegen frembden  vnd einwohnern / vnuorweisslich halten / Wo ihnen auch / Kuckes zuuorkauffen / oder zukauffen / angeboten / so^ͤ llen sie / alle wege den ienigen / der sie am  ersten angesucht hat / fo^ͤ rdern.

Vnd so^ͤ llen fu^ͤ r ihre mu^ͤ he / inn kauffen vnd vorkauffen / anderst nichts / dann was ihnen ein ieder / nach gelegenheyt / aus gutwilligkeit / zu tranckgelt giebet / oder schencket / gewerttig sein.

Wu^ͤ rde auch eyniger Krentzler / inn seinem dinst / vorteyl / gefahre oder betriegk vben / der sol gebu^ͤ rliche straff / darumb gewartten.

Von den Erbsto^ͤllen.

Der xcij. Artickel.

Von der Erbsto^ͤllen gerechtigkeit / vnd Erbteuffe.

VNd als sich biss anher / viel irthumb / der Sto^ͤ llen halben begeben /  welches wir / so viel mu^ͤ glich hinfort zuuorkohmen geneigt seind / Wo^ͤ llen Wir / das ein itzlicher Erbstolle / vnd andere Sto^ͤ llen / was inn dieser nachuolgenden / Vnserer Ordnung / nicht vorendert wird / sein gerechtigkeit haben vnd behalden / auch gebawet werden sol / wie gemeyne Bergkrecht / vnd alte herkohmen vbunge / das geben vnd ausweisen.

Nemlich wo ein Erbstolln / mit seiner Erbteuffe / als Zehendhalb Lachter vom rahsen / seyger gerade / nieder / auch mit seiner gebu^ͤ rlichen Wasserseyge / inn eine zeche ko^ͤ mpt / vber die Erbschechte / oder an das ort / do Ertz bricht / 

erschlecht / derselben Zechen wasser benimbt / vnd wetter brengt / dem sol das Neunde / vnd durch welche zeche / der Erbstolln fehret / dieweil er mit dem Stollort inn den Massen ist / der vierdte pfenning / gegeben werden.

Der xciij. Artickel.

Wie hoch vnd weit / ein Erbstoln / das Ertz hawen mag.

VNd wo ein Erbstoln / inn Massen ko^ͤ hmet / darinnen er Ertz trifft / So mu^ͤ gen die Sto^ͤ lner / fu^ͤ nff viertel eines lachters / von der wasserseyge / vbersich / biss an die firste / vnd ein halb lachter inn die weite (vierdhalbe Freybergische Ellen / fu^ͤ r ein Lachter gerechent) das Ertz hawen vnd zu sich nehmen.

Der xciiij. Artickel.

Wenn der Stolln Ertz tro^ͤff / vnd hette nicht die Erbteuff.

WVrde aber ein Stolln / inn ein Zeche oder Masse getrieben / vnd tro^ͤ ffe

Ertz / hette doch der Erbteuffe nicht / die ein Erbstollen haben sol / dasselbe Ertz  / sol der massen / darinnen es gebrochen / vnd nicht den Sto^ͤ lnern / zustehen / Doch so^ͤ llen dieselben Massen / wo sie das Ertz zu sich / nehmen wo^ͤ llen / den Sto^ͤ llnern die vnkost / so fern das Ertz gebrochen / zuerstatten schuldig sein.

Der xcv. Artickel.

Von gesprengen in Sto^ͤllen nicht zugestatten.

VNd als auff diesem Bergkwerck / viel vno^ͤ rdentlicher gepeude / wider alt herkohmene bergkleufftige weiss / inn Sto^ͤ llen geschehen / vnd desshalb / viel zwitracht erwachssen seind / Ordnen vnd setzen Wir / das ein itzlicher Erbstolln / mit seiner wasserseyge / nach alt herkohmender Bergkwercks recht / vnd vbung / sol getrieben / vnd eynich gesprenge darinnen zumachen / nicht gestattet werden / Es begebe sich dann / das kemme oder vehsten fu^ͤ rfielen / also das der Stolln / aus nottu^ͤ rfftigen vrsachen / mu^ͤ ste erhoben werden / welches dennoch / ohne  besichtigung vnd zulassung dess Bergkmeisters nicht geschehen sol.

Vnd wo eine Zeche / wassers oder wetters halben eins Stollns bedo^ͤ rffte / derselbigen Zeche / mag der Stolln / doch mit zulassung des Bergkmeisters / vnd ohne das nicht / mit dem Stollort / durch gesprenge zu hu^ͤ lffe kohmen / vnd damit in derselben Zechen das Neundte vnd sein Stolln gerechtigkeit erlangen.

Welcher Stolln aber / ohne laube des Bergkmeisters / sein ort / mit  gesprengen inn eine oder mehr Zechen / treiben wird / der sol damit keine  gerechtigkeit erlangen / Wu^ͤ rde aber ein Stolln nach bergkleufftiger weiss / in ein Zech getrieben / dem sol nach alter herkohmender gewonheit vnd Bergkrecht / vnuordert / sein gerechtigkeit / volgen / Vnd was also fu^ͤ r gesprenge den Sto^ͤ lnern / durch den Bergkmeister / aus vrsachen / zugelassen / die sollen ins Bergkbuch vorleibt werden.

Der xcvi. Artickel.

Das kein Sto^ͤlner / sein erste wasserseig / sengken / erheben / oder vorlassen sol.

WElcher Sto^ͤ llner / anfencklich vnd erstlich / in seiner wasserseyg vnter gekrochen / dieselbige ausgezimmert / treckbret daru^ͤ ber geschlagen / vnd sich  also gelagert hat / dem sol keines wegs gestatt werden / dieselbige wasserseig / weder inner noch ausserhalb des Mundlochs zusencken / oder tieffer zuholen / ohne Vnsers Hauptmans vnd Bergkmeisters / zulassung / Wo es aber geschehe / so so^ͤ llen sie es mit ernst straffen / Vnd dieselben Sto^ͤ llner / so^ͤ llen damit / kein gerechtigkeit erlangen / vnd beneben der straff in ihrer ersten wasserseyg /  zubleiben geweist werden / auff das die Sto^ͤ llen / so daru^ͤ ber vnd darunter angefangen / an ihrer Erbteuffe vnd gerechtigkeit / wider die billigkeit / nicht  verkurtzt werden / Dergleichen sol es auch / mit dem vngewonlichen staigern /  vnd erheben der Wasserseigen / so anderen sto^ͤ llen zu nachteil fu^ͤ rgenomen /  gehalten werden.

Der xcvij. Artickel.

Mit was teuffe / ein Stolln / den andern / enterben sol.

VNd als vorzeiten die Zechen alhier / der Sto^ͤ llen halben / sehr beschwerht gewest / auch die Sto^ͤ llen einander selbst ohne gebu^ͤ rliche teuff / enterbt haben / So ordnen Wir / das hinfort / in ieder Stolln / vnter dem andern / sieben lachtern seyger gericht / einkomen sol / Welcher aber / diese teuffe vnter dem andern nicht ein brengt / der sol keinen andern enterben / auch kein Neundes erlangen / Es sol aber doch / wo es ein halb lachter / auff oder abe mangelte / vngefehrlich sein.

Der xcviij. Artickel.

Die Sto^ͤlner / so^ͤllen nicht vbersich brechen / andere Sto^ͤllen /  des Neunden zuenterben.

KEin Erbsto^ͤ lner / sol sich aus eygnem thurst vnderstehen / ausserhalben vnd vber seinen Stolln / ho^ͤ cher vbersich zubrechen / vnd also andere Sto^ͤ llen / wider die billigkeyt des Neundten zuenterben / ohne vorwissen / vnd nachlassung des Bergkmeisters / Ob auch gleich / die zechen darinn es fu^ͤ rgenohmen / nachlassen vnd gestatten wo^ͤ lten.

Tru^ͤ ge sich aber zu / das ein Sto^ͤ lner sein stollort / so ferne getrieben / sein wetter mit vleis gefast / vnd so weit gefu^ͤ hret hett / das er weiter nicht fahren ko^ͤ ndte / vnd die Massen mit ihren gesencken / vbern Stolln auffliessen / oder sonst nicht nieder erschlagen wollten / dem Stoln zuhelffen / So sollen Bergkmeister vnd Geschworne / die gebrechen aller gelegenheit / auffs vleissigst  besichtigen / vnd wo sie mutwillen / oder fu^ͤ rsetzliche hinderung / des Bergkwercks befinden / mu^ͤ gen sie den Sto^ͤ llner / vbersich zu brechen / vnd ihme selbst / wetter zumachen oder zubrengen / gestatten vnd nachlassen.

Der xcix. Artickel.

Den Sto^ͤlln sol von hallen / felsen / vnd affter /  das Neundte / geraicht werden.

DAmit die Sto^ͤ llen / dester statlicher erhalten / sol von dem Silber / so aussn hallen / felssen / affter / schlacken vnd ofenbru^ͤ chen / gemacht / den  ienigen Sto^ͤ llen / denen es gebu^ͤ rt / vnd bey denen es gewonnen / vnd an tagk  gebracht / so fern dieselben Sto^ͤ llen bawhafftig erhalden / das Neunde / vnwegerlich / gefallen vnd gereycht werden / vnd ob gleich dieselben / hallen / felsen c.  verkaufft / oder hinwegk gelassen / oder auch / die Silber im wergk verkaufft wu^ͤ rden / sol nichts desterweniger das Neunde daruon gefallen / Es soll auch der Zehender zu ieder Rechnung / vleissig forschung haben weme das Neunde  gebu^ͤ ret / vnd alsdann / dasselbige / dem Stollen / welchem es gebu^ͤ rt / zuschreiben vnd geben.

Der c. Artickel.

Wenn ein Stolln / das ort / do Ertz bricht / nicht erraicht hat.

WElcher Erbstolln inn ein Zeche ko^ͤ hmet / do er der gantzen Zechen  wasser benimbt / vnd wetter brengt / Ob er gleich das ort do Ertz brichet / mit der wasser seyge nicht erreycht / sol ihme dennoch das Neunde die helffte / gegeben werden / Wenn er aber die wasserseyge / an die o^ͤ rte / do / Ertz bricht / brenget / sol er das Neunde gar haben.

Der c.i. Artickel.

So zway tieffste / in einer Zeche / weren.

WO ein Erbstolln inn eine Zeche ko^ͤ hme / do er der gantzen Zeche / nicht wasser benehme / vnd wetter brechte / Vrsach das zwey tieffste darinnen weren / inn dem eynen / benehme er wasser / inn dem andern nicht / Vnd inn dem  vnerschlagenen breche Ertz / do sol man / ihme / kein Neundes geben / er hab dann / inn denselben Schacht erschlagen / darinn das Ertz bricht / Brauchte aber der fu^ͤ ndige Schacht des Stollns / zu wasser vnd wetter /so sol er auch halb  Neundes geben.

Der c.ij. Artickel.

So man auff Stolo^ͤrttern / aufflest / vnd stuffen geschlagen werden.

VNd ob Gewercken / auff ihren Stollo^ͤ rtern auffliessen / vnd stuffen  geschlagen wu^ͤ rden / so^ͤ llen sie nichts dester weniger / so fern sie das Neunde  haben wo^ͤ llen / ihren Stolln / mit gerinnen / wasserseyge / vnd offenem Mundtloch / allewege inn bewlichem wesen erhalten / vnd alle Quartal / gleich anderen Sto^ͤ llen / vnd Massen / vorrechen vnd vorrecessen / Wann aber derselbige Stolln vorfiele / oder eingienge / also das man aus / vnd ein / oder sonsten darinne nicht fahren ko^ͤ ndte / oder kein wasser zum Mundtloch heraus ginge / oder vermo^ͤ ge Vnserer Ordnung / nicht vorrecest wu^ͤ rde / so sol ihme kein Neundes zuerkandt noch geben werden / sonder Vnser Bergkmeister / sol dene / dem ienigen / der des begert / wie gebu^ͤ rlich / vorleyhen.

Der c.iij. Artickel.

Was Vnser Hauptman / Bergkmeister vnd Geschworne /  vormo^ͤge Vnser ordnung befehlen vnd schaffen /  dem sol gehorsam gelaistet werden.

ALles das ienige / so Vnser Hauptman / Bergkmeister vnd Geschworne / vermo^ͤ ge dieser Vnser Ordnung / vnd nach Bergkleufftigem brauch / mit Schichtmeistern / Steygern / Arbeitern / Gewercken / vnd allen anderen / so inn Bergkwercks sachen / vnd daruon herfliessendt / vor ihnen zuthun haben / vnd zuthun gewinnen / befehlen / schaffen / weisen / gebieten / zu nutz / notturfft vnd fu^ͤ rderung des Bergkwercks / ihnen aufflegen / Darinnen so^ͤ llen sie / ihnen one widerrede / gehorsam laysten / vnd demselben volge thun / vnd sich keins weges / mit spitzigen vnbescheydenen worten / vnnd antwort gegen ihnen einlassen / sondern ein ieder sol vnd mag / seine notturfft vnd zurede / mit bescheydenheit darthuen / Wu^ͤ rde aber das widerspiel befunden / so sol der selb vbertreter / mit ernst / also gestrafft werden / das er Vnsern missfallen daraus vormercken sol.

Do aber iemands vormeinte ihme geschehe / durch bemelte Vnsere Amptleute / vngu^ͤ tlich / oder ihme wu^ͤ rde / wider die billigkeit etwas auffgeleget / der lasse es / mit bescheydenheit / an Vns gelangen / so sol alsdann / gebu^ͤ rlichs  einsehen fu^ͤ rgewandt / vnnd die billigkeit verfu^ͤ gt werden / damit sich niemands / mit guten grund / zubeschweren haben sol.

Das Dritte teil / diser Bergkordnung

Saget von dem Hüttwerck / vnd was dem anhanget /  hat xvi. Artickel.

Der Erste Artickel.

Von den Hüttenherren.

DJe Hu^ͤ ttenherren so^ͤ llen / alle Hu^ͤ tten gepeude / mit den Schmeltzo^ͤ fen / gebless / treybherden / vnd anderen zugeho^ͤ rungen / also anrichten / vnnd halten / das den Gewercken darmit / nu^ͤ tzlich gedienet werde.

Dergleichen so^ͤ llen sie / ihre Hu^ͤ ttenho^ͤ fe / wehr / vnd greben / also befrieden / das den Gewercken an ihren Schlacken / ofenbru^ͤ chen / vnd anderm Vorrath / aus vorwarlossunge / nichts vmbkohme.

Die Hu^ͤ ttenherren / so^ͤ llen sich vleissigen / das sie frome vorstendige /  getrew vnd vleissige diener / als Hu^ͤ ttenschreiber / Hu^ͤ ttenmeister / Schmeltzer / Wechter / vnd andere / inn ihren Hu^ͤ tten haben / darmit Vns / vnd den Gewercken darinnen / getreulich / vnd wol fu^ͤ rgestanden / ihr gut auffs vleissigste gearbeitet /  vnd vorwahret / die diener / an ihrem gesatzten lohn begnu^ͤ gig / niemand vbersatzt / vnd Vnser Ordnung / vleissigk gehalten werde.

Sie so^ͤ llen auch / ohne vorwissen Vnsers Hauptmans vnd Hu^ͤ ttenreiters / nicht an / noch ab gelegt werden / darmit man / der Hu^ͤ ttendiener / geschickligkeyt / alle wege wissens haben / auch die newen diener / inn gebu^ͤ rliche pflicht / nehmen mo^ͤ ge.

Die Hu^ͤ ttenherren / so^ͤ llen kein ofen / in den Hu^ͤ tten / vormieten / noch  einzelich verkauffen / Sie so^ͤ llen auch einander die Ko^ͤ hler / vnd andere Arbeiter / nicht abspenen / auch dieselben mit keinem vorteyl noch geschencke / an sich ziehen / bey vormeydung / Vnserer ernsten straffe.

Sie so^ͤ llen auch vom Kolholtz zuhawen / von einem malder / nicht mehr / dann iiij. w. pfennig geben / vnd das Holtz sol an der lenge / drithalbe Freybergische Elle halten.

Der gleichen sol kein Hu^ͤ ttenherr / seinen Hu^ͤ ttendienern vnd arbeitern / mehr lohnes geben / noch geben lassen / dann inn andern Hu^ͤ tten / gewohnlich ist.

Also so^ͤ llen sie darob sein / das / dass Kohel vnd ander notturfft vnd zusatz / den man in Hu^ͤ tten gebraucht / Dergleichen der Hu^ͤ ttenzins / nicht erho^ͤ het  werde.

Die Hu^ͤ ttenherrn so^ͤ llen sich / ohn Vnser zulassen / in keinen wegk vnderfahen / die Schlacken zu puchen / auffzubereyten vnd zur hu^ͤ tten zuuorarbeiten.

Der Ander Artickel.

Von den Hüttenschreibern.

DJe Hu^ͤ ttenschreiber so^ͤ llen Vns / in ihrem annemen / welches auch mit vorwissen Vnsers Hauptmans vnd Hu^ͤ ttenreiter / geschehen sol / gebu^ͤ rliche pflicht thun / Vns in allewege / vnd den Gewercken / souiel die Hu^ͤ tten arbeit  anlangt / getrew zusein / ob diser vnser Ordnung / mit vleis zuhalten / vnd  gemeyner Gewercken / nutz / inn Hu^ͤ tten zuschaffen / vnd schaden zuwarnen.

Sie so^ͤ llen auch / der Hu^ͤ ttenarbeit / vnd in sonderheit / des probirens guten bericht haben / auff Schmeltzer vnd andere arbeiter / vleissig sehen / damit ein ieder inn seiner arbeit / seinen beuehl / mit getreuem vleis ausrichte / vnd nichts vorlasset noch vervntrewet werde / Vnd was sie vnrichtigs spu^ͤ ren / das so^ͤ llen sie vorkohmen / oder Vnsern Hu^ͤ ttenreitern / zuanderen ansagen / vnd keines wegs vorschweigen.

Wer eygen Hu^ͤ tten / oder theyl an hu^ͤ tten hat / der sol inn seiner eygen / noch andern Hu^ͤ tten / zu keynem Hu^ͤ ttenschreyber gebraucht / noch geduldet werden.

Die Hu^ͤ ttenschreiber / so^ͤ llen an ihren gesatzten lohn / begnu^ͤ gig sein /  daru^ͤ ber niemands beschweren / von den Hu^ͤ tten nutzungen / vnd von den  Gewercken / so darinnen schmeltzen / keynen geniess haben noch gewartten.

Sie sollen auch nicht Schichtmeister mit sein / sondern sich an ihrem Hu^ͤ ttenschreiber lohn allein / begnu^ͤ gen lassen.

Die Hu^ͤ ttenschreyber / so^ͤ llen darob sein / das die Hu^ͤ tten allewege / mit Kohlen / Bley / Schlacken / Stein / Flo^ͤ ssen / vnd anderen zusetzen / geschickt sein / damit die Gewercken / vnd deren Vorsteher / solches zur notturfft / allewege bekohmen mu^ͤ gen / denen sie auch solche stu^ͤ cke / auffs nechste / ohne  auffsatz lassen so^ͤ llen.

Ein ieder Hu^ͤ ttenschreiber / sol alle mal bey dem schmeltzen / sonderlich aber beim anlassen sein / Vnd alle ausgu^ͤ sse vnd vorsuch schichten selbs probiren / auff das die Schmeltzer ihrer o^ͤ fen vnd arbeit warten mu^ͤ gen / Vnd so man Schicht machet / mit vleis zusehen / damit alle zeit / getrewlich vnd wol gehandelt werde.

Es sol auch ein ieder Hu^ͤ ttenschreyber / alles bley / das er von Bleyhendler / oder ihrem Factor annimmet / vnd ein iede post sonderlich / in der wage so darzu bestalt vnd angericht ist / durch den verordenten Wagmeister / gewegen / vnd mit des Radts zeychen vormargkt / alles inn personlicher gegenwart / Vnd gar keynes vngewegen / vnd ohne des Raths zeychen / annehmen / dasselb fu^ͤ rder / den Schichtmeistern / nach rechtem gewicht / zustellen / vnd von eim Zentner / ein klein pfenning zuwegen geben.

Die Hu^ͤ ttenschreiber so^ͤ llen inn sonderheit / mit probiren der wergk alle stich vnd schichten vleis thuen / vnd nicht so reichlich / sondern auffs genawest vnd scherffste probiren / darmit vnuordechtig / vnd den Gewergken nicht  zuschaden gehandelt werde.

Sie so^ͤ llen auch darob sein / das die wage / vnd gewichte / inn Hu^ͤ tten / sonderlich / wenn man der gebrauchen will / rechtschaffen / auch sauber vnd reyn seind / vnd das die Schmeltzer vnd Fu^ͤ rlauffer / das wergk mit allem vleis wegen.

Die Hu^ͤ ttenschreiber / so^ͤ llen auch / auff ein iede wochen / alle Silber / so inn ihren Hu^ͤ tten gemacht werden / mit nottu^ͤ rfftigen bericht / wie viel / vnd von was Zechen die gemacht / durch ihre handschrifften / im Zehenden angeben.

Dergleichen so^ͤ llen sie / alle Silber / so im wergk verkaufft werden / mit anzeyge / wie viel das wergk gewegen / wie viel Silbers darinnen / vnd von was Zechen / Hallen / Weschwergk / oder waruon es gemacht ist / Vnsern

Hu^ͤ ttenreitern eygentlich berichten.

Vnd sol durch Vnsere darzu verordente / ohne des Hu^ͤ ttenschreibers  handschrifft / niemand / eynich kauffsilber probirt noch bezalt werden.

Vnd so^ͤ llen also / alle Silber / die im wergk verkaufft / niemand anderst / dann Vns / vnd Vnseren darzu verordenten / zubracht / vnd verkaufft werden.

Die Hu^ͤ ttenschreiber / so^ͤ llen keinem Schichtmeister / die Hu^ͤ ttenkost / vber vier wochen / borgen / Welcher aber eynem oder mehr Schichtmeister die Hu^ͤ ttenkost daru^ͤ ber borgen / vnd Vnsern Hu^ͤ ttenreitern nicht ansagen wu^ͤ rd / dem sol zu solcher schulde nicht geholffen werden.

Sie sollen auch / auffmercken / das man nicht grosse / vnnottu^ͤ rfftige Hu^ͤ ttenkost / mache.

So ein Gewergkschafft / oder die / so eygene Lehen bawhen / oder ein Wescher / [Schmeltzer]³ / sollen die Hu^ͤ ttenschreiber / ihre Hu^ͤ ttenzetteln / lauter vnd klar machen / Nemlich die Zeche / daruon geschmeltzet / des Schmeltzers namen / wie viel Schichten / mit wie viel o^ͤ fen / gearbeitet / der Fu^ͤ rlauffer /  Gestu^ͤ bmacher / wechterlohn / den zusatz / mit rechtem gewicht / Jtem wie viel Bley fu^ͤ rgeschlagen / vnd wergk ausbracht / was es an Silber / Margk vnd Loth / halte / wie viel scheuben wergks / alle Schichten vnd ausgu^ͤ sse ausbracht / aufs vleissigste anzeigen / dieselb hu^ͤ ttenzetteln sollen den Schichtmeistern der  Zechen / die [geschmeltz]⁴ / vbergeben / vnd von ihnen im wo^ͤ chentlichen  anschnidt / vnd volgend inn die Quartalrechnung fu^ͤ rgelegt werden.

Die Hu^ͤ ttenschreiber so^ͤ llen auch / die Ertz / Schlich / vnnd greuplein / sonderlich der ienigen / so erst zuschmeltzen anfahen / vnd der so eygene Lehen / gekauffte hallen / oder felsen haben / allewege vorm schmeltzen eygentlich  probiren / Vnd ob sie vordacht daraus spu^ͤ reten / solches den Hu^ͤ ttenreitern anzeigen / der sich als dann darumb eygentlich erkunden sol.

Vnd wie wo^ͤ chenlich alle Hu^ͤ ttenkoste inn vorzeichnus bracht werden /  darauff so^ͤ llen die Hu^ͤ ttenschreiber / einem ieden Hu^ͤ ttenarbeiter / eygener person / sein lohn geben / vnd nichts abbrechen.

Sie so^ͤ llen auch mit dem gelde / so allemal aus dem Zehenden / gegeben wirdet / lohnen.

Darzu so^ͤ llen sie hinfort / das ienige / so Schichtmeister vnd Steyger / in den Hu^ͤ tten / vberm schmeltzen / vorzeren / in die Hu^ͤ ttenkoste nicht brengen.

Der Dritte Artickel.

Von den Hüttenmeistern / Schmeltzern / vnd  anderen Hüttenarbeitern.

HUttenmeistere / Schmeltzer / Fu^ͤ rlauffer / Gestu^ͤ bmacher / Wechter / vnd alle andere Hu^ͤ ttenarbeiter / so^ͤ llen mit vorwissen Vnsers Hauptmans vnd Hu^ͤ ttenreiters angenohmen ins Ampt bracht / doselbst gebu^ͤ rliche pflicht thun / Vns inn allewege vnd den Gewergken / souiel ihr arbeit betrifft / getrew vnd  gewerttig zusein / ihrer arbeit getreulich vnd vleissig vorzustehen / sich an ihrem gemachten lohn / begnu^ͤ gen lassen / vnd dise Ordnung / souiel sie die betriefft halten / Weder den Hu^ͤ ttenherren noch Gewergken / viel noch wenig wider die billigkeit / zu / noch abwenden / sondern einem iedern was ihm gebu^ͤ ret / zu nutz arbeiten.

Vnd die Hu^ͤ ttenmeister / so^ͤ llen weder an dem Hu^ͤ ttwerg / darinnen sie  arbeiten / noch an andern / keinen theil haben / noch nutzes gewarten / anders dann / was ihr lohn belanget.

Die Hu^ͤ ttenmeister / so^ͤ llen auff alle Hu^ͤ ttenarbeiter / vleissig achtung  geben / damit ein ieder seine beuolhene arbeit / getreulich vnd mit vleis ausrichte / Jnsonderheit aber so^ͤ llen sie auffmercken / das die Schmeltzer die o^ͤ fen mit vleis zumachen / die herde vnd spu^ͤ r wol stossen vnd abwermen / die forme rechtschaffen legen / das gebless gleich fu^ͤ ren / den Gewercken treulich / vnd mit vleis  zuarbeiten / anhalten vnd vnderweisen.

Es so^ͤ llen auch alle Hu^ͤ ttenarbeiter / dem Hu^ͤ ttenmeister gefolgig vnd  gehorsam sein / Vnd ob etwan / ein Schmeltzer bessern bescheydt inn der arbeit wu^ͤ ste / dann der Meister selbs / so sol er dem Meister zugefallen der Gewercken nutz zuschaffen / inn keinen wegk vnderlassen / sondern das beste fu^ͤ rwenden.

Der Hu^ͤ ttenmeister vnd Schmeltzer geitz abzuwenden / vnd darmit arme geschickte Schmeltzer vnd arbeiter auch gefu^ͤ rdert werden mu^ͤ gen / Sol hinfu^ͤ rder keinem vnter ihnen / den Hu^ͤ ttenmeistern vnd Schmeltzern / mehr dann mit  eynem zwifachen ofen zuarbeiten / auch nur einen / vnd nicht mehr gemitte  iungen zuhaben / gestattet sein / darauff Hu^ͤ ttenreiter vnnd Hu^ͤ ttenschreiber  zusehen / Vnd wo sie das widerspiel / finden / abzuschaffen vnd zustraffen haben so^ͤ llen.

Es so^ͤ llen auch Hu^ͤ ttenmeister vnd Schmeltzer / an der Fu^ͤ rlauffer vnd anderer Hu^ͤ ttenarbeiter lohn / gantz keinen geniss oder vorteyl / wie zuerdencken /  haben / sondern eynem iedern sein gebu^ͤ rend vordient lohn / wie ihme das / nach der Schicht / oder ofen zustehet / vnd geschrieben ist ohne vorminderung volgen lassen.

Wir vorbieten bey vormeydung schwerer straff / das kein Hu^ͤ ttenschreiber / Meister / Schmeltzer / oder andere Hu^ͤ ttenarbeiter / bey den Weschern eynigen teyl / viel noch wenigk / o^ͤ ffentlich oder verborgener weiss / haben sol.

Welcher auch inn einer Zeche / daruon man Ertz / Schlich / oder anders / inn die Hu^ͤ tten / darinnen er stehet / zuarbeiten brenget / eine halbe Schicht oder daru^ͤ ber hette / derselbe sol solch Ertz vnd Schlich / vmb vordachts willen / nicht selbs arbeiten / sondern solches andere vnuordechtige thun lassen.

Ein ieder Schmeltzer / sol seiner Gewercken (denen er schmeltzet) Schlacken vnd Ofenbru^ͤ che besonders zu hauffn / auff einen ort lauffen vnd stu^ͤ rtzen / gut acht haben / das die nicht vorwechsselt / noch entwendet werden.

Die Schmeltzer so^ͤ llen auch alles Bley / das sie dem Ertz / im schmeltzen fu^ͤ rschlagen / zuuorn auff Stu^ͤ cke hawen lassen / vnnd nicht im herde lassen zergehn / Es wu^ͤ rde dann sehr reich Ertz / gearbeitet.

Ein ieder Schmeltzer / der Ertz arbeiten will / sol allewege / zuuor / vnd ehe dann er Ertz setzet / Zum wenigsten / zwene schlacken stich thun / vnd damit den rohen Stein / vngefehrlich / auff ein Centner / oder zwene / so viel von no^ͤ ten / hindurch gehen lassen.

Sie so^ͤ llen auch nicht ein gantz fesslein Ertz / inn ein fu^ͤ rgeschlagen Bley stechen / ob auch gleich ein fesslein Ertz / vber eine / oder zwo Margk Silbers nicht gebe / vnd der Schmeltzer befu^ͤ nde / das das ausgiessen zu halber schicht / zutreglich were / der sols bey seynen pflichten / nicht vnderlassen.

Vnd hierauff / so^ͤ llen Hu^ͤ ttenreitter vnnd Meister / obs die Schichtmeister nicht vorstu^ͤ nden / gut achtung geben.

Wir wo^ͤ llen bey vormeydung schwerer straff / den Schmeltzern geboten haben / das keiner sich vnderstehen sol / mit einem zu machen / auff einem  gestu^ͤ be / zweyen Gewergkschafften / oder den Gewergken / eyne Schicht / vnd von der Hu^ͤ tten / die andere Schicht / zuarbeiten.

Hiermit vorbieten Wir ihnen auch / zwo schlacken schicht / auff eynem gestu^ͤ be / nach einander zuarbeiten / Aber wenn man schlacken arbeitet / sol man acht stund setzen.

Der Vierdte Artickel.

Von den Abtreybern / vnd ihrem beuehl.

VNser Hauptman / sol zu ieder zeit / vorstendige / frome vnd getrewe  leute / souiel man deren / zu notturfft gemeynes Bergkwercks zum Abtreyben bedarff / annehmen / bestettigen / vnd voreyden / Vns inn allewege / vnd den  Gewercken / zu ihrer arbeit / getrew vnd gewertig zusein / ihrer arbeit des  Abtreybens mit vleis fu^ͤ r zusein / sich an ihr gemachten besoldung / begnu^ͤ gen  zulassen / vnd keines andern nutzs noch zugangs daruon / wie zuerdencken /  zugewarten / vnd dieser Ordenung / souiel dieselb sie betrifft zugeleben.

Die Abtreyber so^ͤ llen / ihre herde / mit allem gebu^ͤ renden vleis vnd guter fursichtigkeit / machen / auch sich mit getrewen vnd vorstendigen Schu^ͤ rern oder helfferknechten vorsehen / die wergk mit der fu^ͤ rsichtigkeit treyben / darmit durch ihren vnuorstandt oder vnfleis / durch auffstehen des herdes / oder andern zufals / den Gewergken an ihren Silbern / kein nachteil oder schaden zugefu^ͤ gt werde.

Vnd ob es ausfu^ͤ ndig gemacht / das durch eins Abtreybers vnuorstandt / vnuorsichtigkeit / vnfleis oder nachlassigkeit / den Gewercken schaden zugefu^ͤ gt / der sol zum abtrage / den Gewercken auff ihr ansuchen zuthuen / geweist / vnd darzu ernstlich gestrafft werden.

Die Abtreyber / so^ͤ llen ihre sachen / mit allem mu^ͤ glichen vleis dahin  richten / das sie bey tage zutreyben / anlassen / Vnd die Silber bey tage bligken / do es aber die notturfft anderst erforderte / so^ͤ llen sie zwo oder drey stunden vor tage / mit der Hu^ͤ ttenreiter vorwissen anlassen / das es allewege bey tag blicke.

Es sol auch gar niemands / dann die verordenten Geschworne Abtreyber / sich abtreybens vnderstehen / bey ernster straff.

So es zum abtreyben ko^ͤ hmet / sol der Schichtmeister / dem Zehender ein vorzeichnus brengen / was die wergk / so er treyben wil lassen / am gewicht vnd Silber halten / das sol der Zehender also einschreiben / Vnser gewo^ͤ nlich zeychen auff die zettel drucken / die sol dem Abtreyber zugestelt werden / ohne das sol niemands zutreyben vorstattet werden / Auch den Abtreybern ohne dieselb  vorbetschierte zetteln / anzulassen / bey ernster straffe verboten sein.

Wenn das Treybzeichen erlangt / vnd dem Abtreyber vberantwort ist / so^ͤ llen Schichtmeister vnd Hu^ͤ ttenschreyber / gegenwertig sein / dem Abtreyber das wergk zuwegen / vnd die scheuben zu zelen / vnd so bald auffn herdt brengen lassen / Vnd wann die Silber geblicket / den Bligk inn der Hu^ͤ tten wegen / do sol der Schichtmeister / von dem Hu^ͤ ttenschreyber / des gewichts ein vorzeychnus nehmen / die / neben dem Bligk / dem Zehender selbst antworten / der sol das / auch wegen / vnd also beyde / Zehender vnd Schichtmeister / ferner damit  handeln / wie hieuorn / inn ihren beuehlen vormeldet ist.

Den abstrich vom wergk / sol man den Gewergken / oder denselben  vorstehern / zu ihrem besten zugebrauchen / vnd zugut zumachen / zukohmen lassen.

Es mu^ͤ gen auch dieselben Vorsteher / nach gethanem treyben den herd  auffheben / nach notturfft besichtigen / Vnd was sie an ko^ͤ rnern befinden /  aushawen / vnd zu der Gewercken nutz wenden / nemlich im brennen  eintrencken / Dessgleichen so^ͤ llen sie / glet vnd herdt / ihren Gewercken getreulich auffheben / oder auffs fu^ͤ rderlichst anfrischen lassen.

Den Abtreybern / sol ihr lohn / wie volget / gegeben werden.

Von einem gantzen Treyben / als vngefehrlich auff dreyssigk Zentner wergks / ein gu^ͤ lden neun kleine groschen ein kleinen pfennig.

Von einem halben Treyben / als das vmb zehen Zentner / oder darunter ist / Achtvndzwentzigk klein groschen drey pfenning.

Vnd so^ͤ llen vber einem Treyben / von der Gewergken gelde / vber ij. w. g.

nicht vortrincken.

Der Fünffte Artickel.

Von den Hütten / vnd das inn keinen frembden Hütten /  geschmeltzt werden sol.

DJeweil dises Vnser Bergkwerck Gott lobe / mit viel Schmeltzhu^ͤ tten  versorget ist / Darumb wo^ͤ llen vnd gebieten Wir / das kein Ertz von hinnen  gefuhrt / noch inn keyner andern Hu^ͤ tten / dann inn denen alhier im Thal gelegen vnd darzu geho^ͤ rig / geschmeltzt sol werden.

Der Sechste Artickel.

Von Puchwergken / vnd wenn die Wescher /  darynnen puchen mo^ͤgen.

DJeweil auch gemeyniglich Puchwerck / bey vnd vmb die Hu^ͤ tten seind / so^ͤ llen die Wescher / so sonsten darinnen arbeiten / inn zeit / wenn die Hu^ͤ ttengeste / oder Gewergken ihre felsen oder hallen zupuchen haben / sich der Puchwerck / mit ihrer arbeit enthalten / auch nichts fu^ͤ rfu^ͤ hren / do aber die  Gewergken / oder Hu^ͤ ttengeste / das ihre auffgepucht haben / dann mo^ͤ gen die Wescher / mit ihrer arbeit wider anfahen.

Der Siebende Artickel.

Niemandt sol vom Schmeltzen abgedrungen werden.

WElcher Gewergkschafft oder Zeche / inn eyner Hu^ͤ tten / mit einem oder mehr o^ͤ fen / zuschmeltzen vorstattet wirdet / die so^ͤ llen nicht abgedrungen werden / Sie haben dann / ihr Ertz vnd schlacken zuuor gar auffgeschmeltzt / Vnd wo  eine Zeche / mit zweyen o^ͤ fen schmeltzen wolt / sol ihnen der Hu^ͤ ttenschreyber vnd Meister / dieselben neben einander eingeben / vnd keinen ofen darzwischen arbeiten lassen.

Der Achte Artickel.

Niemands inn eine Hütten zu zwingen / noch  mit liebnus darein zu müssigen.

NJemand sol mit liebnus / vorheischung / fo^ͤ rdernus / oder inn andere  wege / wie zuerdencken / angereitzet / noch gemu^ͤ ssiget / viel weniger mit starckem anhalten / gedrungen werden / in eyniche Hu^ͤ tten zuziehen / auch keiner dem andern seine Hu^ͤ ttengeste / abspenig machen / sondern es sol einer iedern Gewergkschafft / frey stehen ihres gefallens / inn ein Hu^ͤ tten zuziehen / So viel aber das ausziehen betrifft / das sol ohne vorwissen Vnsers Hauptmans / vnd one gnugsame vrsachen / nicht gestatt werden.

Der Neundte Artickel.

Nach Mittage auch bey Nacht / sol man nicht Schmeltzen.

WO nicht die noth / oder sondere wichtige vrsachen vorhanden seind / do sol man keynes wegs / es sey Ertz / Schlich / Schlacken / oder anders / nach  Mittage / oder bey nacht / arbeiten lassen.

Der Zehende Artickel.

Kein Hüttendiener sol vber Nacht aus dem Thal sein.

ES sol gar kein Hu^ͤ ttendiener / es sey Hu^ͤ ttenschreiber / Meister / Schmeltzer / Fu^ͤ rlauffer / Wechter oder andere / ohne sondere erlaubnus der Hu^ͤ ttenreiter / vber nacht aus dem Thal sein.

Der Eylffte Artickel.

Keiner sol dem andern / seine Silber / gekretz  vnd anders / zuschreiben lassen.

WJr wo^ͤ llen meniglich vnd iedern insonderheit / hirmit aus bewegenden guten vrsachen / vorwarnet / auch bey vormeydung schwerer straff / geboten  haben / das keiner einem andern / seine Silber / Gekretze / Weschwerck / Schlich / Felsen / oder Hallen / noch anders / zu eygenem vorteyl vnd zu einem schein zuschreiben / noch anders wohin / den daruon es gemacht / oder kohmen ist / nennen noch deuten sol.

Der Zwelffte Artickel.

Wenn man mit Schmeltzen anlassen sol.

MAn sol alle arbeitende tage / in den Hu^ͤ tten fru^ͤ h vmb viere anrichten vnd vmb fu^ͤ nff hora / mit schmeltzen anlassen / vnd ohne das zumachen / rechte schicht / nemlich / acht stunden halten / Es were dann / das nach achtung der Hu^ͤ ttenreitter / Schichtmeister oder Huttenmeister / gantze schichten zuschmeltzen / dem Ertz schedlich were / so dann mo^ͤ gen die Schmeltzer / mit nachlassung derselben / ehe schicht machen.

Der Xiij. Artickel.

Hüttenarbeit / mit vnd beneben / der Gewergken  arbeit / nicht zuthuen.

ES sol hinfu^ͤ rder / wenn die Gewergken inn Hu^ͤ tten arbeiten vnd schmeltzen lassen / darneben die Hu^ͤ ttenarbeit zuthuen nicht gestatt werden / sondern die sol zu anderer zeit / auch mit einem ofen / so nicht nechst bey der Gewergken ofen stehet / gethan werden.

Der Xiiij. Artickel.

Von Schlagken.

ZWu Schlagkenschichte / auff einem gestu^ͤ be zuarbeiten / seind verboten / Vnd sol nur eine schicht / als acht stunde / gesatzt werden / wie hiroben in der Hu^ͤ ttenmeister beuehl / am ende / bemeldet ist.

Dessgleichen so^ͤ llen die Schlagken / ofenbru^ͤ che vnd anderer vorrath der zechen / auff den Hu^ͤ ttenho^ͤ fen / an ein sonderlich ort / zusammen gestu^ͤ rtzt / vnd vorwart werden / lauts des itz berurten der Hu^ͤ ttenmeisters beuehls.

Es sol auch ein iede Zeche / ihre Schlacken inn der Hu^ͤ tten / darinnen sie gemacht / so offt vnd viel es den Gewergken / nutz ist / zuschmeltzen / herwider zuarbeiten / oder zu zusatz zugebrauchen / vorgu^ͤ nstiget werden.

So aber Schlagken / von Gewergken vorlassen werden / so seind sie / inn Vnser freyes gefallen / Vnd niemand sol der / on Vnsere sondere zulassung /  gebrauchen.

Der Xv. Artickel.

Hüttendiener / mit Vnsers Hauptmans / vnd der Hüttenreiter  wissen / ahn / vnnd abe / zulegen.

ALle Hu^ͤ ttendiener / als Hu^ͤ ttenschreyber / Meister / Schmeltzer / Fu^ͤ rlauffer / Gestu^ͤ bmacher / Wechter vnd andere / so^ͤ llen mit vorwissen Vnsers Hauptmans / vnd der Hu^ͤ ttenreitter / an / vnd abe / gelegt werden / dann es zu  abwendung viel vordachts / vnd zuuorhu^ͤ tung der Gewercken nachteils / innsonderheit not sein wil / des orts frohme / vnd getrewe diener zuhaben.

Der Xvi. Artickel.

Schichtmeister so^ͤllen beim abn / vnd ausslassen des schmeltzens sein.

SO ein Schichtmeister / oder der Zechen Vorsteher / inn einer Hu^ͤ tten /  zuschmeltzen hat / sol er alzeit / vor dem anlassen / selber gegenwertig sein / Vom Hu^ͤ ttenschreiber zu notturfft seiner Gewercken Ertz / Bley / vnd andern  zusatz / wie viel man des / auff dieselbige Schicht bedarff / vnd sonderlich das Bley / gewegen nehmen / mit dem Hu^ͤ ttenschreiber daruon / o^ͤ rdentlich  vorzeichnus machen.

Dessgleichen sollen die Schichtmeister / bey dem auslassen / auch gegenwerttig sein / das wergk probiren lassen vnd wegen / wie viel Bley wider  ausbracht / vnd wie viel das wergk Silber halte / solches alles vorzeychnen / vnd dieselbe vorzeichnus / mit zum anschnidt brengen / Vnd sol allezeit sein wergk vnd Bley / inn einem Kasten / inn der Hu^ͤ tten verschlossen / halten / darzu der Schichtmeister vnd Hu^ͤ ttenschreyber / itzlicher einen schlu^ͤ ssel haben so^ͤ llen.

Der Vierdte Theyl dieser Bergkordnung

ist ein Process vnd form / wie hinfürder in fürfallung  irriger Bergksachen / in der güte / vnd zum Rechten  vorfahren sol werden / hat xl. Artickel.

Der Erste Artickel.

Alle irrunge vnd gebrechen / Bergkwerg betreffende /  so^ͤllen am ersten / vor Bergkmeister vnd  Geschwornen / gehandelt werden.

WEnn irrunge vnd gebrechen zwischen Gewergkschafften / oder parrten fu^ͤ rfallen / so^ͤ llen die / am ersten vor Bergkmeister vnd Geschworne gelangen / die sie auch auffs forderlichste bescheyden / beyder partt notturfft verho^ͤ ren / Vnd  obs noth vnd gelegenheit der sache erforderte / die gebrechen befahren vnd  besichtigen / vnd alsdann zuuortragen / sich zum ho^ͤ chsten befleissigen / oder  eine weisung inn schrifften thuen / wes sich die part halten sollen.

Der Ander Artickel.

Do die gütliche handlung entstünde / sol die  sache ins Ampt gelangen.

OB aber die gu^ͤ tliche handlung / vor Bergmeister vnd Geschwornen  entstu^ͤ nde / oder die parten eine / oder beyde gethaner weisung / sich beschwereten / alsdann mag das beschwerte teyl / seine beschwerung / inns Ampt gelangen lassen / dann sol Vnser Hauptman auffs fo^ͤ rderlichste fu^ͤ rbescheyden / mit verho^ͤ re vnd anderm / wie obgemelt / vorfahren / allen mu^ͤ glichen vleis / mit fu^ͤ rschlahung zimlicher mittel / die sache inn der gu^ͤ te beyzulegen / fu^ͤ rwenden.

Der Dritte Artickel.

So die güte im Ampt entstünde / Was ferner zu thun sey.

WO nun die gu^ͤ te des orts auch entstu^ͤ nde / eine / oder beyde part / sich auff einheymischer oder frembder Bergkleute erkentnus / beworffen / dann soll Vnser Hauptman / frembde vnd einheymische / vnuordechtige Bergkleute / auff beyder part kost / zum aller fu^ͤ rderlichsten beschreiben / vnd erfordern / die sollen alsdann neben Bergkmeister vnd Geschwornen / die gebrechen von parten nach notturfft ho^ͤ ren / befahren vnd besichtigung thuen / vnd darauff alle eintrechtig / oder durch der meisten vnd besten stimme / ein schrifftliche weisung geben / der sich beyde partt zuuorhalten vorpflicht sein so^ͤ llen.

Der Vierdte Artickel.

Wo sich eine / oder beide part auffs recht werffen würden.

JM fall aber / vnd do eynich partt / sich von der Bergkleute gethaner  weisung / als beschweret / zu rechtlichen austrage vnd erkentnus werffen wu^ͤ rde / dem sols offen stehen / vnd dann auff volgende wege gehandelt werden / Doch sol der theil / so von gethaner weisung / auffs recht fleuhet / darzu nicht gelassen werden / es thu dann zuuorn gnugsame Caution / wo ihme das recht abfallen wu^ͤ rde / Zwentzigk Margk Silber vnwidersprechlich zu erlegen.

Der Fu^ͤnffte Artickel.

Die parten / so^ͤllen mit gnugksamen volmachten / fürkohmen.

DAmit irrigen gebrechen dester statlicher / vnnd ohne sondern vorzugk / abgeholfen werden mo^ͤ chte / so sollen die streitigen part / Wenn die sache ins  Ampt gedeyhet / mit gnugsamen Volmachten / des meisten teils ihrer  Gewercken / nemlich biss inn Achtzigk Kuckes / zur gu^ͤ te vnd zum Rechten / fu^ͤ rkohmen.

Der Sechste Artickel.

Die part mo^ͤgen im Ampt / oder vor Bergkgericht  rechtlichs ausstrags gewartten.

WEnn nun die Zwentzigk Margk Silbers vorbu^ͤ rget / vnd die parten zum

Rechten treten wo^ͤ llen / sol es inn ihrem gefallen stehen / der rechtfertigung im Ampt / oder vor geordentem Bergkgericht alhie im Thal / abzuwarten / Vnd  wohin sie kiesen wu^ͤ rden / do sol der Beklagte theil zurecht stehen.

Der Siebende Artickel.

Vom Proces im Ampt zuhalten / auch von  fürstand vnd gewehr / zu bestellen.

WEnn die rechtliche ausu^ͤ bung / der streittigen sachen im Ampt bleibet / dann soll dieser process vnwegerlich gehalten werden.

Der Kleger sol von dem tage an / als zum Rechten bewilligt / auff den vierzehenden / seine klage / inn schrifft vorfasset / vnd zwifacht im Ampt einlegen / darzu sein widertheil fordern lassen / dem sol die eine schrifft zugestelt / vnd die ander im Ampt behalten werden.

Doch ehe dem Beklagten / die klage zugestelt so^ͤ llen beide part einander gnugsamen Vorstandt bestellen / wie sich das zu recht gebu^ͤ ret.

Dessgleichen sol Kleger / auff ansuchen vnd begeren des Beklagten / die Gewehr / wie recht vnd gebreuchlich ist / anzugeloben vorpflicht sein.

Der Achte Artickel.

Von straff der part / die fürstandt vnd Gewehr / nicht bestelleten.

WVrde Kleger den fu^ͤ rstandt / oder gepetene Gewehr / inn Massen wie obsteht / nicht bestellen / den sol das beklagte teyl von der Klage absoluirt vnd Kleger in Expens vorteylt / auch die zwentzigk Margk silbers / ohne vorzugk vnd behelff / zuerlegen geweiset werden.

Wo^ͤ lte aber Beklagter theil den fu^ͤ rstant nicht bestellen / der sol inn der  sachen / vmb auffgewendete Expens / vorteylt werden vnd nichts weniger im Rechten zu vorfahren / schuldig sein

Der Neundte Artickel.

Wenn fürstande vnd Gewehr bestelt ist / wie ferner vorfahren soll werden.

DO aber fu^ͤ rstandt vnd Gewehr von den parten bestellet / das sol also bey die Acta registrirt / vnd der Beklagte seine rechts antwort vom selben tage / als die Klage / eingelegt / vnd ihme zugestellet fu^ͤ rstandt / vnd gewehr bestelt ist / auff den vierzehenden tagk / auch gezwiefachet im Ampt einlegen / der sol von stundan dem Kleger behendet / Vnd seine gegen notturfft / acht tage darnach / auch zwiefachet einbrengen / die Beklagtem so bald zugestellet / Vnd so^ͤ llen also die part / mit dreyn setzen / die letztern viere / von acht tagen / zu acht tagen / einzubrengen / Vnd im letzten satze kein newerung / daran gelegen / vnd der inn vorigen setzen nicht gedacht / einbracht werden / Vnd im fall / do es geschehe / so sollen die vrteilfasser darauff nicht sprechen / des auch also neben den Acten vorwahrnet werden.

Der Zehende Artickel.

Von einbrengung des Beclagten Exception.

DO ein beklagter sich mit Dilatorien oder Declinatorien Exceptionen / schutzwere vnd ausflucht / zubehelffen vormeinte / die sol er alle / auff ein mahl / vor bestellung der Gewehr vnd vor der krigsbefestigung einbrengen / sonst vnd inn andere wege / sol er darmit nicht geho^ͤ rt werden.

Der Eilffte Artickel.

Von des Beclagten antwortt vnd zersto^ͤrlichen einreden.

HEtte aber Beklagter / keine derselbigen Exception fu^ͤ rzuwenden / so sol er / auffgeforderte vnd bestellete Gewehr / richtige vnd klare antwort auff eingebrachte klage zuthun schuldig sein.

Vnd wenn er die gethan / als dann mag er seine peremptorien vnd  zersto^ͤ rliche Exception von stundan auch einbrengen.

Do aber Beklagter / befreite peremptorien Exception / fu^ͤ rzuwenden hette / die mag er / vor der Gewehr vnd Krigsbefestigung ob er will / einbrengen.

Der Zwelffte Artickel.

Von Collationirung eingebrachter setze.

ALlen vordacht abzuschneyden / so^ͤ llen die partt / so bald der letzte satz einbracht / sonderlich inns Ampt beschieden / doselbst ihre eingebrachte setze /  in ihrer beider beysein / oder des eynen theils vngehorsam / gegen einander  Collationirt vnd vorlesen / vnd von stundan / vorsiegelt vnd vmb vrtheil /  vorschickt werden.

Der xiij. Artickel.

Wo man sich vrteil erholen sol.

DAmit allerley gefahr verhu^ͤ tet / sol vnser Hauptman / die Setze / so im Ampt einbracht / wenn die / wie obgemelt / Collationirt / vnd rotulirt seind / Vrteil daru^ͤ ber zusprechen / auff der partt gefallen / vnnd wie sie sich / des /  vorgleichen an Vnsere liebe besondere / den Rath zu Freybergk / oder an Vnsere liebe getrewe / den Rath alhie inn Sanct Joachimsthal verordenen / Wo sich aber die partt / des / nicht voreynigen ko^ͤ ndten / so sol es an alles widerfechten / bey Vnserm Hauptman stehen / der sol inn allewege darauff gut acht geben / das er die Acta / an den Ort vorferttige / an dem / am wenigsten vordachts sey / Vnd do bey den Vnsern / eine / oder mehr Rathpersonen / den Gewercken / partt / oder sachen vorwandt weren / die sollen sich des Vrteilfassens enteussern / wie wir dan vortrawen / der Rath zu Freybergk / werde sich inn dem / auch vnuorweisslich halten.

Der xiiij. Artickel.

Die Vrteil / auffs fürderlichste zufassen vnd ero^ͤffnen.

ES sol auch / inn allewege / darauff gesehen werden / das die Acta / ohne vorzugk / zum Vrteyl abgeferttiget / das Vrteil gefast / vnd den partten  zuero^ͤ ffnung desselben / fu^ͤ rbescheyden werde.

Der xv. Artickel.

Die Vrteiler so^ͤllen gewarnet sein auff die  Hauptsache zusprechen.

DJeweil langwerende Kriegische sachen / dem gemeynen Bergkwerg vnd

Partten / schedlich seind / so wo^ͤ llen Wir / die Vrteiler / denen ieder zeit / die Acta / zukohmen / vorwarnet haben / dass sie inn fassung der Vrteil / die beysachen / so allein zum vorzuge dienen / so fern es ohne vorletzung der sachen vnd partt geschehen kan / vmbgehen / vnnd auff die Hauptsache / was Recht ist /  erkennen vnnd sprechen wo^ͤ lten / do aber die beysachen also gelegen / das die / one vorletzung der part vnd sachen / nicht zu vmbgehen seind / do mo^ͤ gen sie / was recht ist / daru^ͤ ber erkennen / vnd doch so ferne es sich leyden wil / daneben auch auff die Hauptsache erkendtnus gehen lassen.

Der xvi. Artickel.

Vom Vrteilgeldt vnd Botenlohn.

JN vorschickung der Acten zum Vrteil / sol ein ieder Partt / zwene gu^ͤ lden / im Ampt vnwegerlich erlegen / daruon / sol das Vrteilgeldt vnnd Botenlohn (obs von hinnen vorschicket) bezalt / Vnd die vbermass den Parten zugleich / nach ero^ͤ ffentem Vrteil / wider zugestelt / werden.

Der xvij. Artickel.

Wie viel den Vrteilern / für ihre mühe vom Vrteil zu fassen /  gegeben sol werden.

WEnn Vnseren lieben Getrewen / dem Rath alhier / Acta / zugeferttiget werden / Vrteil daru^ͤ ber zufassen / sol man ihnen von einem Bey / oder Endtvrteil (ausser vorfu^ͤ hrtem zeugknus) ein gu^ͤ lden / aber auff vorfuhrt gezeugknus / zwen gu^ͤ lden Reinisch / fu^ͤ r ihre mu^ͤ he zugeben / vorpflicht sein.

Do aber der Acten viel / oder die sache hochwichtigk vnnd schwer weren / do sol man / zum Vrteilgeldt / eine zulage thuen / als nemlich / zwey Vrteilgeldt / geben / Werden aber die Acta / nach Freybergk / oder an andere o^ͤ rte / geferttiget / do sol man sich ihres gefallens / doch nach billigkeit / mit ihnen vertragen.

Der xviij. Artickel.

Von ero^ͤfnung der Vrteil / vnd in was zeit /  die / ihre krafft erraychen so^ͤllen.

WEnn die Vrteil im Ampt einkohmen / so^ͤ llen die Partt / auffs fo^ͤ rderlichst als mu^ͤ glich / fu^ͤ rbeschieden / oder Citirt / als dann inn ihrer gegenwartt / ero^ͤ ffnet vnd vorlesen / auch den Partten / abschrifft dauon / gegeben werden.

Welche Vrtheil durch Leuterung / oder beruffung in massen / wie hernach zubefinden / nicht auffgezogen wirdet / das sol nach vorlauffung acht tage / von der stund der ero^ͤ ffnung zurechnen / sein krafft erreycht haben / vnd zwischen Partten / fu^ͤ r ein recht gehalten werden / damit sol das Leutern vnd Appellieren / auff vnuorwantem fuss / aus bewegenden vrsachen / [auffgehoben werden]⁶.

Der xix. Artickel.

Von Leutterung / wie die einbracht / vnd darauff vorfahren / sol werden.

WElchem Partt / auff ero^ͤ ffente Vrteil / Leuterung von no^ͤ ten / das sol  dieselbe / inn acht tagen / den nechsten / von der stund der ero^ͤ ffnung zurechnen /  im Ampt gezwiefacht einbrengen / Darauff sol alsdann / von acht tagen / zu acht tagen vorfahren / mit zweyen Setzen beschlossen / vnd gar keine o^ͤ berleuterung / zugelassen werden.

Der xx. Artickel.

Von Beweyssung / in was zeit / die / volführt sol werden.

WElchem theyl Beweisung auffgelegt / die er mit lebendigen / oder schrifftlichen Vrkunden / volfu^ͤ hren wil / der sol das / inn vier wochen / vom tag ero^ͤ ffenter Vrteil / die ihre krafft erraycht / zuthun schuldigk sein / Nemlich sol er zum wenigsten / auff derwegen ernandten Termin / seine briffliche Vrkunde /  erlegen / seine Zeugen fu^ͤ rstellen vnd voreyden lassen / Vnd wenn das also inn vier wochen geschehen ist / sol der Zeugenfu^ͤ hrer darmit vorkohmen.

Der xxi. Artickel.

Wenn ein Zeugenführer durch den Richter oder  Co^ͤmissarien vorzogen.

WVrde aber der Zeugenfu^ͤ hrer / durch den Richter / oder Commissarien / mit vorfu^ͤ rung seiner zeugnus auffgehalten vnd verzogen / also / das ihme / die vier wochen / verflossen / so sol er / seinen vleis / das er inn den vier wochen / zu gebu^ͤ rlicher zeit / ansuchung gethan / vmb Termin vnnd fu^ͤ rbeschidt gebeten / bey den Actis protestiren / vnd das also Registriren lassen / vnd damit / ohne nachteyl bleyben.

Der xxij. Artickel.

Von der frist / do ein Zeugenfürer / sein Zeugknis /  von ferne / suchen müste.

SO auch der Zeugenfu^ͤ hrer / sein Zeugknus / ausser Landes / oder ferne / holen mu^ͤ ste / do sol ihme / auff gebu^ͤ rlichs ansuchen / von Vnserm Hauptman / nach gelegenheit vnd ferne des wegs / lengere vnnd bequehme frist / gegeben werden / doch das der selb Zeugenfu^ͤ hrer / Vnserm Hauptman / zuuor / an Eydes stat zusage / das er darinnen / kein gefahr / sondern nu^ͤ hr allein / sein notturfft  suche.

Der xxiij. Artickel.

Von Beweissartickeln / vnd fragstücken.

DEr Zeugenfu^ͤ hrer / sol seine Beweissartickel / so aus seiner klage  gezogen / vnd zur sachen dinstlich / auffs ehist im Ampt / dupel einlegen / vnd die eine schrifft / dem widertheil / neben dem fu^ͤ rbeschidt / zugestelt werden /  seine Jnterrogatoria / darauff zuferttigen / vnd auff angesatzten Termin / zuvberantworten.

Dieselben Jnterrogatoria / so^ͤ llen keine vnnottu^ͤ rfftige / weitlauffende / vndinstliche fragen / mitbrengen / Wo das aber nicht gemieden wu^ͤ rde / so sol der Zeug / darauff / nicht befragt / noch antwort darauff zugeben / schuldig sein.

Der xxiiij. Artickel.

Von vorho^ͤren der Zeugen.

DJeweil der Parten recht vnd vnrecht / auff der Zeugen aussage stehet / vnnd daraus erforschet werden muss / So so^ͤ llen Richter oder Commissarien vnnd Notarien / denen das Examen beuolhen / allen gebu^ͤ rlichen vnd mu^ͤ glichen vleis / inn verho^ͤ re der Zeugen fu^ͤ rwenden / eines iedern aussage / aus seinem munde / mit allem vleis / vnd getrewlich vorzeichnen vnnd Registriren / darmit niemand / an seiner gerechtigkeit vorku^ͤ rtzet.

Der xxv. Artickel.

Wie man die Zeugen / zeugknus zugeben / zwingen mag.

WElcher inn einer sachen / zu Zeugen angeben vnd rechtlich geladen  wirdet / der sol zuerscheinen vnd zeugnus oder kundschafft / des / das ihme  bewust ist / der Warheit vnd Gerechtigkeit / zu gut / zugeben / vorbunden sein / Vnd welcher sich des / ohne rechliche entschlahung wegern wu^ͤ rde / der sol bey peen Zwentzigk Gu^ͤ lden / zugeben / darzu gedrungen werden.

Der xxvi. Artickel.

Die zeugens Personen / so^ͤllen den gewo^ͤhnlichen  Zeugen Eyd / thuen.

ALle Zeugen / so fu^ͤ rgestellet werden / so^ͤ llen den gewo^ͤ hnlichen  Zeugeneydt zuschweren schuldig sein / ohne das / sol ihre aussage nicht  glaubwirdig geachtet sein / es wu^ͤ rden dann / die Zeugen / des eydes / durch beide partt / mit willen erlassen / das sol alsdann Registrirt werden.

Der xxvij. Artickel.

Von ero^ͤffnung des zeugknus / vnd der part gesetze darauff.

SO die Zeugen verho^ͤ ret / sol der Notarius das Register der aussage / auffs aller erste / so er kan / vorfertigen / das sol alsdann / auff den ernandten Termin ero^ͤ ffent / vnnd beiden partten abschrifft daruon zugestellet werden.

Vnd sol der Partt / wider dene das Zeugnus gefu^ͤ hrt / vom tag erlangter  abschrifft / inn vierzehen tagen den nechsten / seine Exception / gezwiefacht / inns Ampt erlegen / die sol so bald / dem producenten zugestellet werden / der sol sein gegennotturfft inn vierzehen tagen / auch dupel einlegen / vnd darnach iedes partt / noch zwene Setze / von acht tagen / zu acht tagen / einbrengen / vnnd also mit dreyen Setzen beschlossen werdenn / Darauff sol ferner vorfahren werden / innmassen vnd wie / oben vorleibt.

Der xxviij. Artickel.

Von Appellation / wie die gethan / vnd zugelassen /  sol werden.

WElcher sich von versprochen Vrteilen / oder rechtmessiger beschwerung

/ beruffen wil / der sol das / innenhalber acht tage / [von der stunde ero^ͤ ffends Vrteils]⁷ / durch schrifft bey dem vnderrichter einzulegen / thuen / vnd sich an vns den Regierenden Herrn im Thal / wie gebu^ͤ rlich vnd gebreuchlich / beruffen.

Der xxix. Artickel.

Jn was zeit die Aposteln / gesucht so^ͤllen werden.

EJn ieder Appellant / sol vom Tage seiner gethanen Appellation / innerhalb Zehen Tagen / den Vnderrichter / von dem er Appellirt hat / vmb gebu^ͤ rliche Aposteln / vnd abschiedes briefe / ersuchen vnd bieten.

Der xxx. Artickel.

In was zeit die Aposteln / Vns / furbracht so^ͤllen werden.

VOm Tage erlangter Aposteln / abermalen inn Zehen Tagen / sol der  Appellant / die erlangte Aposteln vnd abschieds briefe / an Vns / den Regirenden Herrn im Thal / brengen / vmb Compulsorial vnd Jnhibition / die ihme auch  zugestelt sollen werden / ansuchung thuen.

Der xxxi. Artickel.

Jnn was zeit / die Appellation / gerechtfertigt  sol werden.

WEnn also ein Appellation / wie obsteht / gethan wirdet / sol der Appellant / dieselbe auffs lengist innerhalb Zehen Wochen den nechsten / vom Tage gethaner Appellation zurechnen / vor Vns / den Regirenden Herrn / oder wem inn dem fall darumb befehl gethan / auff einen Termin / der ihme / auff sein bitt /  ernendt sol werden / wie vblich vnd recht ist / rechtfertigen / So wo^ͤ llen wir der  Regirende Herr im Thal / wenn zum Rechten beschlossen ist / darob sein / das die Vrteil darauff / zum forderlichsten / als mo^ͤ glich gestellet / vnd den Partten ero^ͤ ffendt so^ͤ llen werden.

Vnd welche Appellation / obuorleibter gestalt / an Vns den Regirenden Herrn gethan vnd volfu^ͤ hret / die sol inn ihren formalibus bestendig sein / vnd  geachtet werden.

Der xxxij. Artickel.

Jnn was gestalt / die Setze / in der Appellation  sache / so^ͤllen einbracht werden.

DEr Appellant / sol seinen Appellation Satz / auff den Termin der zur  Justification bestimpt ist / gezwiefacht einbrengen / daruon sol der eine Satz / dem Appellaten / so bald / zugestelt werden / der sol sein gegennotturfft / auff den Achten Tagk / auch dupel einbrengen / die sol dem Appellanten / zugestellet / vnd er auff den Achten Tagk darnach wider einlegen / Vnd sollen also beide Partt / ihre letzere vier Setze / von acht tagen zu acht tagen / einbrengen / vnd mit dreyen Setzen beschliessen / Wo auch im letzern / neuerung einbracht / sol im Vrteilsfassen / vbergangen werden.

Der xxxiij. Artickel.

Was also / inn der Appellation / zu recht erkandt wird / darbey / sol es bleiben.

WAs denn auff eingebrachte Appellation Setze / zu Recht / durch Vns / den Regierenden Herrn im Thal / auff belernung / erkandt vnd ausgesprochen wirdet / darbey so^ͤ llen es beide Partt bleyben lassen.

Wo^ͤ lt aber ye ein theyl daru^ͤ ber an Vns den Regierenden Herrn Suppliciren / das sol auch / sampt des gegentheils notturfft / angenohmen werden / Vnd was darauff erkandt vnd gesprochen wirdet / darbey sol es ohne alle weiterung entlichbleyben.

Dann Vns wil aus Obrigkeit gepu^ͤ ren / darob zusein / das inn Bergkhendeln / die sachen / zu nachteyl gemeynes Bergkwergks / vnd der Gewercken / vber diese Ordnung / ferner nicht auffgehalden / noch vorschleufft werden.

Der xxxiiij. Artickel.

Wenn ein Appellation fallen vnd erleschen sol.

WEnn ein Appellant / diese form / wie oben vorleibt / aus nachlessigkeit / oder ohne Ehafft / vnnd bestendige vrsachen / nicht halten wu^ͤ rde / des Appellati- on / sol gefallen vnd erloschen sein / auch darfu^ͤ r gehalten / vnd den Vrteiln inn erster Jnstantz gesprochen / nachgesatzt werden.

Der xxxv. Artickel.

Von straff der Partt / die mit einbrengung der Setze / seumig.

WElch Partt / mit einbrengung seiner Setze / auff zeit vnd tage / wie oben verordent / inn erster / oder anderer Jnstantz / ohne Ehafft / vnd bestendige  vrsachen / seumig sein wu^ͤ rde / der sol ferner zusetzen / oder setze einzubrengen / er habe dann zuuorn zehen gu^ͤ lden straffe inns Ampt nieder gelegt / nicht  zugelassen werden.

Der xxxvi. Artickel.

Von erlegung der Zwentzigk Margk Silber.

Wo nuhn der Partt / so des Bergkmeisters Geschwornen vnd Bergkleute / schrifftliche weysung / nicht annehmen wo^ͤ llen / sondern sich auffs Recht  geworffen / im Rechten entlich felligk / vnd vorlu^ͤ stigk erkandt worden were / der / oder sein Vorstandt / sol on alles mittel / Zwentzigk Margk Silbers erlegen / vnd geben / die so^ͤ llen / mit Vnserm des Regierenden Herrn bewust / zu notturfft des Bergkwercks / angewandt werden.

Der xxxvij. Artickel.

Von Beyvrteilen / sol man nicht Leutern / noch Appelliren.

WEnn auff der Kriegischen Partt einbrengen / Beyvrteyl / so die Hauptsache nicht betreffen / oder die Partt / an ihrer verhofften gerechtigkeit / nicht  beschweren / ero^ͤ ffendt werden / Darauff sol man / zuuormeyden vnkost / vnnd vorschleissung der zeit / keine Leutterung noch Appellation / zulassen.

Der xxxviij. Artickel.

Vom Proces vor Bergkgericht zuhalten.

SO aber die sache fu^ͤ r o^ͤ rdentlich Bergkgericht / das Wir / mit Vnseren  lieben getrewen dem Rath alhier bestellet haben / gedeyhet / vnd darfu^ͤ r auszuu^ͤ ben fu^ͤ rgenohmen wird / do sol die Ordnung / wie hyr oben von der rechtfertigung im Ampt / gemeldet / inn allen Artickeln / gehalten werden / Allein ausgeschlossen / das die Partt / mit einbrengung ihrer notturfft / von Gerichten zu  Gerichten / vorfahren so^ͤ llen / vnd das Beklagter seiner notturfft nicht auffs erste / sondern auffs andere Gerichte / einbrengen sol.

Wann aber beyde Partt / vor Gericht / inn eine vorfassung wo^ͤ lden bewilligen / ihre notturfft einen tagk vmb den andern / (oder wieuiel tage sie sich des vorgleichen) schrifftlich einzubrengen c. So so^ͤ llen sie darmit auch zugelassen / vnnd ferner darauff / wie obstet / procedirt werden.

Der xxxix. Artickel.

Der partt einbrengen / sol mit guter beschaydenheit /  gestelt werden.

ES so^ͤ llen die Partten / ihre Aduocaten / Setzer vnd Redener / den Handel / wie der an ihme selbst gelegen / mit gutem bestendigen grunde / ohne einmengung / frembder / weitleufftiger / vnd vnnottu^ͤ rfftiger sachen / auch mit guter  bescheydenheit / ohne Jniurien vnd schmahe / es sey zur gu^ͤ te / oder im Rechten / fu^ͤ rtragen / bey peen fu^ͤ nff gu^ͤ lden / so der vbertretter vnnachlessigk geben / vnd gleichwol / der Jniurien halben gegen dem beleydigten inn vorantwortung stehen sol.

Der xl. Artickel.

Von des Amptschreibers zufelliger besoldung.

DAmit niemands / inn den sachen / so im Ampt / zu gu^ͤ tlicher / oder rechtlicher o^ͤ rterung gedeyhen / mit dem schreibgelde vbernohmen werde / sol man dem Amptschreiber [rachen]⁸ vnd geben wie volget.

von

Einer vorfassung zum Rechten            itlichs theyl. Einer Citacion. Setze zucopiren / von eim blat            vnd sol ein blat / auff itzlicher seyten /             vngefehrlich / xx. zeylen haben. Eroͤ ffnung vnnd Copien der Vrteil            itzlichs Partt. Ein itzlichen Zeugen zuuorhoͤ ren            der Producent. Abschrifft des Zeugnus Registers            itzlichs Partt von eim blat. Gemeynen Vortregen inns Amptbuch            zuuorschreyben / iedes Partt. Abschrifft eingeschriebener Vortrege. Vortregen / inn wichtigen sachen /                      nach gelegenheit der arbeitt.

ij. w. gr. iiij. w. gr. i. w. gr.       vi. w. gr.   vi. w. gr.  i. w. gr.   ij. w. gr. i. w. gr.

VOm Process / der vor Vnserm Bergkmeister / in sachen /  inn sein Ampt geho^ͤrig / vnd ausser rechts / gehalten sol werden / hat xv. Artickel.

Der Erste Artickel.

Wider was Personen / vnd in was sachen / der Bergkmeister  Klage annehmen / kohmmer / vnd hülff thun sol.

WEnn vnser Bergkmeister / von iemands / vmb hu^ͤ lff zu Bergkteylen /  beschlossener Ausbeut / zu eyner Zechen / derselben Vorrath / oder anderm /  angesucht wirdet / vnd die sache inn sein Ampt geho^ͤ rigk / sol er sich erstlich  erkunden / ob die Persone / zu dere Bergkteylen oder beschlossener Austeylung / kohmmer oder hu^ͤ lffe gesucht wirdet / alhie im Thal / oder zugeho^ͤ rigen gepirgen wonhafft / vnd also seiner Botmessigkeyt zugethan / oder ob die frembde / vnd seinem Ampt / nicht vnderworffen sey / Desgleichen / sol er sich eigentlich  erkunden / ob die schuldt daru^ͤ mb kohmmer oder hu^ͤ lffe gebeten / vom Bergkwerg / oder von anderen sachen / darfliesse.

Jst nuhn die Person / nicht seinem Ampt / sonder anderer Herschafft /  zugethan / vnd die schuldt / fleust nicht von Bergkwerg dar / Do sol er kohmmers nicht vorstatten / auch keine hu^ͤ lffe thun / sonder den Kleger / fu^ͤ r des Beklagten Obrigkeyt weisen / Es were dann der Schuldiger / nirgendt besessen / oder auff flu^ͤ chtigem fuhsse / oder hette bewilliget / die zalung alhye zuthuen / oder alhie zu Recht zustehen / Vnd Kleger wu^ͤ ste das weisslich zumachen / inn solchen  fellen / sol dem Kleger kohmmers gestatt / vnd wie gebu^ͤ rlich geholffen werden.

Flu^ͤ sse aber die schuldt / vom Bergkwerg / oder were alhie / oder auff den vmbliegenden zugeho^ͤ rigen gepirgen gemacht / do sol er kohmmers gestatten / auch gebu^ͤ rliche hu^ͤ lffe / nicht wegern.

Were aber der Schuldiger / seinem Ampt zugethan / do sol er kohmmer vnd hu^ͤ lffe / nicht abschlahen / vnd wie volget vorfaren.

Der ij. Artickel.

Von der Citacion / wider den einheymischen Schüldiger.

DEr Bergkmeister / sol den Einhaymischen / vnd seiner Botmessigkeyt vnterworffenem Schuldiger / wie gewo^ͤ nlich / durch ein Kerpholtz / mit  anku^ͤ ndung des Termins / vnd kurtzem bericht der sachen / fu^ͤ rfordern lassen / der sol auch darauff / do er mit dem Kerpholtze / antroffen ist / zuerscheinen schuldig sein.

Der iij. Artickel.

Wie ein frembder / sol geladen werden.

DEr frembde man / so anderer Herschafften zugethan sol inn fellen / do man zu seinen theylen / oder Ausbeut auff mass wie obsteht / helffen wil / durch eine schrifftliche Citacion (darinnen die sache Summarie vnnd kurtz / vorleibt) an des Schuldtmans Obrigkeit oder Richter gestellet / bey einem [voreydenten]⁹ boten zusenden / Vnd also / per subsidium iuris mit ernennung eines bequehmen Termins / vnd fu^ͤ rgewissung / das er fu^ͤ rder / weder zu volgenden Klagen / zur Ehafft / hu^ͤ lffe / schatzung / oder anderm / nicht mehr zu hauss vnd hoff / sondern allein mit anschlahen alhier im Thal an den gewo^ͤ nlichen orte / do man den wo^ͤ chelichen anschnidt vnd die Quartalrechnung heldet / durch sich selbst  personlich / oder seinen gnugsamen Anwalden / vor ihme dem Bergkmeister in seiner gewo^ͤ hnlichen behaussung / zuerscheynen / peremptorie vnd endtlich  Citiret werden / auch mit bitt die Execution / wie / vnd durch wen / die gethan / durch sein widerschrifft zuberichten / oder inn mangel dero / vom Boten relation zunehmen / fu^ͤ rgeladen werden.

Der iiij. Artickel.

Was auffn Ersten / Andern / vnd Dritten / Termin /  gehandelt sol werden. 

AVff angestelten Termin / sol Kleger fu^ͤ rkohmen / vnd sich ansagen / das er gehorsam erscheine / mit mu^ͤ ndlicher erzelung seiner sache vnd des Beklagten o^ͤ rdentlich Citirten / vngehorsam / beschuldigen / vnd bieten ihme zubekennen / das er seine Erste Klage vorfu^ͤ hrt / vnd ihme die Andere Citation mitzutheilen / angewohnlichem ende / anzuschlahen / Das sol ihme also widerfahren / vnd durch den Bergkschreiber ins Klagebuch o^ͤ rdentlich vorzeichent werden.

Dergleichen / sol es auff den Andern angesatzten Termin auch gehalten / vnd die Dritte Klage / gegeben werden.

Auff den Dritten Termin / sols dessgleichen gehalten werden / Allein im fall / do der Beklagte / weder personlich / noch durch seinen tu^ͤ chtigen Anwalden erschiene / sol Kleger bitten / den Beklagten biss auff sein Ehafft zuuorteylen / vnd ihme Citation / sein Ehafft einzubrengen / mitzuteylen / Das ihme also  widerfaren sol.

Der v. Artickel.

Von der Ehafft.

WO nuhn Beklagter / zum Vierdten Termin nicht erscheynen / auch keine Ehafft einbrengen wu^ͤ rde / So sol Kleger bitten / den Kleger auff seinen vngehor- sam / inn der sache / darumb geklaget zuuorteylen / vnd zur hu^ͤ lffe / mit anschlahen vnd ausruffen vor der Kirchen / wie gebu^ͤ rlich / zucitiren / Dem sol also volg gelaistet werden.

Der vi. Artickel.

Von der Hülffe / zur Auspeut.

AVffn tagk / so zur hu^ͤ lffe ernant / sol der Kleger bieten / ihme gebu^ͤ rliche hu^ͤ lffe / vmb sein schuldt vnd auffgewandte vnkost / zu den kuckes oder Auspeut / darauff er seine Klage vorfuhrt / zuthuen.

Do nuhn die Klage / auff Auspeut gethan / vnd die hu^ͤ lff / darzu gesucht / sol der Bergkmeister auff den vierzehenden tagk darnach / dem Kleger einen schrifftlichen befehl vnter seinem Petschafft an den Austeyler geben / Mit  vormeldung wie N. brieffszeiger / N. gu^ͤ lden / von N. Zeche beschlossene  Auspeut / N. zustendig / erstanden vnd erklaget / auch die hu^ͤ lffe erlanget habe / Desshalb befehle er Amptshalben / dem Kleger N. dieselbe Auspeut / zuzustellen / das auch der Austeyler vnwegerlich thun sol.

Der vij. Artickel.

Wie die Hülffe zu Bergkteylen gethan sol werden.

DO aber die Klage / auff Bergkteyl gangen / vnd die Hu^ͤ lffe darzu gesucht / Alsdann sol der Bergkmeister die Krentzler zu sich bescheiden / vnd mit allem gepu^ͤ rlichen vleis bey ihnen erkunden / was die theil dazumal gelden / Welchs sie ihne auch / auff ihre Eydespflicht / getrewlich berichten sollen / Darnach sollen dieselben erklagten vnd erstandene theil verholffen / vnd auff Bergkmeister vnd Geschwornen gutduncken / auffs gleichest keynen theil zu vorteil / oder abbruch geschatzt werden. Nach gethaner hu^ͤ lffe vnd schatzung / sollen die verholffene vnd geschatzte teyl / vierzehen tage lang / von beschehener hu^ͤ lffe / im Gegenbuch vnuorruckt stehent bleyben / Vnd so der Beklagte / in den selben vierzehen tagen / dieselben ablo^ͤ sen / die Schulde vnd vnkost / darumb verholffen ist /  erlegen / sol er vnuorhindert darzu gelassen werden / Aber nach vorfliessung  derselben vierzehen tage / sol der Beklagte keinen zutriett darzu haben.

Der viij. Artickel.

Von auffgewandter Expens vnd vnkost.

WO Kleger seine auffgewandte vnkost / beneben der haubtsache / fordern vnd erlangen wu^ͤ rde / sol er dieselben auff eine zettel o^ͤ rdentlich vorzeichnet / Auff den Termin zur hu^ͤ lffe ernandt / vbergeben / die sol der Bergkmeister vnd Geschworne Taxiren vnd messigen vnd nichts mehr / dann souiel auf die Citation

/ Botenlon / Execution / Klage / Hu^ͤ lffe / Schreibgeldt / vnd desgleichen  ordentlich ausgeben ist / fu^ͤ r Expens zulassen / Taxiren / zur Hauptsumma  schlahen / vnd darauff neben der Hauptsumma / helffen / die sol auch Kleger  beneben der Hauptsumma / [auff den vorhelffen Teylen]¹⁰ oder Zechen / bekohmen.

Der ix. Artickel.

Do der Beklagte auffn Ersten / Andern / Dritten  oder Vierdten / Termin erscheynt.

WEnn aber der Beklagte / auff den Ersten / Andern / Dritten / vnd volgende Termine fu^ͤ rkohmet / vnd gehorsam erscheynet / sol der Bergkmeister / sampt seinen Geschwornen / beide partt / nottu^ͤ rfftig verho^ͤ ren / vnd sie gu^ͤ tlich zuuortragen / vleis fu^ͤ rwenden / doch in allewege / Klegers erlangtem Rechten / vnuorschadet / Wu^ͤ rde es nuhn gu^ͤ tlich vortragen / hette es seinen wegk / wo nicht / so folgte man auffs Klegers ansuchen mit angefangenem Process.

Der x. Artickel.

Wo sich ein teil / von disem Process / ins Ampt berüffte.

OB sich aber ein theil / das were Kleger oder Beklagter / von dem Bergkmeister vnd seinem Process / als beschwehrt / ins Ampt / vnd an Vnsern Hauptman wu^ͤ rde beruffen / der sol nach eygentlicher erkundung vnd befindung der  sachen / die billigkeit vorfu^ͤ gen / Vnd do er den Partt / der sich inns Ampt beruffen / vngerecht fu^ͤ nde / die sache widerumb an Bergkmeister remittiren / alsdann von den stande an / wie sie inns Ampt gewachssen / zuuorfahren / Wu^ͤ rden aber / des beruffenden Partts vrsachen / fu^ͤ r billich vnd gnugsam ermessen / sol der Hauptman die beschwerung abschaffen / oder sunsten gebu^ͤ rlichs einsehen fu^ͤ rwenden / das einem iedern Partt / was recht vnd billich ist / mitgetheilt werde / Wo aber diser wege / keiner fortgengig / sol Vnser Hauptman / die sache inns Recht / im Ampt / oder vor ordentlichem Bergkgericht / auszuu^ͤ ben / nachgefallen der Partt weissen.

Der xi. Artickel.

Wenn die Klage / wider Einheymische angestellet.

SO aber eine Klage vnd hu^ͤ lffe / wider einen so des Bergkmeisters  Botmessigkeit vnterworffen gethan / vnd gesucht wu^ͤ rde / sol inn aller massen / form / vnd gestalt wie oben geordent / procedirt vnd volfahren werden / Allein / das die Citation / ohne mittel wider die Person des Beklagten / gestellet werde / Wenn aber der Schu^ͤ ldiger nicht anhayms / sondern vielleicht flu^ͤ chtigk were / oder Bergkmeister vnd Kleger nicht wu^ͤ sten / wo er anzutreffen sein mo^ͤ chte / So sol er durch o^ͤ ffentliche Edicta / zu iedern Termin / an gewo^ͤ nhlicher stelle / ins Bergkmeisters behaussung / wie gebu^ͤ rlich Citirt / vnd zum vberfluss / durch  einen Gerichtsfrohnen / drey vierzehen tage nach einander / vor der Kirchen o^ͤ ffentlich fu^ͤ rgefordert werden.

Der xij. Artickel.

Wenn die Klage zu einer Zeche / oder der selben  vorrath / gethan wirdt.

WEnn iemands seine Klage / wider ein Zeche anstellen / vnd hu^ͤ lffe darzu / oder zu derselben Vorrath / bieten wu^ͤ rde / Do sol der Bergkmeister / solchs / den Vorstehern der Zechen / zum Ersten Termin / durch gebu^ͤ rliche Ladebrieffe vorku^ͤ nden / die es volgend / weiter / an den mehrern theil der Gewercken / oder ihre Vorleger / so^ͤ llen gelangen / Auch sol der Bergkmeister so^ͤ lches daneben  anschlahen vnd ausru^ͤ ffen lassen / Aber zu den Andern Termin / sol er die  Gewercken / nu^ͤ r durch einen anschlahebrieff / vnd o^ͤ ffentlichs ru^ͤ ffen fu^ͤ rladen / doch die Gewerken / des inn erster Citation vorwarnen / vnd darauff vorfahren / inn massen wie oben gemeldet.

Der xiij. Artickel.

So die verholffene / Teil / Auspeut / Zeche oder vorrath /  zu voller zalung nicht reychte / oder / so vberlaufft daran sein würde.

SO auch nach gethaner hu^ͤ lffe / an der vorholffenen Teylen / Auspeut /  Zechen / Vorrath / oder anderm / etwas vberlaufft bleyben wu^ͤ rde / der sol dem Beklagen theil / auff sein erfordern / zu gut gehen vnd zugestelt werden.

Do aber Kleger an vorholffen Teylen / Auspeut / Zeche oder Vorrathte / nicht volle zalung erlangen ko^ͤ ndte / sol ihme fernere gepu^ͤ rliche wege / vmb den ausstandt / zusuchen / vnbenohmen sein.

Der xiiij. Artickel.

Wie sich der Bergkmeister / mit vorstattung der  Kohmmer halten sol.

WEnn ein Ko^ͤ hmmer zuuorstatten / bey Vnserm Bergkmeister gesucht wirdet / den sol er nicht ohne gnugsame bedacht vnd erforschung der vmbstende / wie im eingang dieses seinen Process beru^ͤ ret / vorstatten / Vnd inn allewege / do es mu^ͤ glich ist / vnd sich leiden wil / dene / wider welchen Kohmmer begeret wirdet / fu^ͤ r sich bescheyden / Vnd seine Einrede / warumb er vormeynet / das es nicht geschehen so^ͤ lle / ho^ͤ ren / vnd darnach / der billigkeit / vnd gelegenheit der sachen / gemess handeln.

Der xv. Artickel.

Was Ordnung / inn der hülff / zu beweglichen / oder vnbeweglichen gütern gehalten sol werden.

ALlerley missbreuche / so anhero geu^ͤ bet / abzulaynen / Ordnen wir / wenn mann hinfuro / zu eines Schichtmeisters / oder eins Fu^ͤ rstandts gu^ͤ tern (von wegen aussenstehender schulden) helffen wil / das es wie volget gehalten werden sol.

Nemlich sol die hu^ͤ lffe am Ersten / zu des Schichtmeisters oder Fu^ͤ rstandts / beweglichen gu^ͤ tern vnd vahrender habe / gethan / also das darmit / nach erbarer schatzung die geklagte schulden vorgnu^ͤ get / den Gewercken / Arbeitern / vnd andern / so ferne sich die erstrecken / gelohnet werde / Do sich nuhn die beweglichen gu^ͤ ter / zu endtlicher zalung nicht erstrecketen / sol volgends zu vnbeweglichen gu^ͤ ttern / als haus / hoff / gartten / vnd dergleichen / vorholffen werden.

Vnd wenn die hu^ͤ lffe also zu haus / vnd hoff gethan / sol das selbe haus / auff befehl / drey / die nechstvolgende Sontage / vor der Kirchen / ausgeruffen vnd feylgeboten werden / wer nun in solcher zeit / das maiste kauffgeldt / fu^ͤ r das haus / vnd andere vnbewegliche gu^ͤ ter bieten wu^ͤ rde / dem sol das vorkaufft / die schulde vom ersten kauffgelde bezalet / Vnd der Herre des Hauses / an die  vbermass / ob eynige bleibet / geweiset werden.

Ob sich aber / kein kauffman / inn benanter zeit fu^ͤ nde / sol das auffs gleichst / keinen teil zu vorteil oder schaden / durch die Beuehlhaber geschatzt / vnd die glaubiger / das also annehmen / sich ihrer schulden darmit vorgnu^ͤ gen / Vnd die vbermass dem schuldiger / auff leidliche zeit / vnd ermessigung der  Befelhaber zalen.

Beschluss.

Darinnen Wir Vns anderung c. vorbehalten.

DJese Vnsere Ordnung / sol inn allen Artickeln / biss zu Vnser voranderung / die Wir Vns / aus Obrigkeit alle zeit zuthuen / vorbehalten / von iderman vnuorbru^ͤ chlich gehalten werden / Vnd was in dieser Vnser Ordnung nicht begriffen / oder ausgedru^ͤ ckt ist / sol bey gemeynen Bergkrechten / vnd alter hergebrachter / lo^ͤ blicher Bergkwercksu^ͤ bung bleyben. Es so^ͤ llen auch Vnsere Amptleute / Hauptman / Bergkmeister vnd andere / so von Vns beuehl haben / vleissig vnd trewlich darob sein / vnd auffsehen / das diese Vnsere Ordnung / vehstiglich gehalten / Vnd wo das anderst befunden / gegen iederman / mit ernst gestrafft werde / Wo Wir auch / dieselben Vnsere Amptleute / inn dem seumig vnd nachlessig befu^ͤ nden / so^ͤ llen sie selber Vnser schweren vnd ernsten straff / gewarten.

Volgen die Eyde.

Des Zehenders Eydt.

JCh N. Schwere / das ich wil / meinem Zehendenampt trewlich vnd 

[vlessig]¹¹ vorstehen / meiner Gnedigen Herren / Graff Hieronimussn vnd Graff

Lorentzen Schlickh c. vnd irer gnaden Jungen Vettern vnd allerseits Erben  gerechtigkeit / vnd der Gewergken gut / was mir des einzunehmen / vnd auszugeben eingebunden ist / iederman seine gerechtigkeit / eygentlich vorsamlen / redliche vnd genugsame Rechnung / vnd entrichtung / daruon thun / wolgedachter meiner G. H. Ordnung / vehstiglich handthaben / die / selber halden / vnd wo ich die vbergangen befinde / warnen vnd ansagen / keynerley nutz oder geniess / denn der mir von ihren gnaden zugelassen ist / in dem allen gewarten / mich auch wider diss alles / keynen nutz / gabe / gunst / freundschafft / oder feindtschafft / bewegen lassen / sondern wil solches alles / nach meinem besten vermu^ͤ gen  halden / trewlich vnd vngefehrlich / Als mir Gott helffe.

Des Gegenschreibers im Zehenden / Eydt.

JCh N. Schwere / das ich wil / meinen Gnedigen Herren / Graff  Hieronimussn vnd Graff Lorentzn Schlickhen c. ihrer gnaden Jungen Vetteren / vnd allerseits Erben / getrew / vnd gewerttig sein / vnnd vleissig achtung geben / Wie alle Silber in Zehenden / vnd daraus in die Mu^ͤ ntze / auch das Geldt darnach aus der Mu^ͤ ntze / widerumb inn Zehenden gereycht werde / Dessgleichen was zu wo^ͤ chelichem ablohnen / auff Hu^ͤ tten vnd Bergkkost / Einnehmens vnd Ausgebens gehet / in ein Register vnd vorzeichnus brengen / vnd zur Quartalrechnung / oder wenn es zwischen den Quartalen begert wird / ihren Gnaden vnd derselben Vetteren / das ihre / vnd was der Gewercken guth betrifft / volstendigen bericht thuen / Das auch in beschliess der Quartalrechnung / vnd darzwischen / die  Einnahme der Silber / vnd empfahung des Geldes / aus der Mu^ͤ ntze / desgleichen das wo^ͤ chentlich ablohnen / miteinander vberein kohmen / Vnd wo ich in dem  allen / mangel oder gebrechen befu^ͤ nde / denselben warnen vnd ansagen / damit niemands nachteil zustehen mo^ͤ chte / Vnd sunst alles andere / was mir in meinem befolhenen Ampt gebu^ͤ ret / mit vleis handeln vnd ausrichten / trewlich vnd vngefehrlich / Als mir Gott helfe c.

Des Bergkmeisters Eydt.

JCh N. Schwere / das ich wil / meinen Gnedigen Herren / Graff  Hieronimussn vnd Graff Lorentzn Schlickh c. ihrer Gnaden Jungen Vettern vnd aller seitts Erben / getrew vnd gewertig sein / das Bergkmeister Ampt / trewlich vnd vleissig vorwesen / ihrer Gnaden gerechtigkeit / handthaben / der Gewercken vnd gemeynes Bergkwercks nutz / fu^ͤ rdern / iederman was sich von recht vnd  billigkeit eygent / gestatten vnd vorhelffen / wolgedachter Meiner Gnedigen Herrn Ordnung / allenthalben handthaben / vnd was mir darinn auffgelegt ist /  selber volbringen / alles nach meinem besten vorstentnis vnd vermu^ͤ gen / Wil auch inn dem allen / keines andern geniess / den der mir / von ihren Gnaden  zugelassen ist / gebrauchen / vnd mich wider diss alles / keynen nutz / noch gabe / bewegen lassen / Als mir Gott helffe.

Der Geschwornen Eydt.

JCh N. Schwere / das ich wil / meinen Gnedigen Herren Graff  Hieronimussn / vnd Graff Lorentzn Schlickh c. / ihrer gnaden Jungen Vetteren vnd aller seits Erben / getrew vnd gewerttig sein / ihrer Gnaden / vnd gemeynes Bergkwercks bestes fu^ͤ rdern / schaden trewlich vnd vleissig warnen vnd abwenden / Wolgedachter Meiner Gnedigen Herrn Ordnung / vehstiglich handthaben / wo ich die vbergangen befinde / warnen vnd ansagen / die auch vnuorbru^ͤ chlich selber halten / alles nach meinem ho^ͤ chsten vermu^ͤ gen / inn dem allen keinen nutz / oder geniess / dann der mir / von meinen Gnedigen Herrn / vnd inn ihrer  Gnaden Ordnung / zugelassen ist / gewartten / Mich / von dem allen / keynen nutz / oder gabe / gunst / freundschafft / oder feindschafft / bewegen lassen / Als mir Gott helffe.

Des Aussteylers Eydt.

JCh N. Schwere / das ich wil meinen Gnedigen Herren / Graff  Hieronimussn vnd Graff Lorentzn Schlickh c. ihrer Gnaden Jungen Vetteren / vnd allerseits Erben / getrew vnd gewerttig sein / ihrer Gnaden vnd gemeynes Bergkwercks nutz / fu^ͤ rdern / schaden warnen vnd abwenden / einem ieden sein Austeylung / wie mir die zugerechent vnd geraicht wird / vnuormindert entrichten / darinne niemand vorku^ͤ rtzen / auch selber keynes nutzes / dann mir zugelassen ist / daruon gewarten / wolgedachter meiner Gnedigen Herrn Ordnung /  vehstiglich halten / vnd wo ich die vbergangen befu^ͤ nde / warnen vnd ansagen / Mich wider diss alles keynerley nutz / gabe / gunst / freundschafft oder feindschafft bewegen lassen / sondern solches allenthalben nach meinem ho^ͤ chsten vermu^ͤ gen halten / trewlich vnd vngefehrlich / Als mir Gott helffe.

Gegenschreibers vnd Bergkschreibers Eydt.

JCh N. Schwere / das ich wil meinen Gnedigen Herren / Graff  Hieronimussn / vnd Graff Lorentzn Schlickh c. ihrer Gnaden Jungen Vetteren / vnd allerseits Erben / getrew vnd gewerttigk sein / ihrer Gnaden vnd gemeynes Bergkwercks / bestes trewlich vnd vleissig fu^ͤ rdern / schaden warnen vnd abwenden / meinem Ampt / trewlich fu^ͤ rstehen / meiner Gnedigen Herrn Ordnung /  vehstiglich halden / wo ich die vbergangen befinde / warnen vnd ansagen /  iederman was mir aus krafft meines Ampts / eygenet / gelaisten / darinnen keines andern nutzes oder geniss / denn der mir zugelassen / vnd geordent ist / gewartten / Mich dawider keynerley nutz / gabe / gunst / freundtschafft oder feindt- schafft / bewegen lassen / sondern wil solches alles / nach meinem ho^ͤ chsten vermuͤgen halten / trewlich vnd vngefehrlich / Als mir Gott helffe.

Silberbrenners Eydt.

JCh N. Schwere / das ich wil / meinen befohlenem Silberbrenner Ampt / trewlich vnd vleissigk furstehen / vnd alle Silber / so mir zubrennen zugestelt werden / auffs beste vnnd reynste / auffs fein / ohn ein Quinten xvi Lot / meinen Gnedigen Herren / Graff Hieronimussn vnnd Graff Lorentzn Schlickh c. / ihrer Gnaden Jungen Vetteren / vnd den Gewergken / eim iedern zu seiner gerechtigkeit / zum besten brennen / do mit allenthalben getreulich handeln vnd vmbgehen / auch su^ͤ nsten alles andere thuen / das eim frohmen getreuhen Silberbrenner  zustehet / vnd mich hirwider keinen nutz / gabe / gunst / freundtschafft oder feindtschafft bewegen lassen / Trewlich vnd vngefehrlich / Als mir Gott helffe.

Schichtmeister vnd Steyger Eydt.

JCh N. Schwere / das ich wil / meinen Gnedigen Herren / Graff  Jheronimussn vnd Graff Lorentzn Schlickh c. ihrer Gnaden / Jungen Vettern vnd allerseits Erben / getrew vnd gewertig sein / ihrer Gnaden vnd gemeynes Bergkwergks bestes / Trewlich fu^ͤ rdern / schaden warnen vnd abwenden / vnd meinem Ampt / so mir befohlen ist / vnd sonderlich meinen Gewergken getrewlich fu^ͤ rstehen / alles / damit ich ihren nutz / mit recht steygern vnnd erzeugen mag / auffs ho^ͤ chste vleissigen / keynerley thuen oder vorhengen / das meinen Gewerhken zu schaden oder nachteyl reychen mag / mich allenthalben Wolgedachter Meiner Gnedigen Herren Ordnung / vnvorbru^ͤ chlich halden / Wo ich die  vbergangen befinde / warnen vnd ansagen / keynes geniess oder nutzes / denn der mir inn ihrer Gnaden Ordnung zugelassen ist / inn dem allen gewartten / Mich wider diss alles keinen nutz / gabe / gunst / freundschafft oder feindschaff /  bewegen lassen / Sondern wil solches alles / nach meinem ho^ͤ chsten vermu^ͤ gen halten / Alles trewlich vnd vngefehrlich / Als mir Gott helffe.

Hüttenreiter vnd Hüttenschreiber Eydt.

JCh N. Schwere / das ich wil / meinen Gnedigen Herren / Graff  Jheronimussn vnd Graff Lorentzn Schlickh c. ihrer Gnaden Jungen Vettern / vnnd aller seitts Erben / getrew vnd gewertig sein / ihrer Gnaden vnd gemeynes Bergkwergks nutz vnd bestes fu^ͤ rdern / schaden warnen vnd abwenden / meinem Ampt / Trewlich vnd vleissig vorstehen / vnd auffsehen / das ihrer Gnaden / vnd der Gewergken gerechtigkeit / mit schmeltzen nicht vorku^ͤ rtzt / trewlich / nu^ͤ tzlich / vnd wol geschmeltzt / auch aller betrigk vnd vnrechter vorteil / gemieden werde

/ mich des selber meyden / Wolgedachter Meiner Gnedigen Hern Ordnung /  allenthalben / vhestiglich hanthaben / selber halden / vnd wo ich die vbergangen befinde / warnen vnd ansagen / keines andern geniess oder nutzes / dann mir  zugelassen vnd verordent ist / gewartten / mich wider diss alles / keynen nutz /  gab / gunst / freundtschafft / oder feindtschafft / bewegen lassen / sondern wil dem allen nach meinem ho^ͤ chsten vormo^ͤ gen gnug thuen / trewlich vnd vngeferlich / Als mir Gott helffe.

Schmeltzer vnd Abtreyber Eydt.

JCh N. Schwere / das ich wil / meinen Gnedigen Herren Graff  Jheronimussn vnd Graff Lorentzn Schlickh c. ihrer Gnaden Jungen Vettern vnd allerseitts Erben / getrew / vnd gewertig sein / ihrer Gnaden / vnd gemeynes Bergkwergks bestes fu^ͤ rdern / vnd su^ͤ nderlich meinem dinst / mit schmeltzen (oder abtreiben) trewlich / vnd vleissig gnug thuen / zu mehrung meiner G. H. Zehenden vnd der Gewergken nutz / mit meiner arbeit besten vleis fu^ͤ rwenden / darinnen gar keyne gefehr noch betriegk vben / oder iemands zuthun / wissentlich vorhengen / wolgedachter meiner G. H. Ordnung / in allem / das mir / darinnen zuthun / eingebunden ist / vehstiglich halten / keynes nutzes / oder geniess / dann so viel mir zugelassen vnd verordent ist / inn dem allen gewartten / Mich auch keynerley nutz / gabe / gunst / freundschafft oder feindschafft / dauon  bewegen lassen / sondern wil dem allen / nach meinem ho^ͤ chsten vermu^ͤ gen gnugk thun / Trewlich vnd vngefehrlich / Als mir Gott helffe.

Marscheyder Eydt.

JCh N. Schwere / Nachdem ich zu eim vorordenten Marscheyder bin  zugelassen vnd angenohmen worden / Das ich meiner Gnedigen Herrn Ordnung / getrewlich wil halten / vnd mich einen iedern zu seiner notturfft / gutwilligk  gebrauchen lassen / Doch keinen gemeynen zugk / wehrzugk / oder verlornen zugk / ohne vorwissen vnd willen des Hauptmans vnd Bergkmeisters / thuen / Vnd so ich dieselben / auff berurte nachlassung thun wu^ͤ rde / das ich darinnen keinen betriegk vben / noch eynichen geniess / oder nutz suchen / auch niemands / mit vnpfleglichem lohne vbersetzen wil / Wo sich aber iemands desshalben / vber mich wu^ͤ rde beschweren / so sol dieselbe meine belohnung / auff des Herrn Hauptmans vnd Bergkmeisters messigung stehen / Trewlich vnd vngefehrlich / Als mir Gott helffe.

Probirer Eydt.

JCh N. Schwere / das ich einem iedern auff sein begeren / trewlich vnnd vleissig Probiren / vnnd desselben rechten bericht thun wil / Wo mir auch new Ertz oder Bergkart / die sich mit Silber beweist / zukohmet / wil ichs Erstlich dem / der mirs zuprobiren bracht hat / Vnd darnach dem Hauptman vnd Bergkmeister / mit bestendigem bericht / vnseumblich ansagen / Vnd von einer gemeinen prob vber iiij. w. pfenning nicht nehmen / auch keynes andern gefehrlichen vortheils oder geniesses dauon gewartten / Als mir Gott helffe.

Eldisten der Knapschafft Eydt.

JCh N. Schwere / Demnach ich von gemeyner Knapschafft / zu eim Eldisten / zuvorwaldung ires Einnehmens vnd Ausgebens / erwelet bin / vnd solches durch meine Gnedige Herrn Graff Hieronimussn vnnd Graff Lorentzn Schlickh c. nachgegeben ist / Das ich mich inn solchem Ampt / trewlich / vleissig vnd vngefehrlich / vorhalten wil / wo ich auch inn erfahrung ko^ͤ hme / oder vormerckte / das ihren Gnaden / derselben Jungen Vettern / Amptleuten / Burgermeistern / Rath / gantzer Gemeyne / schaden oder nachteil zustehen wo^ͤ lte / solches ihren gnaden vnd den verordenten Amptleuten / von stundan vnd vnseumblich anzusagen / vnd selbs / nach meinem ho^ͤ chsten vermu^ͤ gen zuuorkohmen / so weit mir leib vnd leben wendet / trewlich vnd vngefehrlich / Als mir Gott helffe.

Der Jüngsten Eydt.

JCh N. Schwere / Nachdem ich von gemeyner Knapschafft zu vorwaldung ihres eynnehmens vnd ausgebens / neben den Eldisten erwehlet bin / vnd so^ͤ lches von der Obrigkeit ist nach gegeben / Das ich mich inn dem selben Ampt / inn alle dem / das mir darinne zuhandeln gebu^ͤ ret / vleissig / trewlich vnd vngefehrlich vorhalten wil / Wo ich auch inn erfahrung ko^ͤ hme / das etwas meinen Gnedigen Herren / ihrer Gnaden Amptleuten / Burgermeistern / Rath vnd gantzer Gemeyne / zu nachteil vnd schaden geraychte / Das wil ich ihren Gnaden vnd Amptleuten / von stundan offenbaren / vnd selbst darwider trachten / so weit mir leib vnd  leben wendet / Trewlich vnd vngefehrlich / Als mir Gott helffe.

Der Gesessenen Eydt.

JCh N. Schwere / das ich meinen Gnedigen Herren Graff Hieronimussn vnd Graff Lorentz Schlickh c. ihrer Gnaden Jungen Vetteren vnd allerseits  Erben / getrew vnd gewerttig / auch ihrer Gnaden verordenten Amptleuten / Hauptman / Bu^ͤ rgermeister / Richter vnd Rath alhie / gehorsam sein wil / ihrer  aller ehre / nutz vnd frohmen / fu^ͤ rdern / schaden / auffruhr / vnd empo^ͤ rung / wo sich die begeben / vnseumlich ansagen / vnd nach meinem ho^ͤ chsten vermu^ͤ gen vorkohmen / vnd zum besten helffen wenden / Auch sunsten alles andere handlen / das eim getrewen vnderthanen zustehet / Getrewlich vnd vngefehrlich / Als mir Gott helffe.

Der Vngesessenen Eydt.

JCh N. Schwere / das ich meinen Gnedigen Herren / Graff Hieronimussn vnd Graff Lorentzn Schlickh c. ihrer Gnaden Jungen Vetteren vnnd Amptleuten / Hauptman / Bu^ͤ rgermeister / Richter vnnd Rath / so lang ich meinen enthalt  alhie hab / getrew vnd gehorsam sein wil / ihre gebot / trewlich halten / allen schaden wahrnen / vnd nach meinem ho^ͤ chsten vermu^ͤ gen helffen vorkohmen /  Auch sunsten alles andere handeln / das ein frohmen gehorsamen zustehet /  Getrewlich vnd vngefehrlich / Als mir Gott helffe.

Krentzler Eydt.

JCh N. Schwere / Nachdem ich zu eim Krentzler bin angenohmen / Das ich denselben dinst / nach meinem ho^ͤ chsten vermu^ͤ gen / vnd vorstandt /  getrewlich vnd vleissigk fu^ͤ rstehen wil / iederman rechten / warhafften bericht thuen / was an iedem ort / der gemeyne kauff ist / keynen vortheil / noch betrugk suchen noch gebrauchen / sondern mich gegen armen vnd reichen / gleichmessig vnd vnuerweislich halten / welcher mir auch kuckes zuuorkauffen anbeut / oder zukauffen begert / dene wil ich darmit am ersten fu^ͤ rdern / Vnd inn berurtem meinem dinst / weder gunst / geschenck / freundschafft / noch feindschafft / noch ichtes anders / wie zuerdencken / ansehen / sondern mich / an dem / was mir ein ieder aus gutem / freien willen / zutranckeldt schencket / oder giebet / gentzlich begnu^ͤ gen lassen / Vnd alles andere handlen vnd thuen / was eim auffrichten Krentzler gebu^ͤ ret / vnd zustehet / Getrewlich vnd vngefehrlich / Als mir Gott helffe.

volget das Register

Register vnd Zeyger / aller Artickel / inn dieser Bergkordnung begriffen.

Vorrede.

Darauff volgen

Teylung dieser Bergkordnung / inn vier teyl.

Von bestellung der Amptleute vnd Diener vnd derselben gmeynen befehl. Von bestellung Gericht vnd Recht / inn allen sachen.

Artickel des Ersten Teyls.

Erst Artickel. Hauptmans beuehl.

ij. Artickel. Bergkmeisters beuehl.

iij. Artickel. Geschwornen beuehl.

iiij. Artickel. Zehenders beuehl.

• Artickel. Gegenschreybers im Zehenden beuehl.
• Artickel. Austeylers beuehl.

vij. Artickel. Silberbrenners beuehl.

viij. Artickel. Hu^ͤ ttenreitter Ampt vnd beuehl.

1. Artickel.

Gegenschreybers beuehl / vnd von seiner besoldung.

• Artickel. Bergkschreybers beuehl / vnd seinem lohn.
• Artickel. Probirer beuehl.

xij. Artickel. Marscheyder beuehl.

Artickel des Andern Teyls.

Der Erste Artickel. Von Schu^ͤ rffen.

ij. Artickel. Von Mutthung.

iij. Artickel. Von entblo^ͤ ssen der Genge.

iiij. Artickel.

Von erlengen / vnd zetteln ins Lehenbuch zulegen.

• Artickel. Kein Freyschu^ͤ rffen zu erlengen.
• Artickel.

Vom Freymachen vnd auffnehmen alter Zechen.

vij. Artickel.

Von Zechen / so mit weilarbeit gebawet werden.

viij. Artickel. Vom Bestettigen vnd Vorleyhetage.

iX. Artickel. Von den Bergkbu^ͤ chern. X. Artickel.

Wie sich der Auffnehmer alter Zechen / halten sol. Xi. Artickel.

Von Zechen / so zwischen der Rechnung / liegend bleyben / vnd wider            auffgenohmen werden. Xij. Artickel.

Von Gewergkschafften / ins Kegenbuch zu antworten / vnd wie viel Teyl / in            ieder Zeche / gemacht werden sollen. Xiij. Artickel.

Von Zupus anlegen / auff alten vnd newen Zechen. Xiiij. artickel.

Von Zupusbrieffen.

Xv. artickel.

Von bestellung der Zechen / mit Steyger vnd Schichtmeister. Xvi. artickel. Von entsetzung Steyger vnd Schichtmeister. Xvij. artickel.

Wie viel Zechen / ein Schichtmeister vnd Steiger / innen haben mag. Xviij. artickel. Vom Gegenschreyber vnd abschreyben.

XiX. artickel.

Der Gegenschreyber sol ohne beuehl c. nicht abschreyben. XX. Artickel.

Von Zechen oder Teylen / so anderen / im schein zugeschrieben. XXi. Artickel.

Das die auffnehmer alder Zechen / die Tieffsten bawen / vnd die Hallen nicht             kleynen so^ͤ llen. XXij. Artickel. Von vberfahrung Genge vnd Klu^ͤ ffte. XXiij. Artickel. Von new troffenem Ertz. XXiiij. Artickel. Das man die Zechen / nicht vorstu^ͤ rtzen sol. XXv. Artickel.

Bergkmeister vnd Geschworne / so^ͤ llen gute achtung auff die gepeude geben. XXvi. Artickel. Vom vberschlahen vnd vormessen der massen. XXvij. Artickel.

Vom schweren zum vormessen / vnd furgehn der Schnur vnd Lochsteynen. XXviij. Artickel.

Von hindernus des vormessens / vnd greiffen inn die Schnur. XXiX. Artickel. Von fristen / den Zechen zu geben. XXX. Artickel. Von Stewr / wie es damit gehalten sol werden. XXXi. Artickel. Von den Geschwornen vnd ihrem beuehl. XXXij. Artickel.

Wie sich die Geschworne / inn verho^ͤ re der sachen / vnd mit bericht / halten            sollen.

XXXiij. artickel.

Die Geschworne / sollen sich / im freymachen / vnuorweisslich halten / auch ohn            erlaubnus von hinnen nicht abreysen. XXXiiij. Artickel.

Wie sich die Geschworne mit dem Vordingen / halten so^ͤ llen. XXXv. Artickel.

Wie sich die Hewer / mit den Gedingen / halten so^ͤ llen.

XXXvi. Artickel.

Von den gedingen / vnd anderer arbeit / gebu^ͤ rlicher weise abzukeren. XXXvij. Artickel.

Was ein Steyger thun / vnd wie er sich / gegen den arbeitern halten sol. XXXviij. Artickel. Wie die Schichten / gehalten so^ͤ llen werden. XXXiX. Artickel. Von der Nachtschicht. XL. Artickel.

Das kein Arbeiter / auff keiner Zeche / zwey lohn / haben sol. XLI. Artickel.

Wie die Schichtmeister / der Gewergken gut bewaren / vnd erzeugen so^ͤ llen. XLII. Artickel.

Die Steyger so^ͤ llen Vnselt vnd Eysen / nachm gewicht empfahen / vnd nichts            verleyhen. XLIII. Artickel.

Die Diener so^ͤ llen nicht gefreund sein / vnd der Schichtmeister auffn Steyger            sehen.

XLIIII. Artickel.

Steyger vnd Schichtmeister / so^ͤ llen die arbeiter nicht zur kost haben / Auch auffn            Zechen kein Bier schencken / vnd keine gemiette Jungen haben. XLV. Artickel.

Steyger / Schichtmeister vnd Arbeiter / so^ͤ llen an ihrem gesazten lohn begnu^ͤ gig            sein.

Von der Schichtmeister lohn.

xlvi. artickel.

Schichtmeister vnd Steyger / sollen ihre beuehl vnd dinst selbst versorgen.

xlvij. artickel.

Schichtmeister vnd Steyger / so^ͤ llen den Gewercken warhafftigen rechten            vnterricht der gebeude geben.

xlviij. Artickel.

Von vorwahrung des Ertzes / vnd das nicht grosse hewser / auff die Zechen            gebawt so^ͤ llen werden.

• artickel. Vom anschnidt vnd lohnen.
• artickel. Vom nicht auffschlahen des lohnes.
• artickel.

Vom Quatemmergeldt.

lij. artickel.

Von der Rechnung / vnd wie die geschehen sol.

liij. artickel.

Die Schichtmeister / so^ͤ llen sich / zuuorn mit dem Zehendner berechnen.

liiij. artickel.

Die Rechnung sol ohne tadel sein / vnd die Register lauter vnd deutlich.

• Artickel.

Aller vorrath auffn Zechen vnd inn der Hu^ͤ tten / sol auff die Register            eygentlich verzeichent / vnd besichtiget werden.

• artickel.

Die Gewergkschafften so^ͤ llen aussm Gegenbuch / zur Rechnung mitgerbracht            werden.

lvij. artickel.

Wie die Rechnung geschickt sol sein / vnd von Handtschrifften.

lviij. artickel.

Von Zechen / so zwischen Quartaln aufflassen / zuuorrecessen.

• artickel. Vom Recessbuch.
• artickel.

Vom vbersehen der Register / nach der Rechnung.

• artickel.

Von der Auspeut zubeschliessen / vnd was sich zur Auspeut nicht erstreckt.

lxij. artickel.

Wie man sich nach der Rechnung / mit Zupus anlegen halten sol.

lxiij. artickel.

Wie die Schichtmeister die Zupus sollen einbrengen / auch bey wem sie /             dieselb zufordern schuldig seind / oder nicht.

lxiiij. artickel.

Das die Gewercken ihre Zupus / inn vier wochen geben sollen.

• Artickel. Von vberantwortung des Retardats.
• artickel.

Wie es mit den Retardat teylen sol gehalten werden.

lxvij. artickel.

Der Gegenschreiber / sol aus eygenem gewalt keynen Kuckes aussm 

           Retardat geben.

lxviij. Artickel. Von entpfangener vnd nicht vorrechenter Zupus.

• artickel.

Wie mit den volmachten so vber Retardat teyl auffbracht / gehandelt sol            werden.

• artickel.

Die Schichtmeister sollen nicht zuuiel aussm Zehenden nehmen / vnd den            Gewercken nicht schuldig bleyben.

• artickel.

Wie es mit schuldmachen auff die Zechen / gehalten sol werden / vnd das            verlegene Zechen keine schuld zalen sollen.

lxxij. artickel.

Wie vnd inn was zeit die Gewehr der teyl geschehen sol.

lxxiij. artickel.

Wenn sich der vorkauffer oder kauffer nicht finden wil lassen.

lxxiiij. artickel.

Wenn Teyl zwischen der Rechnung vnd dem Retardat vorkaufft / wie die             gewehrt sollen werden.

• artickel.

Vom vorrecessen der Zechen / vnd seiner straffe.

• artickel.

Ob Genge inn die teuff zusammen / vnd einander inn die vierung fielen.

lxxvij. artickel. Von Kohmmer vnd verbot / zu Ertz vnd anderm.

lxxviij. Artickel.

Wo man entschiedt irriger Bergksachen suchen sol.

• artickel.

Tagleistung sollen one erlaubnus nicht gestatt werden.

• artickel.

Was / vnd wie / der Bergkmeister / zu bu^ͤ ssen hat / vnd wie er die bussen             berechnen sol.

• artickel.

Die Gerichte alhier / mu^ͤ gen die frehueler / ins Bergkmeisters gerichte antasten.

lxxxij. artickel.

Das auffn Zechen / vnd andern o^ͤ rtern / dem Bergkwerck zustendigk / Freyheit            sey.

lxxxiij. artickel. Todschleger sollen des Thals ewig verweist sein.

lxxxiiij. artickel.

Ob Arbeiter an der Gewergken arbeit schaden nehmen.

• Artickel.

Von den verlegnen Kawen / vnd Zechenheusern / auch von Schawstuffen nicht            zunehmen.

• artickel.

Keiner sol ohne erlaubnus dem andern inn seine Zeche fahren. LXXXvij. art.

Wie man sich inn aufflaufften / fewers vnd anderer sachen halten sol.

lxxxviij. Artickel.

Jnn aufflaufften / vnd vorsamlungen / sol man keinen widerwillen effern.

• artickel.

Wie sich die Eldisten vnd Ju^ͤ ngsten der Knapschafft / auch andere halten sollen.

• artickel.

Alle Vnbesessene sollen vns Eydespflicht thun.

• artickel. Von den Krentzlern vnd ihrem beuehl.

Von den Erbsto^ͤllen

xcij. Artickel.

Von der Erbsto^ͤ llen gerechtigkeit vnd Erbteuffe.

xciij. Artickel.

Wie hoch vnd weit ein Erbstolln das Ertz hawen mag.

xciiij. artickel.

Wenn der Stolln Ertz tro^ͤ ff / vnd hette nicht die Erbteuff.

• artickel. Von Gesprengen inn Sto^ͤ llen nicht zugestatten.
• artickel.

Das kein Sto^ͤ llner / sein erste wasserseyge / sencken / erheben / oder verlassen            sol.

xcvij. artickel.

Mit was teuffe / ein Stolln / den andern / enterben sol.

xcviij. artickel.

Die Sto^ͤ llner / sollen nicht vbersich brechen / andere Sto^ͤ llen / des Neunden            zuenterben.

• artickel.

Den Sto^ͤ lln sol von Hallen / Felsen / vnd Affter / das Neunde gereycht werden.

• artickel.

Wenn ein Stolln / das ort / do Ertz bricht / nicht erreycht hat.

c.i. Artickel. So zwey Tieffste / inn eyner Zeche / weren.

c.ij. Artickel.

So man auff Stollo^ͤ rttern / aufflest / vnd stuffen geschlagen werden.

c.iij. Artickel.

Was Vnser Hauptman / Bergkmeister / vnd Geschworne / vermo^ͤ ge Vnser            Ordnung befehlen vnd schaffen / dem sol gehorsam geleystet werden.

Artickel des Dritten Teyls.

Der Erste Artickel. Von den Hu^ͤ ttenherrn.

ij. Artickel. Von den Hu^ͤ ttenschreibern.

iij. Artickel.

Von den Hu^ͤ ttenmeistern / Schmeltzern / vnnd andern Hu^ͤ ttenarbeytern.

iiij. artickel. Von den Abtreybern vnd ihrem beuehl.

• artickel.

Von den Hu^ͤ tten / vnd das in keinen frembden Hu^ͤ tten / geschmeltzt werden sol.

• artickel.

Von Puchwergken / vnd wenn die Wescher / darinnen puchen mo^ͤ gen.

vij. artickel.

Niemandt sol vom Schmeltzen abgedrungen werden.

viij. artickel.

Niemandts inn ein Hu^ͤ tten zu zwingen / noch mit liebnus darein zu mu^ͤ ssigen. ix. artickel.

Nach Mittage / auch bey Nacht / sol man nicht Schmeltzen.

• artickel.

Kein Hu^ͤ ttendiener sol vber nacht aus dem Thal sein.

• artickel.

Keiner sol dem andern sein Silber / gekretz vnd anders zuschreyben lassen.

xij. artickel. Wenn man mit Schmeltzen anlassen sol.

xiij. artickel.

Hu^ͤ ttenarbeit / mit vnd beneben der Gewercken arbeit / nicht zuthuen.

xiiij. artickel. Von Schlacken.

• artickel.

Hu^ͤ ttendiener / mit vnsers Hauptmans / vnd der Hu^ͤ ttenreitter wissen / an / vnd            abe zulegen.

• artickel.

Schichtmeister sollen beim an / vnd auslassen des schmeltzens sein.

Artickel des Virden Teyls.

Der Erste Artickel.

Alle irrung vnd gebrechen / Bergkwerck betreffende / sollen am ersten vor            Bergkmeister vnd Geschwornen / gehandelt werden. II. Artickel.

Do die gu^ͤ tliche handlung entstu^ͤ nde / sol die sache inns Ampt gelangen. III. Artickel.

So die gu^ͤ te im Ampt entstu^ͤ nde / was ferner zuthun sey. IIII. Artickel.

Wo sich eine / oder beyde partt / auffs Recht werffen wu^ͤ rden. V. Artickel.

Die Partten / sollen mit gnugsamen volmachten fu^ͤ rkohmen. VI. Artickel.

Die Partt mu^ͤ gen im Ampt / oder vor Bergkgericht rechtlichs austrags gewarten. VII. Artickel.

Vom Process im Ampt zuhalten / auch von fu^ͤ rstandt vnd gewehr zubestellen. VIII. Artickel.

Von straff der Partt / die fu^ͤ rstandt vnd gewehr nicht bestellen. IX. Artickel.

Wenn fu^ͤ rstand vnd gewehr bestellt ist / wie ferner vorfahren sol werden. X. Artickel. Von einbrengung des Beklagten Exception. XI. Artickel.

Von des Beklagten antwort / vnd zersto^ͤ rlichen einreden. XII. Artickel.

Von Collationirung eingebrachter setze.

XIII. Artickel. Wo man sich vrteyl erholen sol. XIIII. Artickel.

Die Vrteyl / auffs fu^ͤ rderlichste zufassen / vnd ero^ͤ ffnen. XV. Artickel.

Die Vrteyler sollen gewarnet sein / auff die hauptsache zusprechen. XVI. Artickel. Vom Vrteylgeldt vnd Bothenlohn. XVII. Artickel.

Wie viel den Vrteylern / fu^ͤ r ihre mu^ͤ he vom Vrteyl zufassen / gegeben sol            werden. XVIII. Artickel.

Von ero^ͤ ffnung der Vrteyl / vnd inn was zeit / die / ihre krafft erreychen sollen. XIX. Artickel.

Von Leuterung / wie die einbracht / vnd darauff vorfahren sol werden. XX. Artickel.

Von beweisung / inn was zeit / die / volfu^ͤ rt sol werden. XXI. Artickel. Wenn ein Zeugenfu^ͤ hrer durch den Richter / oder Commissarien verzogen. XXII. Artickel.

Von der frist / do ein Zeugenfu^ͤ hrer / sein zeugknus / von ferne suchen mu^ͤ ste. XXIII. Artickel. Von Beweissartickeln / vnd fragstu^ͤ cken. XXIIII. Artickel. Von verho^ͤ rern der Zeugen. XXV. Artickel.

Wie man die Zeugen / zeugknus zugeben zwingen mag. XXVI. Artickel.

Die Zeugenspersonen / so^ͤ llen den gewohnlichen Zeugeneydt thun. XXVII. Artickel.

Von ero^ͤ ffnung des Zeugknus / vnd der Partt gesetze darauff. XXVIII. Artickel.

Von Appellation / wie die gethan / vnd zugelassen sol werden. XXIX. Artickel.

Jnn was zeit die Apposteln gesucht sollen werden. XXX. Artickel.

Jnn was zeit die Apposteln / vns / fu^ͤ rbracht sollen werden. XXXI. Artickel.

Jnn was zeit die Appellation / gerechtfertigt sol werden. XXXII. Artickel.

Jnn was gestalt / die Setze / inn der Appellation sache / sollen eingebracht            werden.

XXXIII. Artickel.

Was also inn der Appellation / zu Recht erkand wird / darbey sol es bleyben. XXXIIII. Artickel.

Wenn ein Appellation fallen / vnd erleschen sol.

• artickel.

Von straff der Partt / die mit einbrengung der Setze seumig.

• Artickel. Von erlegung der Zwentzigk Margk Silber.

xxxvij. artickel.

Vonn Beyurteylen / sol man nicht Leuttern noch Appelliren.

xxxviij. artickel. Vom Process vor Bergkgericht zuhalten.

• artickel.

Der Partt einbrengen / sol mit guter bescheydenheit / gestellet werden.

• artickel.

Von des Amptschreybers zufelliger besoldung.

Vom Process / der vor Vnserm Bergkmeister / inn sachen / inn sein Ampt geho^ͤrig / vnd ausser rechts / gehalten sol werden /  hat xv. artickel.

Der Erste artickel.

Wider was Personen / vnd inn was sachen / der Bergkmeister klage annehmen /             kohmmer / vnd hu^ͤ lff thun sol.

ij. artickel.

Von der Citation / wider den Einheymischen Schuldiger.

iij. artickel. Wie ein Frembder sol geladen werden.

iiij. artickel.

Was auffn Ersten / Andern / vnd Dritten / Termin gehandelt sol werden.

• artickel. Von der Ehafft.
• artickel. Von der Hu^ͤ lffe / zur Auspeut.

vij. artickel.

Wie die Hu^ͤ lffe zu Bergkteylen gethan sol werden.

viij. artickel. Von auffgewanter Expens vnd vnkost.

1. artickel.

Do der Beklagte auffn Ersten / Andern / Dritten / oder Vierden Termin erscheint.

• artickel.

Wo sich ein teyl von diesem Process / inns Ampt beru^ͤ ffte.

• artickel.

Wenn die Klage / wider Einheymische angestellet.

xij. artickel.

Wenn die Klage zu einer Zeche / oder derselben vorrath gethan wirdet.

xiij. artickel.

So die verholffene Teyl / Auspeut / Zeche oder Vorrat / zu voller zalung nicht            reychte / oder so vberlaufft daran sein wu^ͤ rde.

xiiij. artickel.

Wie sich der Bergkmeister / mit vorstattung der Kohmmer halten sol.

xv. artickel.

Was Ordnung / inn der Hu^ͤ lff / zu beweglichen / oder vnbeweglichen gu^ͤ tern /             gehalten sol werden.

Hernach volgen die Eyde / der Amptleute / Diener vnd anderer.

Correctur / vnd besserung / etlicher wort / so im Drücken vorsehen.

1. B.fs. inn der ersten Columm / an der zwelfften zeil / von vnten auff / steht        zunu^ͤ chten / liess / zu muthen.
2. Jm lxxvi. artickel / inn der vierden zeil von vnten auff / liess / vnd nach ihrem        vorstande / die Ju^ͤ ngern / den Eldisten c.
3. Jm andern artickel des Dritten teyls / Von den Hu^ͤ ttenschreibern / im Versickel /        So ein Gewergkschafft / in der andern zeil / fu^ͤ r Schmeltzer / liess Schmeltzet.
4. Jm selben Artickel vnd versickel / in der x. zeil / lies geschmeltzt.
5. Jm Neunden Artickel des Vierden teyls / in der xij. zeil / liess von acht tagen zu        acht tagen / einzubrengen beschliessen.
6. Jm xviij. Artickel / des Vierden teyls / am ende liess / auffgehoben sein. ⁷ Jm xxviij. Artickel des Vierden teyls / in der iij. zeil / liess von der stunde        ero^ͤ ffenten vrteils / oder begegenter beschwerung.
7. Jm xl. Artickel des Vierden teyls / inn der iiij. zeil / fu^ͤ r rachen liess reychen.
8. Jm iij. Artickel des Bergkmeisters Process / inn der vi. zeil liess voreydettem.
9. Jm viij. Artickel vts. inn der letzten zeil / liess / auff verholffen teylen c.
10. Jns Zehenders Eydt / fu^ͤ r flessig / liess fleissig.

Gedruckt vnd volendet / inn der Churfürstlichen Stadt Zwickau / durch  Wolffgang Meyerpeck / Jm Monat Februarij /  Nach Christi geburt / M. D. XLII.

Worterklärung und Währungen

Furlaufer   Gestuͤ b Hallen Kohmer / Kohmmer Reichen Almosen  Scheuben   Verlornenzugk Wehrzugk

transportiert den gerösteten Schlich vor den  Schmelzofen Mischung aus Holzkohle und Lehm Hall/taubes Material, Halde Pfändung, Beschlagnahme Stiftung für Bedürftige Scheiben, das Silber wird nach dem Schmelzen in Scheibenform gegossen. vorläufige Vermessung nach Vermessungsstreitigkeiten von einem  dritten Markscheider festgelegte Vermessung

ͤ

107

Aposteln Appellation Citation Collationirung Compulsorial Declinatorien Dilatorien Ehafft Exception Expens Jnhibition Jniurien Jnterrogatoria Justification peremptorien procedirt remittiren rotulirt subsidium iuris Suppliciren   Weißgroschen   Kleiner Groschen Thaler

Beschlüsse Berufung Vorladung vergleich eines Originaltextes mit einer Abschrift Mahnschreiben eines Gerichtes an ein anderes Gericht Ablenkungen Aufschübe gesetzlich gebilligtes Hindernis Ausnahme Gerichtsgebühren einstweilige Verfügung Beleidigungen Befragung Rechtfertigung Einreden verfahren zurückschicken zusammenbinden zur Unterstützung des Rechts demütig bitten   14 kleine Pfennige 7 weiße Pfennige 7 kleine Pfennige 36 Weißgroschen